ბო ძიუ-ი

Subject: ბო ძიუ-ი Tue Mar 03, 2009 1:50 am

ბო ძიუ-ი - 白居易

ბიოგრაფია ინგლისურად - http://en.wikipedia.org/wiki/Bai_Juyi
და ესეც - http://www.newworldencyclopedia.org/entry/Bai_Juyi

რუსულად - http://ru.wikipedia.org/wiki/Бо_Цзюйи

Subject: Re: ბო ძიუ-ი Tue Mar 03, 2009 2:02 am

ბო ძიუ-ი

ლოკაუს სადგურის კედელზე ჩემს მიერ დიდი ხნის წინათ მიწერილი ლექსები

კედელზე მიწერილ ჩემს მდარე ლექსებს
კაცთა მოდგმისთვის არა აქვს ფასი.

ნიშანთა მწკრივი დაფარა მტვერმა
და ჟამთასვლისაგან მოედო ხავსი.

მხოლოდ იუანი - ხელმწიფის კაცი,
სტრიქონებში რომ ღრმა განცდებს ეძებს,

არ ინდობს თავის ძვირფას მოსასხამს,
აშორებს მტვერს და კითხულობს ლექსებს.

თარგმნა თამაზ ჩხენკელმა.

ბო ძიუ-ი 76e4225c96c69038b818cca9e134e9db

ბო ძიუ-ი 76e4225c96c69038b818cca9e134e9db

Subject: Re: ბო ძიუ-ი Tue Mar 03, 2009 2:20 am

Bai Juyi by Chen Hongshou

ატმის ყვავილები და-ლინის ტაძარში

ყვავილებს მაისში ალო ეწურებათ
ჩვენთან და ვარდობა ილევა.

ხოლო მთის ტაძარში ვარდისფრად ახლახან
იფეთქეს ატმის ყვავილებმა.

მე ვბრაზობ: ალბათ შინ დაბრუნდა, უკვალოდ
რომ გაქრა ზაფხული შრიალა:

ამ ჩუმი ტაძარის ბჭესთან გზად გავლილმა,
ვინ იცის, აქ შემოიარა.

სალამური

ამ მყუდრო ღამეში ვინ უკრავს სალამურს
ნაღვლიანი ხმით და ჩუმი განზრახულით.

მყიფე სალამურში თითქოსდა ხმიანებს
ჩემი შორეული მიწის გაზაფხული.

თქვენ რომ მოგესმინათ ის ხმა გულსაკლავი,
გამოგერეოდათ თმაში ჭაღარა თმა -

მან თავს რაღა უყოს, ვინაც შემუსვრილა,
ვისაც ბნელი ღამით ძილი აღარა აქვს?

მარტო ვხეტიალობ

მე ჩემთვის ვღიღინებ დაოსურ ლოცვანს,
თანა მაქვს, არსად დამკარგვია,

ხელში რომ კენარი ბამბუკი მიჭირავს
ის განა ზედმეტი ბარგია,

ბამბუკს რომ მწუხრის ყვავილები მოსავს,
ერთგულ მეგობრებად მარგია.

ტყეში შევედი და მარტო ვხეტიალობ.
კაცთაგან შორს ყოფნა კარგია.

თარგმნა თამაზ ჩხენკელმა.

ბო ძიუ-ი 0437250

Subject: Re: ბო ძიუ-ი Tue Mar 03, 2009 9:38 pm

ადრეული გაზაფხული
---------------------
flower

გაადნო თოვლი
გაზაფხულის თბილმა ქარებმა.

დატყდა ყინული
და დაიძრა მდინარე მდოვრი.

მხოლოდ ის ერთი
ვერ გაადნო მზის მხურვალებამ_

ყვრიმალთა ზემოთ შეფენილი
ჭაღარის თოვლი.

sunny

Guest

ვაჟავ, მიაწერე ამას, ვისი თარგმანია - ესეც მნიშვნელოვანია...

თამაზ ჩხენკელი, ხო?

Subject: Re: ბო ძიუ-ი Wed Mar 04, 2009 11:33 am

ბობო wrote:: ვაჟავ, მიაწერე ამას, ვისი თარგმანია - ესეც მნიშვნელოვანია...

თამაზ ჩხენკელი, ხო?

კი,ნამდვილად თამაზ ჩხენკელისაა_გენიალური თარგმანია.
რაბინდრანათ თაგორისა და ბო ძიუის ჩხენკელისეული თარგმანები ,მართლაც,ბრწყინვალეა
და არა მარტო ეს ავტორები.

Subject: Re: ბო ძიუ-ი Thu Mar 05, 2009 12:06 am

ბობო,გულწრფელად ვიტყვი ამ ავტორებზე უბრალოდ მამისგან გამიგია.
სად შეიძლება მათი შემოქმედების გაცნობა ქართულად ან რუსულად?ვერც ორიგინალში და ვერც ინგლისურად ვერ წავიკითხავ Smile

Guest

nini wrote:: ბობო,გულწრფელად ვიტყვი ამ ავტორებზე უბრალოდ მამისგან გამიგია.
სად შეიძლება მათი შემოქმედების გაცნობა ქართულად ან რუსულად?ვერც ორიგინალში და ვერც ინგლისურად ვერ წავიკითხავ

ეეჰ, ჩინურად ვერც მე ვკითხულობ... Sad

ქართულად:

”ყვავილი სარკეში” (ძველი ჩინური პოეზიის მცირე ანთოლოგია) - თარგმნა ჯარჯი ფხოველმა, გამომცემლობა ”მერანი”, 1990 წელი.
”აღმოსავლური პოეზია” - თარგმნა თამაზ ჩხენკელმა, გამომცემლობა ”მერანი”, 1981 წელი.
”მარიოტა” - თარგმნა თამაზ ჩხენკელმა, გამომცემლობა ”მერანი”, 1986 წელი.
”ჩინური პეიზაჟური ლირიკა” - თარგმნა თენგიზ თოფურიძემ - გამომცემლობა ”მოწამეთა”, 1998 წელი.

რუსულად:

Lib.Ru: Древнекитайская литература - http://lib.ru/POECHIN/
Сборник: Китайская классическая поэзия - http://lib.ru/POECHIN/china_classic.txt
"Стихи 1000 поэтов" - http://baruchim.narod.ru/List.html
"Классическая китайска поэзия" - http://china-poetry.artsportal.ru/
"Удивительный Китай" - http://china.kulichki.com/Library.shtml
Китайская поэзия (символика) - http://ru.wikipedia.org/wiki/Китайская_поэзия_(символика)

ნინი, ეს სხვა პოეზიებისგან აბსოლუტურად განსხვავებული პოეზიაა და დაფუძნებულია დაოსიზმზე. მის ფილოსოფიასა და ესტეთიკაზე.

ასეთივე განსხავებულია იაპონური პოეზია და ამაზე ცალკე გვექნება ძველი იაპონელი ავტორების გვერდები.

Subject: Re: ბო ძიუ-ი Sat Mar 07, 2009 6:00 pm

ულამაზესი ლეყსები აყვს ბო ძიუ ი-ს.... Smile

Subject: Re: ბო ძიუ-ი Mon Mar 09, 2009 10:30 am

გაზაფხული ლოიანში
------------------------------

ლოიანის გზებზე და მინდორ-ველებზე
წარუდინებელი გაზაფხული ფშვინავს.

მას რომ დავეთხოვე,ახლა დავუბრუნდი,
თითქოს ოცმა წელმა წამში გაირბინა.

მხოლოდ ჩემი ტკბილი სიჭაბუკის დღეებს
ვერსად შევეყარე,ვერსით გამიბრწყინა.

ყველა დანარჩენი_ათი ათასი რამ
ისევ ისე დამხვდა,როგორც იყო წინათ.

Subject: Re: ბო ძიუ-ი Fri Aug 14, 2009 9:52 pm

ულამაზესი ყოფილა ამ ავტორის პოეზია..
დასანანია, რომ არ ვიცნობდი