დასავლური

მიქელანჯელო ბუონაროტი

***
ძილია შვება და ქვას ქცევა კეთილი ხვედრი,
ვიდრე მძვინვარებს ლაფდასხმული ეს საუკუნე.
არაფერსა ვგრძნობ, არასა ვჭვრეტ, არას ვუყურებ,
მაშ, ნუ მაღვიძებ დაძინებულს, - ამასღა გვედრი.


თარგმნა თამაზ ჩხენკელმა.

პაულ ჰაიზე

აღარ უჩანს სპექტაკლს ბოლო... არ მთავრდება!
ოფლი მასხამს ხან ცხელი და ხან ცივი...
ვერ დავრჩები! ხანმოკლეა ეს ცხოვრება,
ხოლო თქვენი ხელოვნება – ხანგრძლივი.

ვაჟა ხორნაული wrote:

მიქელანჯელო ბუონაროტი
------------------------------
სევდამ შეცვალა ბედნიერი დღეების დასტა,
ღვთით ნაბოძები ჩაქრა შუქი,თუმცა ისევე
მრთელია სული,ცოცხლობს სული და ვერ ისვენებს,
თითქოს სიკვდილიც აგვიანებს სტუმრობას მასთან.

...
თარგმნა თამაზ ბაძაღუამ.

პაულ ცელანი

სილურჯიდან, ჯერაც თავის თვალს რომ ეძებს, მე ვსვამ პირველი.
შენს ნაფეხურებს ვეწაფები და მერე ვხედავ:
ჩემს თითებშორის ჩაიშალე, მარგალიტო, და შენ იზრდები.
ისე იზრდები, როგორც ყველა, ვინც დაივიწყეს.
შენ ჩაიშალე: სევდის შავი სეტყვისმარცვალი
ეცემა თავშალს, ერთიანად გახუნებულს მოფრიალე განშორებებით.


თარგმნა ზვიად რატიანმა

(ინგებორგ ბახმანი

ბაგე, ჩემს ბაგეში ღამე რომ ათია,
თვალი, ჩემს თვალს რომ დარაჯობდა,
ხელი _
და თვალები, მე რომ გამამათრახეს!
ბაგე, მსჯავრი რომ გამომიტანა,
ხელი, რომელმაც დამსაჯა მერე!



თაეგმნა ასმათ ფარჯიანმა

შენს მაძაგებლებს მე რატომ უნდა მივბაძო,
ჩვენ შენი ფასი დღეს მხატვრობაში ვინა გვყავს!
ვუმზერ პორტრეტებს, შენ რომ შექმენი, ძვირფასო,
და ვამბობ: მსგავსი მე არაფერი მინახავს!

(ოსკარ ბლუმენტალ;ი)

პლაგიატორს

ოსკარ ბლუმენტალი


შენა ხარ ანტიგუგული,
შენზეც შეთხზავენ არაკებს,
რადგან სხვის კვერცხებს იპარავ
და შენს ბუდეში ალაგებ.

თარგმანი გერმანულიდან - ლევან ბრეგაძე

კრებული "ელადის მუზა"
რომან მიმინოშვილის თარგმანი

ერთხელ ნახა ანტოოქემ ლისიმაქეს პარკი და...
ამის შემდეგ ლისიმაქეს პარკი აღარ უნდა უნახავს

ჩემი მინიმალისტური დასავლური პოეზია

***
Haiku? I think that now even japanese poet can’t do it in relevant way.
And English Haiku is absolutely new dimension of impressions.
And My haiku about this:
what does mean - haiku?
For Japanese man - quantum of soul
for others’ just - High IQ…

***
Empty shoes
better shows
so same are men

***
Compressed like a spring
I am ready to jump.
Hey! stars! be careful!

***
Time – deer rushes
and leaving traces,
Our sweet memories.

***
Skype – just text and no voice,
what a beautiful choice.

***
why we have not wings?
Cos they are unfit things
for soul,
burdened and foul.

***
If You want conversation with friend
but have nothing to say,
Just open e-mail and send:
hey Hey!
hey hey!
hey hey!

ბობო wrote:

მიქელანჯელო ბუონაროტი

***
ძილია შვება და ქვას ქცევა კეთილი ხვედრი,
ვიდრე მძვინვარებს ლაფდასხმული ეს საუკუნე.
არაფერსა ვგრძნობ, არასა ვჭვრეტ, არას ვუყურებ,
მაშ, ნუ მაღვიძებ დაძინებულს, - ამასღა გვედრი.


თარგმნა თამაზ ჩხენკელმა.

ეს ლექსი მიქელანჯელოს წაუწერია სკულპტურაზე "ღამე", ვიღაცის წარწერის პასუხად.
აკაკი გელოვანის თარგმანში კი ასე ჟღერდა:

მხიბლავს ძილი, მით უმეტეს, რომ ქვა ვარ და ქანდაკი,
ვიდრე მეფობს ძალადობა, სირცხვილი და სიავე,
არ ვიხილო, არც ვისმინო, – აი ჩემი სიამე,
ამიტომაც ნუ მაღვიძებ, წყნარად ილაპარაკე

გეორგ ივჩევი

სიცილი არის შვება, –
ძალიან ხშირად ხდება,
სნეული ფეხზე დგება,
როცა სიცილით კვდება.