ნ ა ბ უ დ ა რ ი
----------------
მთებს ისევ მკერდზე აყრია
მათი ძახილის ექონი,
ვეღარსად ნახავ მაყრიონს,
აღარც დევების ფეხონი,
ბალახში იმალებიან
ბილიკნი საცალფეხონი.
ნეტავ ასე რად დავემხეთ,
სად გაგვიფრინდა ქედანი,
აღარსად მოყმე და ვეფხი,
აღარსად მათნი დედანი,
უწევს ღირსებით მორთული
არხოტს არხოტის ცხედარი,
ასა კი ყეფით გართული
მირბის,მიხტის და მხნედ არი.
ქვითკირის კუთხზე ჭოტი ზის,
ქედზე ზის ნისლი_მხედარი.
...
გელა ჯაბუშანურის წიგნის("დაკარგული სიზმარი",გამომცემლობა "ბასიანი",2009)რედაქტორი ამირან არაბული წერს:
"გელა ჯაბუშანური პოეტია;არა ლექსის "კეთების" ხელოვნებაში ჩახედული,გარკვეული და გაწაფული,არამედ გენით,მოდგმით და ბუნებით პოეტი.აქამდე ჩრდილში დგომა და შეგნებული დუმილიც მისი მწერლური ღირსებისა და პასუხისმგებლობის უდავო დასტურია..."
...
გელა გაბრიელ ჯაბუშანურის ძმაა.
Home 
