| | | "მიხოსერობა-არჩანდობას" გვილოცავენ ქართული სიტყვის ოსტატები |  |
| | |
| Author | Message |
|---|
Admin
Number of posts : 7185
Registration date : 09.11.08
 | | Subject: "მიხოსერობა-არჩანდობას" გვილოცავენ ქართული სიტყვის ოსტატები Sat Dec 13, 2008 5:37 pm | |
| ნინო დარბაისელი მწველავური სალაღობო "ძროხებს მიხედეთ, ძროხებსა, თორემ დაგრჩათ დასაწველი!" - ასე დაგვაწიოკა სანათა და მე მიხოსერამ ამ საღამოს (2008-12-12).შინმოსულმა ძროხა ვწველე, შავადედე მაწონიო. მოვიცალე, მიხოს ვუქო ზნენი სამამაცონიო. ქართულად რო რაინდია, რუსულად ას "რიცარიო", მარტყოფელს ვინ დაიმონებს, რა "ცარიო", რი "ცარიო"! უდღეგრძელოს ღმერთმა ყველა, გულით დასაფიცარიო, მოკეთისთვის ღვინო მისცეს, მტრისთვის - ოთხი ფიცარიო! მოუმრავლოს ეზო-კარში ხოხობი და ციცარიო! ... ამა ლექსის გამამთქმელი თაოდ მიხვდეს, ვინც არიო!  არჩანდას შენიშვნა:
ნინო, ჩვენ მარტყოფში პატარა სახლი გვაქვს ჩემი სიმამრის დანატოვარი და ის გავმართე ამ ზაფხულს, თორემ მე ვარ გურჯაანის რაიონის სოფელ არაშენდადან.
ანუ -
რო შემეკითხები:
"გურჯნი ავტობუს მაიჰყევ შენაო?"
- ჰოო, მეთქვი! - ან ეგრე გეტყვი და...
ან კიდენა აეგრე:
- არა, კაცოო, გოდრით ჩამამიყვანეს აქა მეთქი!
- და რა უყავი ის გოდორიო? - რომ ჩამეძიები, მოგიგებ:
- ისევ იმ გოდორში ვზივარ მეთქი... 
Last edited by არჩანდა on Sat Dec 13, 2008 7:41 pm; edited 10 times in total | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sat Dec 13, 2008 5:41 pm | |
| ვაჟა ხორნაული
***
აქედანაც მოგილოცავ,
კიდევ – ათას მხრიდანაო.
ღმერთის სითბო და ნექტარი
დაგდიოდეს ციდანაო.
მილიონი მარგალიტი
ამოგეღოს ზღვიდანაო! | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sat Dec 13, 2008 5:53 pm | |
| სერ მიხო და მთლად აქაურო კარო-კედელო, დიდ-პატარავ, შინაურ-გარეულო, კაცო და დედაკაცო, გილოცავთ მიხოსერობა-არჩანდობასა და გისურვებთ მრავალჯერ მოსწრებას და მილოცვის დასწრებასა გულის სინათლით და ჯანის სიმრთელით!
მარიამ ხუცურაული
არაგვივით იხმიანებ!..
სადღეობო სალაღობო მიხოსა
ბესო თუ ზის, ჯარჯი თუ ზის,
ომარიც თუ იქ ტრიალებს,
თუ ფშაველი ტომურ საჭმელს -
“დამბალხაჭოს” გიზიარებს,
ჟებოტაურ არყის ცეცხლი
თუ ლექსებად მიგთქრიალებს,
თენებისას ვერ იყუჩებ,
არაგვივით იხმიანებ!..
10 დეკემბერი, 2008
---
ბესო - ბესიკ ხარანაული.
ჯარჯი - ჯარჯი ფხოველი.
ომარი - ომარ თურმანაული.
ჟებოტა - სოფელი თიანეთთან.
Last edited by არჩანდა on Sat Dec 13, 2008 6:04 pm; edited 1 time in total | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sat Dec 13, 2008 6:00 pm | |
| ტარიელ ჭანტურია
ლექსპრომტი მიხო მოსულიშვილს, რედაქტორს
მწერლის გრძელ გზაზე ვინ ლაღად,
მიდის, ვინ კიდევ - მიხოხავს!
მივნატრი ყველას ამ გზაზე,
ვისაც მფარველად მიხო ჰყავს!
2008
Last edited by Admin on Sat Mar 09, 2019 9:12 pm; edited 2 times in total | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sat Dec 13, 2008 6:09 pm | |
| ცირა ბარბაქაძე
***
მიხოს
ვერ გაჩერდები,
სულ მიდიხარ,
უნდა იწვოდე!
შენც კარგად იცი,
რომ მწერალი დიდი ბავშვია...
და ამიტომაც, მეგობარო,
მე შენ გიწოდე -
კაცი, რომელიც სულ მიდის და
მაინც გზაშია.
2005
Last edited by Admin on Tue Dec 10, 2019 2:33 pm; edited 1 time in total | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sat Dec 13, 2008 6:19 pm | |
| ელგუჯა მარღია
ვაჩე ანდრონიკაშვილის საუბარი შულმანთან...
მიხო მოსულიშვილის რომანიდან "უჟამო ჟამის რაინდი"
ვერ მომისყიდი, ვიყო გამცემი
და, კარგად იცი, ისკარიოტელ,
თავისუფლების ჯვარსაც მაცვამენ,
რომ საუკუნოდ სისხლი მდიოდეს.
რომ ჩემი სისხლით ჩემი არჩანდა
უცებ ცასავით ისე განათდეს,
ერთად გამოჩნდეს ყველა ლაჩარი,
ყველა ორგული და მოღალატე...
ცას უერთდება ჩემი ფესვები
და წინაპართა მესმის ძახილი:
არ დაეცემა შიშიონელი,
როგორც მამულის დროშა დახრილი...
ვიცი, სამშობლოც, როგორც რაინდი,
უნდა ვეძებო... უნდა მტკიოდეს...
მომაქვს სიმართლე - უფლის მახვილი
და გეშინოდეს, ისკარიოტელ!
Last edited by არჩანდა on Sat Dec 13, 2008 7:00 pm; edited 1 time in total | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sat Dec 13, 2008 6:32 pm | |
| ნიკო ყიფიანიშავკანიან ქალს
მიხო მოსულიშვილის "ფრენა უკასროდ" რომანის წაკითხვის შემდეგ დაწერილი ლექსი
გან-გან რატომ გამირბიხარ,
შავო გოგო, გენაცვალე?
მეც შენსავით უთვისობით
და ობლობით დავიღალე.
მეც შენსავით არავინ მყავს,
ვის ვუამბო გასაჭირი,
ვინ გამიგებს გულისნადებს,
სხვისი ჭირი - ღობეს ჩხირი!
მეც შენსავით დამიტყვევეს
და-ძმები და ბიძაშვილი
და კაიროს ბაზრობები
სავსე იყო ქართლის ძირით.
მოდი ჩემთან, შავო გოგო,
ამიდუღე ცივი სისხლი,
შენზე ლამაზს ვერასოდეს
ვერ იხილავს კაცის მისხი.
კბილები გაქვს წკრიალები,
მარგალიტის გიგავს მძივებს
და თვალები, საყვარლები
ვარსკვლავთაებრ გიციმციმებს...
მოდი ჩემთან, შავო გოგო,
გამირბი რად? გამახარე!
მეც შენსავით ობოლი ვარ,
დაგაწყნარებ, დამაწყნარე. | |
| | | | nino darbaiseli
Admin
Number of posts : 223
Age : 61
Location : Nashville, Tennessee
Registration date : 14.12.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sun Dec 14, 2008 1:30 am | |
| - არჩანდა wrote:
- ნინო დარბაისელი
მწველავური სალაღობო
"ძროხებს მიხედეთ, ძროხებსა, თორემ დაგრჩათ დასაწველი!" - ასე დაგვაწიოკა სანათა და მე მიხოსერამ ამ საღამოს (2008-12-12).
შინმოსულმა ძროხა ვწველე,
შავადედე მაწონიო.
მოვიცალე, მიხოს ვუქო
ზნენი სამამაცონიო.
ქართულად რო რაინდია,
რუსულად ას "რიცარიო",
მარტყოფელს ვინ დაიმონებს,
რა "ცარიო", რი "ცარიო"!
უდღეგრძელოს ღმერთმა ყველა,
გულით დასაფიცარიო,
მოკეთისთვის ღვინო მისცეს,
მტრისთვის - ოთხი ფიცარიო!
მოუმრავლოს ეზო-კარში
ხოხობი და ციცარიო!
... ამა ლექსის გამამთქმელი
თაოდ მიხვდეს, ვინც არიო!
არჩანდას შენიშვნა:
ნინო, ჩვენ მარტყოფში პატარა სახლი გვაქვს ჩემი სიმამრის დანატოვარი და ის გავმართე ამ ზაფხულს, თორემ მე ვარ გურჯაანის რაიონის სოფელ არაშენდადან.
ანუ -
რო შემეკითხები:
"გურჯნი ავტობუს მაიჰყევ შენაო?"
- ჰოო, მეთქვი! - ან ეგრე გეტყვი და...
ან კიდენა აეგრე:
- არა, კაცოო, გოდრით ჩამამიყვანეს აქა მეთქი!
- და რა უყავი ის გოდორიო? - რომ ჩამეძიები, მოგიგებ:
- ისევ იმ გოდორში ვზივარ მეთქი...
ეგრე, არა? ახლა ჩემი პასუხიც ნახეთ /გოგლა ლეონიძის ჰანგზედ/: გურჯაანული გოდ/რ/ება არაშენდელნო, დავკარგეთ ვაჟკაცი აქ დანაბადი! გაგვტაცეს მარტყოფელებმა, აჭამეს აღჯანაბადი. ვა, მეციცრეო, განთქმულო, გაზრდილო ჩვენის ჯაფითა! საწნახელიდან გაგვიძვერ, მანდ ღვინოსა სვამ ჩაფითა. ხმა მიაწვდინე, უფალო, ჩვენ მიხოს, ამას გვედრითა და დაგვიბრუნე გურჯაანს გოდრითა ანდა "ვედრითა". შრიფტი ქართულად რატომ ვერ გადმომყავს? | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sun Dec 14, 2008 2:10 am | |
| - nino darbaiseli wrote:
შრიფტი ქართულად რატომ ვერ გადმომყავს?  გაუმარჯოს დარბის აექ მოსვლასა!    შრიფტი ქართულად რატომ ვერ გადმოგყავს და - აი, აქედან უნდა გადაიყვანო - http://www.convert.ge/ge/text.shtml  და ვაიმე, თქვენს "მიხოს ერა არ ჩანდასა" - ეს დარბი მარტო რითმებს კი არა, ბგერებს ბგერებში აჯენს და ძაან დავიჩაგრები ამასთანა, ძაანა...  თხოვნა ფერმიდანა
დარბის, ბაოს, სანათოს
მეციცრეს შამამაშველეთ
თქვენეულ ეშხთა ალები -
ჩამოდით, აქ დაგახვედროთ
ჭრელ-ჭრულა ფეშტამალები.
ჩემ ფერმას დაგვა სჭირდება,
ხოხბებ მყავს დანაკარგები...
მერე აქაც კი გაჭამოთ
გოგლასი - აღჯანაბდები.--- ფეშტამალი – წინსაფარი.
აღჯანაბადი - გარგარი (Armeniaca), ხეხილოვანი ხეებისა და ბუჩქების გვარი ვარდისებრთა ოჯახისა. ხის სიმაღლე 15 მ აღწევს. ფოთოლი ელიფსური ან განიერკვერცხისებრია; ყვავილი თეთრი ან ვარდისფერი და ფოთოლზე ადრე იშლება. ნაყოფი კურკიანია, ხორცოვანი ან მშრალი; აქვს ხავერდოვანი, იშვიათად - გლუვი კანი.
გარგარი სინათლისა და სითბოს მოყვარული, გვალამტანი მცენარეა. კარგად ხარობს ალუვიურ-კარბონატულ მსუბუქ ნიადაგზე. მოსავალს იძლევა მყნობიდან მესამე-მეოთხე წელს. ხელსაყრელ კლიმატურ პირობებში მოსავლიანობა ყოველწლიურად 8-12 ტ 1 ჰა-ზე.
გარგარი კულტივირებულია ჩრდილოეთ ინდოეთში, ირანში, ჩინეთში, ჩრდილოეთ და სამხრეთ აფრიკაში, ჩრდილოეთ ამერიკასა , ავსტრალიაში, შუა აზიაში, ამიერკავკასიაში. გარგარის ნაყოფი შეიცავს შაქრებს (4-20%), ვაშლის, ლიმონისა და სხვა მჟავებს; პექტინოვან ნივთიერებებს (0,38 - 1,27%); კაროტინს (10 მგ%-მდე), თესლი - 29-58% ცხიმს. იყენებენ ნედლად, ჩირად და დაკონსერვებულს (კომპოტი, წვენი და სხვა).
საქართველოში გარგარს კურკოვან კულტურათა ნარგაობის 2% უკავია. გავრცელებულია უმთავრესად კახეთსა და ქართლში. დასავლეთ საქართველოში ჭარბი ტენის გამო ნაცვლად ნაკლებად ხარობს. დარაიონებული ჯიშებია: შალახი, ქართული აღჯანაბადი, ალიპრიალა (ხალხური სელექციით შექმნილი ადგილობრივი ჯიში). გარგარის დაავადებებია: კლასტეროსპრიოზი, ბაქტერიული კიბო, ნაცრისფერი სიდამპლე; მავნებელია - ცხვირგრძელები და პეწიანები.    აჰა, დარბაო, ხო მაინც ვერ დამარჩინე ოხერ-ტივლადა?! და ქართული აღჯანაბადის მავნებლებსა - "ცხვირგძელებსა" და "პეწიანებსა" ვუჩვენებ მე სეირებსა! აი, ეგრე ვიქამ! კი! | |
| | | | სანათა
Number of posts : 328
Age : 63
Registration date : 10.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sun Dec 14, 2008 12:50 pm | |
| [quote="არჩანდა"] - nino darbaiseli wrote:
თხოვნა ფერმიდანა
დარბის, ბაოს, სანათოს
მეციცრეს შამამაშველეთ
თქვენეულ ეშხთა ალები -
ჩამოდით, აქ დაგახვედროთ
ჭრელ-ჭრულა ფეშტამალები.
ჩემ ფერმას დაგვა სჭირდება,
ხოხბებ მყავს დანაკარგები...
მერე აქაც კი გაჭამოთ
გოგლასი - აღჯანაბდები.
ბობოვ, ნახევრებ გეყოფით,
რაზედ მოვცდეთ ორ-ორია?
რა ხოხობი, რი ციცარი
შენი საქმე გოდორია,
ეგებ წიგნი დაგეწეროს
კიდე თითო-ოროლია...  | |
| | | | bao
Number of posts : 379
Age : 62
Registration date : 11.12.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sun Dec 14, 2008 2:00 pm | |
| რად გვინდა ფეშტამალები, ჯინსებ გვაცვია ქალებსა. დისტანციური თაოდ ხარ, ჩვენ "ლაივში" ვცდით ძალებსა ხოხობსაც უკეთ მოვუვლით , დავაფრთიანებთ ციცარსაც, მგელს უმად ჩავაკონსერვებთ, ქვაბს რო ძირი არ მიწვასა ) | |
| | | | bao
Number of posts : 379
Age : 62
Registration date : 11.12.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sun Dec 14, 2008 2:08 pm | |
|  მიხოსერავ, იქნება ერთად დადო კაფიები რა, ძაან დავიბენი ეს მეცოცხე მარუსა, სად რა დევს და ვის რა ვუთხრა-ვუპასუხო ანდა ხახვის ფურცელი დაყარე, რომ გამოვიგნო გზა-კვალი, თორე ვერ ვაგნებ "ნაჭედსა", არ ვარ მაგხელად ნასწავლი | |
| | | | bao
Number of posts : 379
Age : 62
Registration date : 11.12.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sun Dec 14, 2008 2:18 pm | |
| მიხოსერამ აიშენა გოდრის "ასობნიაკია". ახლა ფერმას წამოსჭიმავს ბითუმ აგურს მიაკვლია, მააშენოს უნდა თურმე უკბილებო ნიანგია. ) | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sun Dec 14, 2008 2:45 pm | |
| - bao wrote:
- მიხოსერავ, იქნება ერთად დადო კაფიები რა, ძაან დავიბენი ეს მეცოცხე მარუსა, სად რა დევს და ვის რა ვუთხრა-ვუპასუხო ანდა
ხახვის ფურცელი დაყარე,
რომ გამოვიგნო გზა-კვალი,
თორე ვერ ვაგნებ "ნაჭედსა",
არ ვარ მაგხელად ნასწავლი    ბაოო, სუ ერთად როა, ის უფრო დამაბნეველი არ არის, კაცოო? და აქ კიდე - თემების მიხედვით არის - წაიკითხავ სათაურს, გენდომება რამის თქმა იმ თემაზე და შეხვალ და დასწერ. და შენა - მაგ შენს მეცოცხეობასა ნუ წამამაყვედრი, მე კიდენა - მეციცრეს მეძახის დარბი.  *** მეცოცხ-მეციცრე შაიბნენ, ეკრანს გაჰქონდა გრიალი. მეცოცხემ მეციცრე დასცა, დააწყებინა ღრიალი. დასცა და წამააყენა, თან სიტყვაც უთხრა გზიანი: მეციცრევ, ნუღარ შამებმი, კაცი ხარ დავლათიანი, მე ვიცი, ფრენა რო გიყვარს, უნდ იყვე სათვალიანი - სუ ცოცხით შამოგაფრინო ხეობა არაგვიანი. | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sun Dec 14, 2008 3:06 pm | |
| - სანათა wrote:
***
ბობოვ, ნახევრებ გეყოფით,
რაზედ მოვცდეთ ორ-ორია?
რა ხოხობი, რი ციცარი
შენი საქმე გოდორია,
ეგებ წიგნი დაგეწეროს
კიდე თითო-ოროლია...   ***
სანათო, ჩემსა ფერმასა
სავალ კარგი აქვ, გზიანი.
მოსვლა ადვილი იქნების,
წასვლა გახდების გვიანი.
დამლაგებლები მჭირდების,
არ აშექალებ, ტიალნი -
თან ლექსებ ეუბნეოდნენ,
ხოხბებ ეგონოთ ჭკვიანი.
ფეშტამლებ დაგახვედრბკე -
ზედ ახატია ბიარიც (კურორტია ალპებში).
შრომაში შამაგათენდეთ,
დღე იქ ვერ ჰნახოთ, მზიანი.
აემის მალექსებელსა
დეკან ეტრფიან, ღვიანი.
სამხვეწროდ წამოიღოდე
დამბალ ხაჭუებ, სვიანი. | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Mon Dec 14, 2009 2:36 pm | |
| ილტოსპირელი (მიხეილ ღანიშაშვილი) არჩანდის ჩინ-მუნდირს - მიხოს,
სადაბადებისდღეოდგვიან მისწვდა ილტოსპირელს ესე კაი ამბავია, ქვეყნად გამოსაჭენები, ფართოდ დასასტამბავია. მიხოს დაბადების დღეა, მიხოც ალბათ აქავეა, მაგრამ ვინ მიმიპატიჟებს, სუ შორს მიწევს კავკავია! ე ლექსით თუ მიულოცავ, მეტი მე რა მაქვავია! დღეგრძელობა მისურვებავ, თავსა ზედა ქავ-კავია, მტკიცედ შემოემზღვარ-მყაროს ქართულ პროზის ბაკანია! მეც ვიძახი, რაც სხვებს უთქვამთ, განა ქება საკმარია?! კაცად ხო კაცურია და მწერლად უფრო მაგარია. 2009  ანთა ნათელიძე (ვაჟა ხორნაული) *** პროზას შიგან მაგარი ხარ, მაგრამ, ძმაო, კაფიაში: შენ ათიდან შვიდში ურტყამ, მე_ათიდან ათიანში! ილტოსპირელი *** განაწილდა ადგილები კაფიების ფართიანში, გარეთაც ის გამოფინეს, რაც მათ ღარიბს ფანტია შინ. მე ცხრიანში ვგლეჯ ამ ისარს, ღაბახს, გულში ბანტიანში, ვირი ივრის ველზე მიდის, დათვი კიდევ - პანტიანში, სამსვლიანი მატი მიაქვს ილტოსპირელს პარტიაში! | |
| | | | ვაჟა ხორნაული
Number of posts : 1342
Location : თბილისი
Job/hobbies : პოეტი
Humor : სანაქებო
Registration date : 09.12.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Mon Dec 14, 2009 4:56 pm | |
|
დათვს კაფია დავაჯახე
შუბლუკაში,ბანჯგვლიანში,
მერე ვირსაც წა-ცა-ვკარი,
აყინტრავდა ანწლიანში,
ჯორმა თქუა,ბედი მაქვსო,
არ მოვხვდიო შავ სიაში...
დიაცებ თუ გამაჩინდეს,
შავფრინდები მაყვლიანში_
მაგათ ხომ არ მოვეკვლევი
"ბალეშჩიკთა" ტაშ-გრიალში.
ერთი ტკბილი,ერთი მწარე,
ხიწვი ჯამში,თაფლიანში. | |
| | | | nini
Number of posts : 648
Registration date : 17.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Tue Dec 15, 2009 2:28 pm | |
| ჰმ სად გაქრა ბატონი მიხოს პასუხი აქ კაფიაში?ერთი სიტყვა ვერ გავიგე და მდინარე ყოფილა თურმე.ბობო შენი ყველა ლინკი რომ დადო შენს გვერდზე ხომ შეიძლება?ხანდახან დავხეტიალობ და დავბოდიალობ ხოლმე შენს ინტერნეტსივრცეში.გუშინ ახალი სურათებიც ვნახე.იქნებ კი არადა სხვებიც ხომ გკითხულობენ .ასე უბრალოდ და ჩუმად  | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Tue Dec 15, 2009 2:49 pm | |
| | |
| | | | ვაჟა ხორნაული
Number of posts : 1342
Location : თბილისი
Job/hobbies : პოეტი
Humor : სანაქებო
Registration date : 09.12.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Tue Dec 15, 2009 5:44 pm | |
| | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sat Dec 01, 2012 2:51 pm | |
|
Last edited by Admin on Sun Dec 02, 2012 9:38 am; edited 3 times in total | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Sat Dec 01, 2012 3:09 pm | |
| გამოხმაურებები ბმული - https://www.facebook.com/photo.php?fbid=388335621244271&set=a.241340042610497.56271.100002035099487&type=1&theater¬if_t=like ყარამან ჯიქურაული*** უყურეთ მიხეილასა, კაფიის ეშხში შასულა. ნანული ცხვედიანი*** მწერალად - დიდი ბიჭია, განაა ერთი კაფსულა, მაინც კახელი მიხოა, ლამაზად თუმც გაპარსულა! ნონა დავითაია*** კისერ შენს მტერსამც მაუტყდეს! შენ კარგად იყავ, მიხაო! ერთხელ სცადე და ვერ გახველ, არ გაგაჩერეს იქაო! მაგარ უქნიხარ მამასა! რკინა ხარ, განა თიხაო! თამარ გელოვანი*** თავ-კისერ უკვე აღგიდგა, მაგირჩა მატეხილ ხელი, ერთი რად დაგრჩა მხოლოდა აღსადგომ-მასატეხელი... შენ ფიქრი საით გაგექცა, რა გაიფიქრე, ტიალო, _ ფეხებს უფრთხილდი, ფეხებსა, კიდევ ბევრ უნდა იარო!.. ვაჟა ხორნაული *** დამშვენებულხარ, ძმობილო, მოჩანხარ უფრო ტანსრულად, შენი ნაწერი ჩვენია -- არ ითარგმნება სპარსულად... ნინო დარბაისელი
მიხოსერა არჩანდასდაბერდი, მოსულიშვილო, გიცქერ და გატყობ უცება. გულს ნუ გაიტეხ, გიხდება სიბრძნისგან გაკონფუცება. მზია გიგაური*** ეგ ვაჟკაცური ღიმი გიხდება და საფეთქლებთან თმები ჭაღარა... შენს დანახვაზე გული მიკვდება: საქმროდ დიდი ხარ, მამად - პატარა... რამაზ გიგაური (ნადირათ გაგა)*** მიხომ თქვა, მოსულიშვილმა:, ”რაც არ მოსულა, წასულა”... მაგრამა ა ის წასული, ცას ოქროს შიბით ასულა. სადღაა პაპის კაფია, ცხრაძარღვიანი, ცხრასულა, წავიდნენ ჩვენი პაპები, შავეთს წყალგაღმა გასულან. ჩვენი უძარღვო კაფია, ქცეულა ნალევ ქასურად. ზეცაში იგრე ჰკიდია, რო ზეცამ მთვარე გაწურა! | |
| | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Tue Dec 11, 2012 5:52 pm | |
| მარიამ წიკლაური*** ერთი თვის, ერთი დღისა ხართ შენ და ბატონი ალფრედი, გისურვებ გამხდარიყავი მატარებელი ამ ბრენდის! ალფრედ ბერნჰარდ ნობელი (დ. 21 ოქტომბერი, 1833, სტოკჰოლმი, შვედეთი ― გ. 10 დეკემბერი, 1896, სან-რემო, იტალია) — ნობელის პრემიის დამფუძნებელი, შვედი ქიმიკოსი, ინჟინერი, ნოვატორი, იარაღის დამამზადებელი და დინამიტის შემქმნელი. იგი იყო ბოფორსის მეპატრონე, შეიარაღების მთავარი მწარმოებელი, რომელიც მან რკინის გადამამუშავებელი ქარხნიდან გარდაქმნა. მან ბოლო სურვილის მეშვეობით გამოიყენა საკუთარი მდგომარეობა, რათა დაენიშნა ნობელის პრემია. სინთეზური ელემენტი მის პატივსაცემად იქნა წოდებული ნობელიუმად. ნობელმა გამოიგონა დინამიტი. http://ka.wikipedia.org/wiki/ალფრედ_ნობელი | |
| | | | Admin
Number of posts : 7185
Registration date : 09.11.08
| | | | | Admin
Number of posts : 7185
Registration date : 09.11.08
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები Thu Dec 11, 2014 11:36 am | |
| რამაზ გიგაური დაბადების დღეს ვულოცავ...დაბადების დღეს ვულოცავ მოსულიშვილსა მიხოსა, მუდამ სიმტკიცე ჰქონოდეს იმისი სახლის ლიბოსა. სიკეთე, ბედნიერება, სიმდიდრეც მასთან იყოსა, მეგობრებიცა ბევრ ჰყვანდეს, მტერმა ვერ დაიბრიყვოსა... სისხამზე არაყს „ურტყამდეს“, თან აყოლებდეს ნიგოზსა! 2014
Last edited by Admin on Thu Dec 11, 2014 11:39 am; edited 1 time in total | |
| | | | Sponsored content
| | Subject: Re: "მიხოსერობა-არჩანდობას" გვილოცავენ ქართული სიტყვის ოსტატები | |
| |
| | | | | | "მიხოსერობა-არჩანდობას" გვილოცავენ ქართული სიტყვის ოსტატები | |
|
Similar topics | |
|
| | Permissions in this forum: | You cannot reply to topics in this forum
| |
| |
| | Armuri (არმური) |  |
| Social bookmarking | 
Bookmark and share the address of არმური Armuri on your social bookmarking website |
|
|
