ეკა ტალახაძე

Subject: Re: ეკა ტალახაძე Sat Oct 10, 2009 10:56 am

- არაფერი მინდა!
- როგორ თუ არაფერი,
აღარც სახლი გინდა, აღარც ჭერი შენი?
- არ მაქვს სახლ-კარი და თავზე მადგას სხვენი.
- სხვენში რა გიწყვია?
- დარდის გუდა ძველი.
- ბევრი დაგიგროვდა?
- ჩემს ღიმილზე ბევრი.
- აბა, შვილი რომ გყავს?
- კიდევ მეყოლება!
- მაშინ, რამ გატირა?
- ლექსის მოგონებამ.
- ლექსით ვინ გატირა?
- იმას ელა ჰქვია.
- მარტო სახელი აქვს?
- გოჩიაშვილია.
- აბა, რით გატირა?
- ,,იტირე...
ცრემლს ნუ გაიშრობ, ცრემლი სიცოცხლეა,
იტირე...
იტირე შენი უცნობი შვილი,
სამზეოზე სისხლის წვეთად გაელვებული!"
- ?!
- ხედავ, გამიჩუმდი...
- ?!
- მართლა გამიჩუმდი?
- იცი, მეც დედა ვარ...
- გამარჯობა, დედი!

Subject: Re: ეკა ტალახაძე Tue Oct 13, 2009 8:08 pm

###

სიტყვით რომ მრუშობ,
სიტყვით რომ ცოდავ,
სიტყვით რომ ადამიანს ადამებ -
ევა ხარ,
აბა, ვინ ხარ?
მისმინე თუ ქალი ხარ,
წინადადებაში ხომ გადამრევ!
ხორცით თუ მრუშობ,
ხორცით თუ ცოდავ,
ხორცით თუ ადამიანს ადამებ -
ვფიცავ, სიტყვით მეძავს მირჩევნიხარ,
მაინც ადამიანს გადარებ!

Subject: Re: ეკა ტალახაძე Thu Oct 15, 2009 11:00 am

(მთაწმინდა... პანთეონი... ბომბორა...)

არტახებივით შემოგარტყეს გზები ფერდებზე,
ლამის ყელამდე წაჭერილია,
ელვა საკრავსაც კბილი მოტყდა – მატარებელი.
თუმცა, ვინღაა სატარებელი?
ანძა – ეკალი,
ფთილა ღრუბლის დასაშინებლად –
მაგრამ ამაოდ!
ციდან მანანას მოელიან მიწიანები,
არა, მამაო?
და შენც წმინდაო, ოღონდ მთაო,
დღეიდან დაო,
ცა დაგინამავს გაჩერებულ გულს –
(ხსნად) დროსთან შებმულს.

* * * * * * * * * * * * * * * * * * * * * * * * * * * * * * * * * * * *
მამა დავითზე პან–თე–ონ–მა ფერი იცვალა,
ოთართან ერთად გარდაიცვალა...
14.10.2009

Subject: Re: ეკა ტალახაძე Thu Dec 24, 2009 1:34 am

ეკატო (ეკა ტალახაძე) wrote:: ია-სამანი

გზის პირას დაგელოდები - სახსრებში გადალეწილი,
ფერებს იოლად ვერ დავთმობ, მზისგან ვარ გამოძერწილი;
ვიდრე დავმჭკნარვარ უსულოდ, გამომისყიდე, წაწალო,
იქნებ, მე და შენ იმ ერთ ქალს სასწაულები ვაწამოთ?!
ია ვარ, ია - სამანი, სიცოცხლისათვის მიჩუქეს,
ჩემი სხეული გზის პირას ჩემგანტკივილებს იშუშებს...

roca gagiCani, ar viCodi, Tu werdi da axla axali TvaliT aRmogaCine, Zvirpaso!
CavikiTxe Seni gverdi da Zalian gavxalisdi!
bednier Soba-axal wels gisurveb.