Number of posts : 94 Age : 37 Location : თბილისი Job/hobbies : მუსიკა, კითხვა... Humor : მყოფნის... :) Registration date : 21.01.09
Subject: Re: რობერტ მესხი Tue Jun 30, 2009 10:41 pm
რობერტ მესტი
გემები
Sos! Sos! Sos! - ვიმეორებ ”ტიტანიკივით”, ვიძირები და... მაპატიე!.. სიჩქარე მხოლოდ ხუთი კვანძი, - შორს ”კარპატია”, მოვა, მაგრამ დაიგვიანებს... წყალი ცივია, ფსკერი - ქვიანი... სადღაც ირწევა სამკუთხედი... ცხელი ბორნეო... შენ ყინული ხარ, მაგრამ ყრუა ”კალიფორნია”, ისე ჩამივლის, ვითომ ჩქამი აღარ გამეღოს, ვითომ გემბანზე არ მემღეროს სიმღერა გედის...
რობისთან მართლაც სუფთა ჰავაა, კლიმატი და ძალიან ბუნებრივია... ღრმა... ისეთ სათქმელებს მოგაწვდის..და ისე სადად...
დიდი ხნის წინ გაღიარე რობ და ძალიან მიყვარხარ!
ეკატო (ეკა ტალახაძე)
Number of posts : 54 Age : 50 Location : თბილისი Job/hobbies : სიტყვა Humor : რას იტყვის ,,მეოთხე?" Registration date : 23.07.09
Subject: Re: რობერტ მესხი Sat Jul 25, 2009 5:58 pm
,,პიკის საათის" ლიტერატურულ სალონში დატოვებული აუდიო ავტოგრაფი ექსპრომტად:
,,აი, ამ წუთას ბრეხალოვკას მიაწყდა ტალღა, დაესხა რეტი, ახლა მაქვს თვალთა სილურჯე და ნათელი მახლავს და არც რა მეტი..."
გაიხარე შენა, ბორიო
Sopio Japaridze
Number of posts : 36 Age : 45 Location : თბილისი Job/hobbies : ფოლკლორისტი, საქართველოს რადიოს პროგრამების წამყვანი Humor : საკმარი იმისთვის, ჩემი რომ ვუთხრა და სხვისი გავიგო... Registration date : 04.08.09
Subject: Re: რობერტ მესხი Tue Sep 08, 2009 4:15 pm
საოცარია,ყველაფერი კანონზომიერია ამ ქვეყნად.. ალბათ, ძალიან ვინანებდი "ვაჟაობას" ჩარგალში ჩასვლას,მაგრამ ამის უფლებას არ მაძლევს იქ ჩემთვის საყვარელ ადამიანებთან შეხვედრა და პირველ ყოვლისა, თქვენი გაცნობა. გულწრფელად მიხარია, კარგი ადამიანის და მშვენიერი პოეტის აღმოჩენა.(ჩემთვის აღმოჩენა იგულისმება ) მადლობა ღმერთს და მადლიან ვაჟა-ფშაველას, წვიმად რომ მოვიდა იმ დღეს, ჩვენს გასაფხიზლებლად. ამიერიდან, თქვენი პოეზიის მკითხველთა და გულშემატკივართა შორის მიგულეთ...
ნიკა ჩერქეზიშვილი
Number of posts : 256 Age : 41 Location : თბილისი Job/hobbies : ქრიზანთემები Humor : ცხოვრება Registration date : 24.02.09
Subject: Re: რობერტ მესხი Tue Sep 08, 2009 4:26 pm
რობი.. მაგარი პოეტია.. და მე მაგრად მიხარია ის.. რომ.. ამ სიტყვებს მთელი გულით ვამბობ.. სუფთად და ალალად.. აქ საკუთარ თავთან რომ ხარ მართალი კაცი.. იმაზე ვსაუბრობ.. თორემ შეიძლება ბევრი არც არაფერი გამეგებოდეს პოეზიის.. რობი - ნაღდი და ნამდვილი პოეტია ჩემთვის.. თითო-ოროლა რომ არის ისეთი.. სუფთა ჰაერით არის სავსე მისი პოეზია..
robert meskhi
Number of posts : 7 Registration date : 04.01.09
Subject: Re: რობერტ მესხი Mon Sep 14, 2009 3:13 pm
ღვინობისთვე
პროჟექტორები. ეკლესია ანათებს მარცხნივ, მარჯვნივ ხიდია. ჩემი სიცოცხლე ბეწვზე ჰკიდია. ვაცილებ ღრუბლებს, ღვინობისთვის სურნელით ვთვრები, ავფრინდებოდი ახლა, მაგრამ... არა მაქვს ფრთები.
დიდი მადლობა მეგობრებს! თქვენთან მიგულეთ ყველაგან და ყოველთვის!
bao
Number of posts : 379 Age : 63 Registration date : 11.12.08
Subject: Re: რობერტ მესხი Mon Sep 14, 2009 5:05 pm
რობერტ მესხი
*** მე ცა ვარ, შენ - ზღვა. მე სხვა ვარ, შენ - სხვა... მე ვიწვი, შენ მწვავ. მე ვკვდები, შენ მკლავ. მე გიხმობ, შენ მგმობ. მე ვერ გთმობ, შენ მთმობ. მე ცა ვარ, შენ - ზღვა. მე სხვა ვარ, შენ - სხვა...
მესხი, "შემოგიკაკუნე" აქა, ვიცი გაგიხარდება
ეკატო (ეკა ტალახაძე)
Number of posts : 54 Age : 50 Location : თბილისი Job/hobbies : სიტყვა Humor : რას იტყვის ,,მეოთხე?" Registration date : 23.07.09
Subject: Re: რობერტ მესხი Thu Sep 17, 2009 2:06 pm
ჟასმინი
რა უძლური ვარ, დღემდე მნუსხავს შენი ქარიზმა და როგორც ტორე ხარს დაკოდილს - ვუფრთხი მანქანებს... შენს სახლთან წყდება ჩემთვის ყველა გზა და ქარის ხმა, ქარი კი მაინც ჯიუტობს და სულში აქანებს ამ შემოდგომას, როგორც ტორეს წითელ ლაბადას. სიზმარშიც თითქმის ფერწასული კრთება ჟასმინი, ჩემმა სურვილმა უამრავი ლექსი დაბადა, მაგრამ რად გინდა, შენ ვერცერთი ვერ შეგასმინე...
P.S. - სულ ცინცხალია
Tabagari Tea
Number of posts : 122 Age : 37 Registration date : 27.12.08
Subject: Re: რობერტ მესხი Fri Oct 16, 2009 12:52 pm
გემები
Sos! Sos! Sos! - ვიმეორებ ”ტიტანიკივით”, ვიძირები და... მაპატიე!.. სიჩქარე მხოლოდ ხუთი კვანძი, - შორს ”კარპატია”, მოვა, მაგრამ დაიგვიანებს... წყალი ცივია, ფსკერი - ქვიანი... სადღაც ირწევა სამკუთხედი... ცხელი ბორნეო... შენ ყინული ხარ, მაგრამ ყრუა ”კალიფორნია”, ისე ჩამივლის, ვითომ ჩქამი აღარ გამეღოს, ვითომ გემბანზე არ მემღეროს სიმღერა გედის...
ნიკა ჩერქეზიშვილი
Number of posts : 256 Age : 41 Location : თბილისი Job/hobbies : ქრიზანთემები Humor : ცხოვრება Registration date : 24.02.09
Subject: Re: რობერტ მესხი Fri Jan 22, 2010 9:56 am
მიპოვე
გათოშილ მთვარეს ტალღა შუბლს ახლის, ვიხსენებ: ქვიშა... ”შატო”... შერბური... შენ დედისერთას სინდრომით დაღლილს სულ ზურგზე გძინავს, თანაც მეფურად
თვლებივით ითვლი ბრჭყვიალა ხომლებს, წლებს და თოლიებს, იქნებ, გარისკო, - მე ნიჩბის ტარზე ვიძინებ ხოლმე, პირით - იმ ცივი, თეთრი მთვარისკენ,
მოდი, მიპოვე…
ნიკა ჩერქეზიშვილი
Number of posts : 256 Age : 41 Location : თბილისი Job/hobbies : ქრიზანთემები Humor : ცხოვრება Registration date : 24.02.09
Subject: Re: რობერტ მესხი Tue Aug 10, 2010 5:08 pm
* * *
დააკვირდი, როგორ გავს სარკეს დაშვებული მაღლიდან ყულფი, როცა შიგ ზეცა ირეკლება... მოგლიჯე და შემოაბრუნე, - სარკეს ხშირად ფრანი ჯობია ან სულაც ბუშტი, ადრე თუ გვიან ყველაფერი მიფრინავს მზისკენ...
სოსო მეშველიანი
Number of posts : 97 Age : 47 Location : ესპანეთი Registration date : 05.03.09
Subject: Re: რობერტ მესხი Sat Oct 02, 2010 12:52 pm
განა მთავრდება, აქ უბრალოდ ისვენებს მიწა, კონცხი რომ ზღვაში გამოსჩრია თევზის ფხასავით, და ცის კიდესთან უცნაური ფერი აქვს სივრცეს - ვან დე კაპელეს, სეგერსის და ბერნეს ნაზავი. დავანთე ცეცხლი, კი არ მცივა, ვაფრთხობ მაქციებს, ვიდრე ამოვა მთის გულიდან ოქროცურვილი მზე და... ხელახლა გავიხსენებ, რომ შემაქციე ზურგი, მხრებს შორის ჩარჩენილი გაგყვა სურვილი.
ნიკა ჩერქეზიშვილი
Number of posts : 256 Age : 41 Location : თბილისი Job/hobbies : ქრიზანთემები Humor : ცხოვრება Registration date : 24.02.09
Subject: Re: რობერტ მესხი Mon Dec 20, 2010 9:25 am
ალვა
გაშიშვლდა ალვა... მილოსელივით... ცალი მკლავი გამოაჩინა. ვდგავარ და ვუმზერ, შეფუთული ათასი ნაჭრით, ნაჭრით და იჭვით... ნამეხარია, მაგრამ მაინც ბედნიერია!.. ძვალს ატანს სუსხი, – დეკემბერია...
Admin
Number of posts : 7195 Registration date : 09.11.08
Subject: Re: რობერტ მესხი Mon Mar 14, 2011 8:53 am
რობერტ მესხი
გაცნობის
(სოსო მეშველიანს)
სოსო, ჩემს გულში რომ გაშალე, ძმაო, კარავი, ...იმ კარავს მთვარე წამოადგა ქვემო სვანეთის. ასე მგონია, აღარ დამრჩა ქვეყნად არავინ, ვარ ერთი მწირი პოეტი და მოხეტიალე... მოდი, ეს ღამეც გავათენოთ, ოხერ–ტიალი, რა გამოგვილევს გულს და ლექსს და სადღეგრძელოებს?.. ჰეი, ამიგოს! დაე, მტერმაც და მოყვარემაც ერთად გაიგოს: ჩვენ ბედიიდან ბედიაში გადავფრინდებით, ჩვენ არჩანდადან არჩანდაში გადავფრინდებით, თან გვექნება ორი ბილეთი, და ის, მეორე, უსათუოდ გამომგზავრების!..
Last edited by Admin on Mon Nov 25, 2019 2:26 pm; edited 1 time in total
Admin
Number of posts : 7195 Registration date : 09.11.08
Subject: Re: რობერტ მესხი Tue Dec 26, 2017 11:41 am
რობერტ მესხი
***
ჰეი, თქვენ, ვინც ცაში იყურებით, ნუ დადგებით ბანკომატებთან, ნუ ჩაიცვამთ წითელს და ფორთოხლისფერს, ნუ მოიქცევით გამომწვევად, ნუ დალევთ რომსა და ღვინოს, ნუ მოსწევთ სიგარეტს და მარიხუანას, ნუ შეიგინებით (გინებაზე ექსკლუზივია!) ყვითელი ძაღლის წელს გილოცავთ ყველას, ვინც ზვიად რატიანს სცემეთ! ვინც მე მცემეთ, როცა ბანკომატთან ვიდექი და წითელი ქურთუკი მეცვა, ვინც ჩვენ გვცემეთ, ვინც ბანკომატთან ვიდექით და წითელი ქურთუკები გვეცვა, ვისაც საფეთქელში ვერ მოგვარტყით, როცა უკანასკნელი ლოთებივით ვბანცალებდით ზამთრისა და სპირტის გრადუსებს შორის მოყოლილები, როცა სართულებიან გინებას ვარწყევდით მარწუხებშემოჭერილი ხორხებიდან... ყვითელი ძაღლის წელს გილოცავთ, ცერბერებო, ვინც ზვიად რატიანი სცემეთ! ვინც მე მცემეთ, როცა ბანკომატთან ვიდექი, ვინც სისხლიანი ხელები თოვლს შეაწმინდეთ, რათა შემდეგ გეთქვათ: „სიცივეს კაცი მოუკლავს, საწყალი აგერ გორავსა!..“ და „ძაღლ იყოს!..“ - ეგრე გეტყოდათ ვაჟა - მე ვინ ვაგდივარ?!
Admin
Number of posts : 7195 Registration date : 09.11.08
Subject: Re: რობერტ მესხი Mon Nov 25, 2019 2:35 pm
რობერტ მესხი Dec 7, 2012
რობერტ მესხის შემოქმედებითი საღამო SSU-ში
Admin
Number of posts : 7195 Registration date : 09.11.08
Subject: Re: რობერტ მესხი Sat Jul 10, 2021 10:12 am
რობერტ მესხი
***
რომელი მედიუმი მე ვარ, დედოფალო?! - ხილულებთან ვეღარ ვსაუბრობ. აღარც ის ვიცი, როგორ სხდებიან სანთლის შუქზე თითებთან ერთად საიქიოდან მოხმობილი უცხო სულები, იქნებ, თეფშის ქვეშ მიძვრებიან?.. გკითხავ და მარქვი, დედოფალო, როგორც წმინდანს, გკითხავ და მარქვი: რატომ ძიძგნიან თვისტომნი თვისტომთ ლეშიჭამია სვავებივით, ფასკუნჯებივით?.. ერთმანეთს რად ანაწევრებენ? ნუთუ იმიტომ, რომ სქელ-სქელი შრომები უძღვნან კანიბალებს და სისხლისმსმელებს? ძვლის კამათლები გამოთალონ, ვინძლო ბედს გულზე მოეფონოს მათი ჩხაკუნი? გკითხავ და მარქვი, დედოფალო, როგორც წმინდანს, გკითხავ და მარქვი, დღეს პაზლივით ვისაც გაწყობენ: შენი მარჯვენა შენს მარცხენას როდის იპოვის? როდის იპოვის თეძო - თეძოს, ლავიწი - ლავიწს?.. ლისაბონიდან გოამდე და ისპაჰანამდე, ისპაჰანიდან აქამომდე - როგორ ჰგავხარ ქრისტეს და მიწას, მიწას და ქრისტეს, ვისთვისაც და რისთვისაც ევნე!.. გკითხავ და მარქვი, დედოფალო, როგორც წმინდანს, გკითხავ და მარქვი: როდესაც სული გაღმაა და ხორცი - გამოღმა, ხორცი კიდევ როგორღა დადის, რა ძალა ზიდავს?!
2021
Admin
Number of posts : 7195 Registration date : 09.11.08
Subject: Re: რობერტ მესხი Tue Jun 28, 2022 1:30 pm
რობერტ მესხი
***
იმ ფანჯარასათან მეც ვიდექი, როგორც სურათთან - ორი ხე ჩანდა... რაფაზე იდო მენზურა და ძველი ხელჩანთა.
თბილისშიც არის სთოუნჰენჯი, - ასე მომწერე გუშინ, - (უცნობი ანამნეზი - კიბოს ნიშნები...) სურო თუ უშლის, ქვა მენჯივით როდი იშლება.
მიუგდე ყური, - წვიმა მიწის წვეთოვანია, ჩაჟონავს გულში, ამოავსებს დამშრალ სისხლძარღვებს. რა მანია მჭირს, უცნაური - მწვავდე და მაინც ყველაფერზე მეტად მიყვარდე!
2022
Admin
Number of posts : 7195 Registration date : 09.11.08
Subject: Re: რობერტ მესხი Mon Mar 06, 2023 11:34 am
რობერტ მესხი
***
მარიუპოლში ამ გაზაფხულზე ხეები რომ გაიღვიძებენ, რას იფიქრებენ? ვის შესჩივლებენ, რომ ქალაქი სადღაც წავიდა?.. რომ ბავშვები სადღაც წავიდნენ?.. რომ მებაღემ (ყველა მებაღემ) ყველა ვედროში კირის ნაცვლად კუპრი ჩაასხა, ძირები კი არ შემობარა - ნასახლარებთან წამოზიდა მიწის ბორცვები... მარიუპოლში ამ გაზაფხულზე ხეები რომ გაიღვიძებენ, რას იფიქრებენ?
Home 
