Number of posts : 5866 Registration date : 09.11.08
Subject: რენე კალანდია Wed Aug 16, 2017 8:24 am
Rene Kalandia
რენე კალანდია (1944-2014)
პოეტის პირველი კრებული სახელწოდებით „ხსოვნის ყვავილები“ აფხაზეთში 1972 წელს დაიბეჭდა.
2011 წელს სერიით „ასი ლექსი“ გამოიცა პოეტის განახლებული კრებული, სადაც მანამდე გამოუქვეყნებელი ლექსებიც შევიდა. მის შემოქმედებას არა მხოლოდ საქართველოში, არამედ უცხოეთშიც კარგად იცნობენ. რენე კალანდიას ლექსები მსოფლიოს სხვადასხვა ენაზეა თარგმნილი.
გალაკტიონის ლონდონური საღამო , ბადრი ჭოხონელიძე , რენე კალანდია - დროის ჩანაწერები TV ertsulovneba გამოქვეყნდა 16 ნოე. 2014-ში
Last edited by Admin on Wed Aug 16, 2017 11:12 am; edited 5 times in total
Admin Into Armury
Number of posts : 5866 Registration date : 09.11.08
Subject: Re: რენე კალანდია Wed Aug 16, 2017 8:26 am
რენე კალანდია
საუკუნის მიწურული
მტვერში მივათრევ ცალ ფრთას, — მიმზერს ერი და ბერი, ზღვა დარდი მძიძგნის, ხოლო მეორე — ცისარტყელა — შვიდი ხმით მღერის — ცაზე — ღვთის წიგნი... ეტყობა, პოეტს არ ეკუთვნის აღარაფერი, — ტკივილის გარდა... აქაც და იქაც — თავზე გადგას ჟამი — ცერბერი, რომელიც ყარდა — აჰ, სა... უკუნ... ე!.. დროდადრო კი ამოდიოდა ბორცვაკზე ია — ცრემლის სხივივით... წამს, რომელიც ასე მტკიოდა, უცნაურია: ლექსები ჰქვია!..
კრებულიდან „გამოთხოვება ალკოჰოლთან“, 1990 წ.
Рене Каландия на фестивале "Европейские дни в Самаре" cirkolimptv გამოქვეყნდა 8 აპრ. 2012-ში Международный арт-фестиваль "Европейские дни в Самаре", посвященный Карлу Микаэлю Бельману. Куратор и режиссёр - поэт Сергей Лейбград. Самара, 21 марта 1997 года. В самарском Доме кино выступает поэт Рене Каландия, который читает свои стихи на грузинском и русском языках.
Last edited by Admin on Thu Mar 14, 2019 9:19 pm; edited 2 times in total
Admin Into Armury
Number of posts : 5866 Registration date : 09.11.08
Subject: Re: რენე კალანდია Wed Aug 16, 2017 8:29 am
რენე კალანდია
ნაწვიმარი დღე
შემოეჩვივნენ ეზოს შაშვები და ჭახჭახებენ: ,,რენე, რას შვრები''!.. - რა ვქნა?.. ლექსებს ვწერ, ჩემო შაშვებო, თუმც ვის სჭირდება?!. თავს ვიბავშვებ, ჰო, რა თქმა უნდა, და... ვკითხულობ ტომებს კლასიკოსების... რომ შემატოვეს ამ ჭრელ საწუთროს - სავსებით ფუჭად, თუმცა წიგნებით მასვეს თაფლუჭა... მკითხველო, მინდა, რომ გავამართლო ბრძენთა წასვლა, თან ცის სასამართლოს ვერ წარვუდგები ცოტა ხანს, რათა აღარ გაუსკდეს გული სამ ქათამს, რომლებიც სიმწრის ოფლით იყიდა დედამ და ყოველ დილას იმკიდა ოჯახი სამ კვერცხს... მე ვწერდი ლექსებს - არალეგალურს - ვერმოალერსეს... ქუხს ანარქია, დაქრის ბრმა ტყვია, ძმათაკვლის შხამი თეთრ სიშორიდან მოედინება... ბნელ მოსახვევში მოყვასისათვის აგურით თავის გაბრტყელებას კი ,,უბედური შემთხვევა'' ჰქვია: ეზოს შაშვებო, უფრთხილდით ტყვიას, რადგანაც თოვლი მოვიდა...
Admin Into Armury
Number of posts : 5866 Registration date : 09.11.08
Subject: Re: რენე კალანდია Wed Aug 16, 2017 8:30 am
რენე კალანდია
თივის და გოგოს ბალადა
ყველაფერში დამნაშავე იყო თივა… (თითქოს ყვება ისტორიულ ამბავს), ყველაფერში დამნაშავე იყო თივა, ზაფხული და შენი მოკლე კაბა. ყველაფერში დამნაშავე იყო თივა, ვარსკვლავები უპირველეს ღამის… ყველაფერში დამნაშავე იყო თივა, უცნაურად მოცახცახე წამი… ყველაფერში დამნაშავე იყო თივა… თივის სუნი და ნაცნობი სუნთქვა… ყველაფერში დამნაშავე იყო თივა, წავიდა და არაფერი უთქვამს…
Admin Into Armury
Number of posts : 5866 Registration date : 09.11.08
Subject: Re: რენე კალანდია Wed Aug 16, 2017 11:01 am
წვიმიან დღეთა უსასრულობის სიზმარ-ცხადს უცებ აკრთობს სტრიქონის ელვა და გიპყრობს, არათუ ფლობაგაცემის ჟამი, არამედ გონის დაკარგვის ჟინი: შენ უკვე სხვა ხარ, აღარ ეკუთვნი სამყაროს სულაც: უფალი უსმენს შეშლილის ხარხარს, _ შენში დემონი აღზევებულა...
Admin Into Armury
Number of posts : 5866 Registration date : 09.11.08
Subject: Re: რენე კალანდია Wed Aug 16, 2017 11:02 am
რენე კალანდია
***
არც სიძულვილით, არც სიყვარულით, არც შეძრწუნებით: უბრალოდ, გელი _ მშვიდად, არც ვფიქრობ, რომ მომჩვარული შეგხვდე _ ღარიბი და უქონელი დაგხვდები: შეშლილთ ჟამიც ხომ დგება იქ _ ცათა შინა, რადგან აქ _ ძნელი დრო მეფობს: სული ნაგვიანდება: _ სადღაა შენი მსახვრალი ხელი?!
*** როდესაც იცი: ეს დღეც მოკვდება, ბინდში გადავა, როგორც სურნელის სასოწარკვეთა... კვლავ მეორდება შენში ტკივილი, შავი კუნელის ეკლის სიმძაფრით: რას ელოდები, საბრალო ხორცო _ ტანჯვის ჭურჭელო?.. დაბადებიდან რისხვის ლოდებით ნაგვემო, ძილშიც უსმელ-უჭმელო!..
*** აჰა, აყვავდა ისევ, დალის ოცნების ბაღი!.. ვკვნესი: უფალო, მიხსენ, როცა წერისგან დაღლილს, სიკვდილი მომენატრება, თავის მოკვლაზე ვფიქრობ... უეცრად აშრიალდება, სატანა სანთელს მიქრობს _ ტვინში... იღვიძებს ბუნება _ ჩემში... მეც ვიგრძენ, ბაღმაც: აჰანდე, შემობრუნება დაღმა მავალის აღმა...
Last edited by Admin on Wed Aug 16, 2017 11:08 am; edited 2 times in total
Admin Into Armury
Number of posts : 5866 Registration date : 09.11.08
Subject: Re: რენე კალანდია Wed Aug 16, 2017 11:03 am
რენე კალანდია
***
ახლახან მივხვდი: ჩემი წარსული დამარცხებათა ნუსხაა მხოლოდ _ ამბოხებულის და დაღდასმულის გამათხოვრება _ ბოლოს და ბოლოს ფალიაშვილის ბგერა _ გოდების წამი: სულისა და ხორცის გაყრა... შემდეგ _ საფლავის მტვრიან ლოდიდან ასხლეტილ სხივის ზეცისკენ აყრა...
Admin Into Armury
Number of posts : 5866 Registration date : 09.11.08
Subject: Re: რენე კალანდია Wed Aug 16, 2017 11:05 am
რენე კალანდია
მელანქოლიის გამოქვაბული (სკეპტიციზმის თეორიიდან)
„გეშინოდეთ სიმარტოვისა, გეშინოდეთ მცონარობისა!“ რობერტ ბერტონი, „მელანქოლიის ანატომია“
ჩამოწერილი კელაპტრებია: ბჟუტავენ, წყვდიადს ვერ ანათებენ... მოწყენილობა _ გადამდებია სურდოსებრ... ბეჭზე _ ბასრი თათები გაწევს სატანის: `ყოფნა-არყოფნის~ საკითხი _ მარად გადაუჭრელი გიძიძგნის გულკაჟს: რა ცოტა ყოფნის მოკვდავს, როდესაც გატყვრა მუცელი?!
Admin Into Armury
Number of posts : 5866 Registration date : 09.11.08
Subject: Re: რენე კალანდია Wed Aug 16, 2017 11:07 am
რენე კალანდია
პანორამა
სახლების ჭრილში შავი ზღვა მოჩანს, სახლების ნისლში სუნთქავს შავი ზღვა _ სახლების ფონზე _ ფოთლად და.. მორჩა!.. სახლების ქვებთან ერთი შავი ქვაც... ჰა, მოვშორდები წყეულ აივანს, მაინც ძველი გზით ივლის ცხოვრება და იწრიალებს დასაბამიდან ჩემი ერთგული განმარტოება... იქით, ყრუ კედლის მიღმა ხმაურობს დღე დაბადების... და აღშფოთების სევდა ანათებს, როგორც ამური _ ლარნაკზე ღამით და სათნოებით...
Nicoletta La Chatte Admin
Number of posts : 453 Age : 29 Location : Marseille Job/hobbies : poète et Journaliste Humor : Le bien Registration date : 12.02.19
Subject: Re: რენე კალანდია Thu Mar 14, 2019 9:10 pm
Rene Kalandia
რენე კალანდია
დალი ყალიჩავას
ძვირფასო, ფერფლის გემო აქვს ანდერძს, უჟამო ჟამი როგორც არ ქროდეს - ამ სიბილწეში თუ რამდენს გავძლებ, არც მიფიქრია, აღარასოდეს… რა აზრი ჰქონდა? - გვიან თუ ადრე წავალ, რას ვტოვებ? - სევდას რაოდენს, მხოლოდ მე ვიცი: ქვეყნად რა მკადრეს, შენ არ გისურვებ, იმედი გქონდეს!..
Home 
