ქართული

Guest

ბესიკ ხარანაული

***
მეჩვენა,
თითქოს ხრიოკ ზეგანზე
შეფენილიყვნენ
ბლომად ქვისმთლელნი
და ჩემ დარდს
დინჯად აქუცმაცებდნენ.

study

Number of posts : 379 Age : 62 Registration date : 11.12.08

კkარგია ამ სარკმელის გახსნა.

შევატყობინებ თამარ გაბროშვილს და იქნებ რამე დადოს აქ თავისი პოეზიიდან.

Subject: Re: ქართული Sun Jun 07, 2009 8:34 pm

გაუ!

ვაუ! რა მაგარ! cheers

Guest

bao wrote:: კkარგია ამ სარკმელის გახსნა.

შევატყობინებ თამარ გაბროშვილს და იქნებ რამე დადოს აქ თავისი პოეზიიდან.

ესა, ბაო, რენუარის შეკვეთაა და შენი არ იყოს, "იდეებ რა ვუყო!" გამოდგა ეგეც...

flower

Subject: Re: ქართული Sun Jun 07, 2009 9:01 pm

თამარ გაბროშვილი.

***
მირქმის დღე არის
და შენს კარზე
მომყავს ლექსები-
სულის ხუნდები.
შეიწირე, უფალო ჩემო.

***
სამძიმარი-
მოჭრილ ხეს
ჩიტების გუნდი შეფენია.

***
ჩვენ გვეგონა,
არავის ესმოდა-
სატელეფონო ხაზზე
იჯდა ჩიტი და
ჩვენს საუბარს
აჭიკჭიკებდა.

***
გულმავიწყობას ისე ვარ ჩვეული,
სადმე დამრჩება
სულის ყავარჯენი-
სხეული.

Subject: Re: ქართული Sun Jun 07, 2009 9:03 pm

[quote="renuari"]თამარ გაბროშვილი.

***
თავს ვუფრთხილდები:
არ აგტკივდეს,
ძვირფასო,
ნეკნი...

***
ქსოვ და
რას მოქსოვ?
სულ ერთმანეთში აგბურდია
ფერადი ძაფები:
ციცქნა ლექსები და
შვილები.

Subject: Re: ქართული Sun Jun 07, 2009 9:25 pm

რა უმწეოა
მარტის კამუფლიაჟი-
ენძელა-თოვლზე.

Subject: Re: ქართული Mon Jun 08, 2009 8:05 am

***
სიტყვები_უცნაურად გასხივოსნებული,
როგორც ტაძრის
სარკმელში ვარსკვლავები...

***
ყვავილის ფურცლებივით
პატარა ლექსები,
სიკვდილ-სიცოცხლის
სასწაულებს რომ გაგრძნობინებენ.

***
ძაღლი თვალს მისწორებს,
პატრონი_ვერა...

***
თითქოს შვილს
ცრემლები შეუმშრალა,
დაფაზე ისე წაშალა რიცხვები.

***
ბოლოს მათ შორის
თეთრი მანდილი
ჩააგდო სინანულმა
და ზეცა დამშვიდდა.

***
მზის სიჩუმე შევიდა ოთახში,
ჩვილმა გაიღვიძა
და დედა ამღერდა...

***
მთამსვლელს სიზმარშიაც ჩაესმის
მზის ფეთქვა და მწვერვალის სიჩუმე.

***
ცაზე რამდენი ვარსკვლავიცაა,
იმდენჯერ უგალობა სიყვარულს
და მაინც ვერ მოიკლა წყურვილი.

***
ხარობენ შენთვის სათქმელი სიტყვები
პირველად აყვავებულ
ხის ყვავილებივით...

***
ამომავალ მზესთან შესახვედრად
მტრედი გუმბათიდან აფრინდა,
ყორანი_ნისლიდან...

***
უბედნიერესი მყვინთავი_
კალამი...

***
რომ არა შვილობა
პატარა და ტანჯული ქვეყნისა,_
ყაზბეგი ხანჯლებით არ აცეკვდებოდა.

***
ადამიანი დასალიერზე_
სხვა სივრცის კარივით.

Subject: Re: ქართული Mon Jun 08, 2009 7:40 pm

რას მოვაგენი cheers

Subject: Re: ქართული Tue Jun 09, 2009 12:26 am

***
ახლა რომ ჩავწვე გაზაფხულამდე
და ლოყის ქვეშ თათებივით
ლექსი დავიდო.
ჩემი ქოთნის ყვავილები,
მე რომ ვუვლიდი-
თუ მომივლიან?

***
ზამთრის სეზონურ დეპრესიას
ოთახში ვატევ.
ვანთებ ბუხარს-ასე ვერთობი.
ჯოხით ნაცარზე მიგახატე,
ღამე ერთად რომ გაგვეთია...
რა დარდიანი შეყვარებული
ყოფილა თურმე
ნაცარქექია.

***
დაგროვდა ხორხთან
შენი სახელი-
გავაღებ სარკმელს-
ამოგიყვირებ უმისამართოდ.

***
ჩემი აქამდე დუმილის ოქრო,
არათითზე მინდა დაგიდნო.
-ავიდეთ ჯვარზე?

***
არ არსებობენ ნიუანსები.
დღეს დილით,
პარკში აკრეფილი ხმელი ფოთლები,
საქმიანი შეხვედრების დღიურში ჩავდე-
და თითქმის ყველგან დამაგვიანდა...

***
მწერ -აცივდაო,
თურმე ქარიც დაქრის ვერაგი.
აქ, კარადაში,
შენს ეულად დარჩენილ კაბას,
გავიხადე და მოვახურე ჩემი პერანგი.

***
აგარაკზეა ჩემი პატარა...
ამ ცხელ ქალაქში,
წუხელის
მისი დათუნია
მეწვა კალთაში.

***
ლაზერის სხივი
უმზერს ტურინის სუდარას,
თითქოს ურწმუნო მოციქული იცქირება
გახვრეტილი ხელისგულიდან.

***
სისხლის წარმოქმნას-
"ჰემოპოეზი" ჰქვია...
მაშ, პოეზია-სისხლში გვქონია.

Number of posts : 379 Age : 62 Registration date : 11.12.08

კkარგია აქ, კი

flower

Subject: Re: ქართული Tue Jun 09, 2009 12:45 am

რობერტ მესხი

***
დუღს ფელამუში,
მოხუცები კაკალს კინძავენ-
ძველი წლებივით,
მაგრამ რა ჰქნან-
ძაფია მოკლე...

ოპელ-მინიმა
--------------
ხელი მკრა უცხომ.
მუხლისთავთან შედგა "ოპელი'
გამიფრინდა ლექსი ჩიტივით.

Subject: Re: ქართული Tue Jun 09, 2009 4:12 pm

უცნობი ავტორი(მე-10
საუკუნე)---------------------------------

ატენის სიონის
კედლებზე მიწერილი
ლექსებიდან

*
იხილეთ ესე ჟამი:
წავა,ვითარცა წამი.
აწვე გავწმიდოთ გვამი,
მერმის არა გვაქვს ქრთამი.

ნიკოლოზ ბარათაშვილი
------------------------
კნიაზ ბარათაევის
აზარფეშაზედ

ამავსებ ღვინით,
აგავსებ ლხინით.
შესვი?გაამოს.

შოთა ჩანტლაძე
--------------------
წავიდა თოვლი.
მოვიდა მიწა.

Subject: Re: ქართული Tue Jun 09, 2009 4:23 pm

***
ვეფხისა და მოყმისა
არ იყოს,_
პოეტი და სიკვდილი
ერთადა კვდებიან.

***
გაზაფხული
ჩვენს თვალწინ იბადება
და ბაღები ამშვენებს დედამიწას,
როგორც ტაძარს საგალობლები.

***
როგორ არ გაიხარებს არწივი,
უფრო მაღლიდან სხვა არწივის
ჩრდილი რომ დაეცემა.

Subject: Re: ქართული Thu Jun 11, 2009 11:06 am

***
ქალმა ღმერთს გაუღიმა ისე ტკბილად,
როგორც არასოდეს,
რადგან მის წიაღში შეირხა ჩვილი,
მის წიაღში-უჩრდილო ტაძარში
ახალი სიცოცხლე მოინათლა...

***
ბილიკი ჰორიზონტთან
არ დასრულებულა_
სივრცეში გაგრძელდა
და ჩვენი ფიქრები
გაუყვნენ მგზავრებად.

***
ზოგ მარჯვენას მახვილი უხდება,
ზოგს-საკრავი,ზოგსაც-კალამი,
ხოლო სანთელი-ყველას ერთნაირად.

***
მაისა საბანსა და ლეიბს შორის
მოხტუნავე ჭუჭრუტანებიდან
სამოთხის მელოდიად იღვრება
ტყუპების სიხარული...

***
თვალები ოდნავ გახელილი,
ბაგეები ოდნავ გახსნილი...
და იხრები და უახლოვდები,
როგორც წყაროს უკვდავებისას.

***
გოგო ცერებზე აწეული,
ვაჟი თავდახრილი.
სუნთქვა,როგორც ნიავი გულისა.

***
როდესაც ბოლო კელაპტარი
ჩაქრება სიყვარულის,_
მზე აღარ ამოვა
და დედამიწა გაჩერდება,
ვით წისქვილი,წყალგადაგდებული.

***
მწვერვალებს გადაევლო,
ვარსკვლავებს შეერია
და შენთან მოვიდა
ფიქრი-გაზაფხული გულისა.

***
დღე და ღამე ჰგვანან მეუღლეებს,
მუდამ ერთმანეთის
გზას რომ გასცქერიან,
ერთად რომ ვერასოდეს იძინებენ.

***
რომელი უფრო ტანჯულია_
ოტელო თუ ფერმკრთალი ყვავილი,
ლიანდაგებს შორის ამოსული?

***
თვითონ რაც არ გითხრა,_
მის ჩრდილს აწერია,
მოწყენით მიმავალს...

***
და დიდმა დარდმა პატარა სიხარული
მგლებს გადარჩენილი ბატკანივით
ჩაიკრა გულში...

Subject: Re: ქართული Thu Jun 11, 2009 11:49 am

მადლობა.. ვინსენტს.. რომ.. მომიყვანა აქ.. დავტოვებ ხოლმე მეც.. ჩემს "ერთ წვეთ სითბოს"

Subject: Re: ქართული Thu Jun 11, 2009 11:49 am

ისევ ვიხრჩობი,
ამაოა ყველა მცდელობა,
დგას ოთახებში უშენობის უჰაერობა.

Subject: Re: ქართული Thu Jun 11, 2009 11:50 am

შენც ჩემნაირი ფარვანა ხარ,
სიკვდილის ლუკმა,
ვკვდებით მაინც და...
რაღა ბნელმა,
მიგვიწვას შუქმა.

Subject: Re: ქართული Thu Jun 11, 2009 12:24 pm

ბომჟის მინიმა
------------------
გამშობლიურებულ ტროტუარზე
ასვენია-
გასხვისებული
სახლ-კარის სევდა.

***
დევს ჰორიზონტზე
სიცოცხლის ილუზია-
სიკვდილის შემდეგ...

ტრაგედიის ჰაიკუ
-----------------
ტრასასთან ახლოს, პარკში,
ნამსხვრევებს ჰკრეფენ...
ჯიპის და საქანელის.

Subject: Re: ქართული Thu Jun 11, 2009 8:21 pm

შოთა ჩანტლაძე
---------------------

***
რადიომიმღებში უკრავენ ბახს.მე მეჩქარება.
მე პატივი ვეცი ბახს და წასვლის წინ რადიომიმღები
არ გამომირთავს...

***
უცნობი ქალ-ვაჟი ტროლეიბუსის გაჩერებასთან...
ქალმა ვაჟს აღუთქვა მოსვლა პაემანზე.
მე ცრემლიანმა შევუხვიე ბაღში.

***
მე შორიდან გავცქერი
ხიდის მშენებლობას
და დაღლილი ამოვდივარ
ამ ხიდზე.

Subject: Re: ქართული Fri Jun 12, 2009 9:06 am

რა ვარ უშენოდ -
შორს მავალი მწირი უსაგზლოდ...
შენი საზღვრები მინდა გავხსნა -
გავხდე უსაზღვრო.

Subject: Re: ქართული Fri Jun 12, 2009 9:07 am

შენს გზას მოვყვები,
გთხოვ,
ისუნთქე,
მოვალ ბოლომდე,
მომაქვს სიცოცხლე,
რომ სიკვდილით არ დაბოლოვდე.

Subject: Re: ქართული Fri Jun 12, 2009 9:46 am

ასაკი
------------
-რად გინდა სარკე?
შეხე, ციცქნა მეზობლის გოგო-
როგორ დაქალდა....

Subject: Re: ქართული Fri Jun 12, 2009 2:28 pm

***
დაეცა.ჩაიცინეს.
წამოდგა.გაუცინეს.

Subject: Re: ქართული Fri Jun 12, 2009 4:37 pm

დაეცა. ჩაიცინეს.
წამოდგა.გაუცინეს.

Smile

» ქართული ხალხური სიმღერა
» ქართული ხალხური პოეზია
» ქართული მითოლოგიური პანთეონი
» გადმოტანილები
» ქართული ხალხური შელოცვები