ხუმრობა ხადას იციან...

დაგძველებიათ ლექსები,
დაგობებიათ კაფია.
კაწალხეველო ვაჟიკავ,
შენ მაინც სადღა გაჰქრია?












გამარჯობა

გაგიმარჯოს, ხადელო ზაალო...

მოგივა აქა ვაჟიკა კაწალხეველი და ისიც კი საშიშია, მაგრამა იმაზე უფრო ბაო-სანათას დუეტს უფრთხილდი...

მადლობელი ვარ ადმინო,
შამხვდი არმურის კარზედა.
არ დაიშურე "სმაილი"
სტუმარ-მასპინძლის თარგზედა
გულ ამიჩუყე ბერიკაცს,
ცრემლი მამადგა თვალზედა
ვეცდები კარგად ვისტუმრო
და არც მე დაგრჩე ვალზედა

რჩევებიც კარგი მომეცი
კაწალხეველით მაშინე
ბაო-სანათა მამგვარე
დუეტს არ ვუფრთხი საშინელს!

სტუმრად მოედი ხადელი,
ამაყი ვარ და თავნება.
ლექსად ვიწვიე ფშაველნი,
შიშით ვერცერთი შამება

მაუს ამაოდ ვიქნიე,
ლაღი მარჯვენით პყრობილი.
აიძრახოდეთ ფშავლებო,
რადა ხართ გულჩათხრობილი?

რამ დაგადუმათ ფშაველნო?
კომპს ვინ გიჭირათ მარწუხი?
ლამის ჩემ ნათქომ კაფიებს,
მე თავად გავცე პასუხი

ბობოისკარზე შამოველ,
დავდივარ დონ-კიხოტივით.
ხან აქათ ვეცი, ხან იქით,
ხან მარტო ვზივარ ჭოტივით.

ქარის წისქვილებს* ვეომე,
ვაძგერე შუბი-ჰოროლი.
ფშავლებო შამაიარეთ,
თქვენცა თქვით თითო-ოროლი


*ქარის წისქვილებში აქ მიტოვებული ტოპიკები იგულისხმება

გამოდით ფშავლის შვილებო,
გემუდარებით ამასა.
მასმინეთ სხარტი კაფია,
ნუ ეფარებით კარავსა.

გამოდით, ბაყაყ უჩნდება,
ჰო იცით, დამდგარ წყალასა!
ბობოსკარს უთქვენობითა,
ობ-ხავსი გადაფარავსა.

გამოდით, გეპატიჟებით,
გაჭმევთ მთიულურ ქადასა.
ვაჟიკას ცალკე ვუმზადებ,
კომბოსტოს ხინკალს მაგარსა.

გამოდით, თუ არ გამოხვალთ,
მუქარით გეტყვით ამასღა.
დავიპყრობ ბობოისკარსა,
შამავუერთებ ხადასა!!!

განა არ ვიცი მუქარა,
კარგად რომ არ მამივიდა.
განა ეგეთი ავიც ვარ,
ბრაზ უკვე გადამივიდა.

ლოდინით ძრიელ შავღონდი,
თან რითმაც ეგ წამივიდა.
...
აქ საკაფიოდ შამოველ,
მონოლოგ გამამივიდა.

"ალათასა, ბალათასა,
ხელი ჩავყავ კალათასა"
ვერ მივაგენ დამბალხაჭუს,
ვერც ბაოს და სანათასა.

კაწალხეველ რაღა იქნა?
რად მოაკლდა მარაქასა?!
ვაჟავ აქათ გამოგვხედე,
ღმერთი მოგცემს ბარაქასა.

სადა ხართ ბობოსკარელნო?
რაისთვი გახდით ლტოლვილი?
ან შენ სად წახველ ადმინო?
დამტოვე აქ შაბოლვილი...

კერიას სული ვუბერე,
ამის ჩაქრობა ბრალია!
ბობოსკარს კერა არ ჩაქრეს
მგონი ადმინის ვალია...

"შენი სახელიც მასწავლე
ჩემი ხომ გითხარ მართლადა"
ჰო, ვიცი მიხო რომ გქვია,
პროფილს ჩავხედე-არჩანდა

აქათ მაიწი არჩანდავ,
გამაგებინე ამბავი
სადა გყავს ფალავანები?
კაფია-ლექსის მლამბავი.

აკი მითხარი მავლენო,
კაფიის ომგამოვლილი,
მეც აქ დავეცი ბანაკი,
იმათ მოველი ცოდვილი.

სად გაგეპარნენ ნაქებნი?
დაგრჩა-ღა ვინმე საჩინო?
თუ გყავს აქათკენ მოუშვი
ცრემლებ ფშანებად ვადინო...

"ნეტავი რადმე მაქცია"
გულთმისნად გადამაქცია.
იმის მეცნიერ გამხადა
ფშავლები ვინ გააქცია

კარი ვინ შახსნა ბობოსკარს?
ბაობაბ ვინ წააქცია?
იმ მამაძაღლმა პუტინმა
აქამდიც თუ მააღწია?

ანთუ ბოროტმა მოგზავნა,
ჭინკა, ალი და მაქცია.
შაშურდა კარგი კაფია
კერაზე წყალი აქცია

ბაოსგან ჩითილს შავიძენ
ეგება ჰქონდეს აქცია
ბაობაბის ტყეს ვაშენებ
გამოდით ქალი-კაცია

გამოდით თითო თქვენც ჩარგეთ
გავბეზრდი მარტოკაცია
ერთად მოვაწყოთ კაფიის
დიდი მანიფესტაცია