მარო თარხნიშვილი

მარიამ (მარო) თარხნიშვილი 1891 - 1969



ქართველი მომღერალი, ქართული ხალხური სიმღერების ცნობილი შემსრულებელი.

ქართველი მომღერალი, ქართული ხალხური სიმღერების ცნობილი შემსრულებელი. საქართველოს სსრ სახალხო არტისტი (1956). 1910 წელს გორში დააარსა ქართლ-კახური სიმღერების გუნდი და მისი უცვლელი ლოტბარი იყო. დიდი ამაგი დასდო საქართველოში მხატვრული თვითმოქმედების განვითარებას. თარხნიშვილის გუნდის მდიდარი რეპერტუარიდან აღსანიშნავია სიმღერები: “ჭონა”, “ბერიკაცი”, “ნამგლური”, “გარეკახური საცეკვაო”, “მუშური”, “თამარ ქალო”, “კახური მრავალჟამიერი” და სხვ. თავად მარო თარხნიშვილი გუნდის ფონზე დიდი ოსტატობით ასრულებდა ცალფა შრომის სიმღერებს: ურმულს, ოროველას, აგრეთვე არიას ნ. სულხანიშვილის ოპერა “პატარა კახიდან” - “დაიგვიანეს”. თარხნიშვილის გუნდში ბევრი ხალხური მომღერალი აღიზარდა (ვ. ცოფურიშვილი, ლ. ქარუხნიშვილი, გ. ფალავანდიშვილი, თ. იმერლიშვილი და საქართველოს დამსახურებული არტისტი ეკატერინე თარხნიშვილი - მაროს და), ბევრმა საგუნდო ხელოვნება შეისწავლა (გ. ვარდიაშვილი, ვ. კობახიძე, რ. თურქიძე და მაროს ქალიშვილი - თამარ თარხნიშვილი). თავისი კონცერტებით მარო თარხნიშვილი პროპაგანდას უწევდა ქართულ ხალხურ სიმღერას.

არია ნ. სულხანიშვილის ოპერა “პატარა კახიდან” - “დაიგვიანეს”

http://up.jeje.ge//download.php?id=1CEDA23B28



ეს სიმღერა ძალიან მიყვარს და ამოჩემებული მაქვს