აღმოსავლური

Guest

ტიო-ნი

ჩემი პატარა ბიჭის სიკვდილზე

ო, კალიების მდევნელო ჩემო,
აწ რა უცნაურ ქვეყანაში
შეგირბენია?

მეთექვსმეტე-მეთვრამეტე საუკუნეების ჰოკუ.

თარგმნა თამაზ ჩხენკელმა.

Subject: Re: აღმოსავლური Sun Jun 07, 2009 9:17 pm

ისიკავა ტაკობუკო

ხუმრობით
დედა შევისვი მხარზე,
მაგრამ მეჩვენა ისე მსუბუქი,
ცრემლმორეულმა
ძლივს გადავდგი სამი ნაბიჯი.

Subject: Re: აღმოსავლური Sun Jun 07, 2009 10:55 pm

16_18 საუკუნეების ხოკუ
---------------------------
*
ჭასთან ბადიას
ღამით სურო შემოხვევია...
მე მეზობლისას მივდივარ წყალზე.

*
თბილი შხაპუნა.
გზად მიდიან და მისაუბრობენ
ქოლგა და ”მინო.” (მინო_იაპონური მოსასხამი).

*
ანკარა წყარო.
უზალთუნები ბრწყინავენ ფსკერზე...
მგზავრს მოწყურებულს შიგ ჩაბნევია.

*
შემოდგომის წვიმა და მწუხრი!
ჩემთან კი არა,
მეზობლისას დაჰკეცეს ქოლგა.

*
ჰოი,განგებავ უმოწყალო!
ამ დიდებული მუზარადის ქვეშ
ახლა პატარა მწერი ჭრიჭინებს!

*
აჰა,საცაა ხე წაიქცევა!
ზედ კი ჩიტები კვლავ უზრუნველად
თხზავენ ბუდეებს.

*
ეს ველები და მთა-გორები
შეუმჩნევლად გაქურდა თოვლმა...
დაცარიელდა უცებ მიდამო.

...
თარგმანი თამაზ ჩხენკელისა.

Subject: Re: აღმოსავლური Mon Jun 08, 2009 7:44 pm

renuari wrote:: ისიკავა ტაკობუკო

ხუმრობით
დედა შევისვი მხარზე,
მაგრამ მეჩვენა ისე მსუბუქი,
ცრემლმორეულმა
ძლივს გადავდგი სამი ნაბიჯი.

Subject: Re: აღმოსავლური Mon Jun 08, 2009 8:49 pm

რაბინდრანათ თაგორი
------------------------
ჩუმად,გულო ჩემო,ჩუმად:
ეს დიდი ხეები ლოცვებია ცად აწეული.

***
წუთისოფელი არ იწრიტება,
რადგან სიკვდილი ბზარი არ არის.

.
თარგმანი თამაზ ჩხენკელისა.

Subject: Re: აღმოსავლური Mon Jun 08, 2009 11:18 pm

ისიკავა ტაკუბოკუ Rolling Eyes

ბინდია, ვზივარ,
არ ანთია კერაზე ცეცხლი.
ვხედავ, კედლიდან გადმოდიან
დედა და მამა
ჯოხს დაყრდნობილნი.

Guest

მინდია wrote:: ისიკავა ტაკუბოკუ

ბინდია, ვზივარ,
არ ანთია კერაზე ცეცხლი.
ვხედავ, კედლიდან გადმოდიან
დედა და მამა
ჯოხს დაყრდნობილნი.

მინდიავ, მთარგმნელი მიაწერე ამასაც და ყველასაც, რასაც მოიტან აქ...

study

Subject: Re: აღმოსავლური Tue Jun 09, 2009 10:06 am

ბობო wrote:

მინდია wrote:: ისიკავა ტაკუბოკუ

ბინდია, ვზივარ,
არ ანთია კერაზე ცეცხლი.
ვხედავ, კედლიდან გადმოდიან
დედა და მამა
ჯოხს დაყრდნობილნი.

მინდიავ, მთარგმნელი მიაწერე ამასაც და ყველასაც, რასაც მოიტან აქ...

study

ვერ მოვიძიე უბრალოდ

Subject: Re: აღმოსავლური Wed Jun 10, 2009 8:59 am

რაბინდრანათ თაგორი
-----------------------

***
უცხოელივით გადმოვედი მე შენს ნაპირზე,
სტუმარივით ვიცხოვრე მე შენს სახლში,
მაგრამ გეთხოვები,როგორც მეგობარს,წუთისოფელო.

***
ღრუბლები ანიჭებენ მდინარეებს წყალთა სიუხვეს,
ხოლო თავად მთების იქით იმალებიან.

***
ვარსკვლავებს არ ეშინიათ,ციცინათელებად მიგვიჩნევენო.

...
თარგმანი თამაზ ჩხენკელისა.

Subject: Re: აღმოსავლური Thu Jun 11, 2009 12:51 am

ისიკავა ტაკუბოკუ (1885-1912)

***
უშნო,
პოეტი, მეოცნებე,
აი, რას ფიქრობს ჩემზე იგი.
სწორედ მისგან
ვისესხე ფული.

***
როდესაც თავხედს
და თავნებას ემსახურები,
რა შემზარავი გეჩვენება
სამყარო მაშინ.

Subject: Re: აღმოსავლური Thu Jun 11, 2009 8:05 pm

10-12 საუკუნეების ტანკა
---------------------------

უცნობი ავტორი
------------------

როგორ დავიპყრო მისი გული,როგორ დავტოვო
ჩემს ახლოს იგი_მომზირალი მუდამ პირიქით.
ო,ალუბლებო,
ყვავილებით მიწა დათოვეთ,
დაფარეთ ჩემგან წასასვლელი ყველა ბილიკი.

გიასონ
--------
***
ჩემო კეთილო ალუბალო,მარტო რომ ხარობ
ამ აყვავებულ მთის კალთაზე_ყრუ და ოხერი...
მეცა ვარ შენებრ:
უმეგობრო და უმოყვარო
და მე ჭირთაგან მოყვრიანი ვზი მარტოხელი.

.
თარგმანი თამაზ ჩხენკელისა.

Subject: Re: აღმოსავლური Mon Jun 22, 2009 10:14 pm

სოძიო ჰინო

(ჰაიკუ)

* * *
ზღვაზე შტორმია.
თუმცა მთვარე
არ იძირება.

* * *
სულ წვალობს ცოლი
და თვალს არ ხუჭავს.
გასულ წელს. . . წელსაც.

* * *
ვუმზერ ტილოს
შიშველ ქალისას.
მაძღარია წუთისოფელი.

* * *
მზეთუნახავები
აღარსად ჩანან.
გაუფერულდა გაზაფხული.

* * *
ნავთსაყუდელი.
გემის სახელი
მთვარის შუქზე ამოვიკითხე.

* * *
მცივანა ჩანჩქერი
ალისფერ ნეკერჩხალს
თავზე დაემხო.

Subject: Re: აღმოსავლური Mon Jun 22, 2009 11:41 pm

ისიკავა ტაკუბოკუ

***
რა გაიფიქრა ისეთი ნეტავ?
დაყარა სათამაშოები
გოგონამ ჩემმა,
წყნარად
მომიჯდა გვერდით.

Subject: Re: აღმოსავლური Tue Jun 23, 2009 7:29 pm

10-12 საუკუნეების ტანკა

მ ა ს ა ფ უ ს ა

კვირტები ჩუმად გამოაღო და,ჰა,აყვავდა
მთის ფერდობებზე ალუბალი მაღალი მთისა.
დასცალდეს ნეტავ_
არ მობუროს ჩემთა თვალთაგან,
არ მომიჩრდილოს ჭალებიდან ამდგარმა ნისლმა.

თარგმნა თამაზ ჩხენკელმა.

Subject: Re: აღმოსავლური Mon Jul 20, 2009 8:26 am

რაბინდრანათ თაგორი
----------------------

ხეები მაღლდებიან და მოიწევენ ჩემი სარკმლისაკენ,
როგორც წადილითა და მწუხარებით აღტყინებული
ხმები მუნჯი დედამიწისა.

Subject: Re: აღმოსავლური Tue Aug 11, 2009 3:35 pm

რაბინდრანათ თაგორი

ქებამ შემარცხვინა მე,რამეთუ იდუმალ მისურვია იგი.

თარგმანი თამაზ ჩხენკელისა.

Subject: Re: აღმოსავლური Thu Aug 20, 2009 12:54 am

მდინარის ამომშრალ კალაპოტს
მადლობის გრძნობა არა აქვს წარსულის მიმართ.

*****

უბრალოდ ბალახის მეოხეობით ხდება
უზარმაზარი დედამიწა სტუმართმოყვარე.

*****

იგი რაც შენ ხარ-მას შენ ვერა სჭვრეტ.
მას, რასაც ხედავ-შენი ჩრდილია.

პ.ს მოკლედ გენიალურია თაგორი, ყველა მიყვარს ვისაც თაგოგი უყვარს....

Subject: Re: აღმოსავლური Fri Sep 25, 2009 1:58 pm

ბუსონი

თარგმანი - ლელა მეტრეველი

***

ბორცვს მივუყვები სევდიანი
და, საოცრებავ,
უდარდელად ყვავის ასკილი!

***

ცივი ქარია.
მწუხრის ზარი
ცაზე მიცურავს.

***

დასავლეთიდან მონაქროლ ქარს
აღმოსავლეთით
მიაქვს გამხმარი ფოთლების გროვა.

***

შემოვიქნიე ნაჯახი და იქვე გავშეშდი:
დამათრობელი არომატი
გავრცელდა ტყეში.

***

ღამის სიგრილე.
ფეხქვეშ მეგება თავთხელ წყალში
ჩემივე ჩრდილი.

Subject: Re: აღმოსავლური Wed Dec 23, 2009 1:40 pm

რაბინდრანათ თაგორი

ქებამ შემარცხვინა მე,
რამეთუ იდუმალ მისურვია იგი.

* * *

საწუთროს ხმაური დასცინის
მარადისობის გალობას.

* * *

მკვდარი სიტყვების მტვერმა სული დაგიბნელა,
მოყვასო ჩემო,
განიბანე მდუმარების წმინდა ნაკადულით.

* * *

სიბოროტეს არ ძალუძს თავი დასდოს დასათრგუნად.
სიკეთეს-ძალუძს.

Number of posts : 7095 Registration date : 09.11.08

ისიკავა ტაკუბოკუ

***
თუკი მკითხავენ, რა არისო ჭმუნვა, ნაღველი,
მე ვუპასუხებ –
რომ ესაა საგანთა გემო.