ჯაბანი მინდოდაური

ჯაბანი მინდოდაური სოფელ ჭიჩოდან ყოფილა.

ჯაბანი მინდოდაური

ჯაბანი მინდოდაური
ხოშარელებსა ბრიყვობსა,
ხოშარით ტყემალნ დასწვადნა,
ხილ უნდა გაჩნდეს ჭიჩოსა.
მალ-მალე გადაუხედნებს,
არავინ დამიხლიჩოსა,
ხოშარით გამოქცეული
ერთ მუხლად მივა ჭიჩოსა.

---
”დამიხლიჩოსა” - დამიკრიფოს.



ჯაბანი მინდოდაური გადაჰკიდებია ხოშარელ ქვრივ ქალს და მოსვენებას აღარ აძლევდა. ქვრივი თურმე უშლიდა, არ თანაუგრძნობდა, მაგრამ ჯაბანი თავისას არ იშლიდა.
ერთხელ ჯაბანს უთქვამს:
- ამაღამ შენთან უნდა მოვიდეო.
ქალი შეეხვეწა თურმე:
- სოფელში თავს ნუ მომჭრი, ნუ მოხვალო.
- არა, მოვალო! - უთქვამს ჯაბანს.
მაშინ ამ ქვრივ ქალს სოფლელებისთვის შეუჩივლია.
ხოშარელი ახალგაზრდები ჩაუსაფრდნენ თურმე ჯაბანს ქვრივის სახლთან და, შუაღამისას, მელასავით რომ მოიპარებოდა, დაიჭირეს. მოიტანეს ჯაჭვი და იქვე ტყემალზე მიაბეს: ხვალ ხალხს ვაჩვენოთო. წავიდნენ და ჯაბანი იქ დატოვეს ტყემალზე მიბმული.

ცალკე სირცხვილისა და ცალკე ხალხის შიშით, იმდენი იწია ჯაბანმა, რომ ტყემალი ძირიანად ამოგლიჯა და ასე, ზურგზე ტყემალმიბმული მივიდა ჭიჩოს, თავის სახლში.

მოკლედ, ძალიან მაგრები არიან ეს ჭიჩოვლები - ხან ერთიმეორეს ხოცავენ ნადირობისას, ხან ხინკალს ჰხაშვენ არაგვშია და ხან ზურგზე აკრული ტყემლის ნერგებით დაიარებიან!



ეგეთა ლეგენდარული სოფელი მეორე არ არის მთაჩია...



დავითო თეთრაულმა არ გაგვიგოს, თორო დაგვხოცს სუყველასა!.. ჭიჩოელები არიან თეთრაულები და...

ცოლი სჯობის თუ წაწალი
-----------------------------------
მეტოქე:
----------------
ცოლი სჯობის თუ წაწალი?
ჯაბანო,შენა გკითხაო.

ჯაბანი:
--------------
ცოლი სჯობია წაწალსა,
წაწალი ფეხზე მკიდაო,
წაწალს სჭირდება ფერობა,
ცოლს კი არასა ვკითხაო.


ჯაბანი და კაცობა
----------------------------
კაცობა:
------------
კაცობამ უთხრა ჯაბანსა,
მოდი ვიყიდოთ ბაკლაო!

ჯაბანი:
---------------
ჰო,შენმა გამარჯვებამა,
მაგისმეტ რაღა გვაკლაო?
ისეთს რად იტყვი,კაცობავ,
რაითაც ჩემს გულს დაჰკლაო;
ფეხზეით ქალმებ დაგცვივდა,
თავზე ქუდ აღარ გაკრაო.

არ კი გითხარი,ჯაბანო
-------------------------

თათარი:
------------
არ კი გითხარი,ჯაბანო,
მალედავ გაგტეხს თათარი!

ჯაბანი:
---------
მე რო გამტეხო,კაცი ვარ,
ჯერ ქვა გასტეხე საყდარი,
შაკონილ ჩამოგავლიეს,
უკან მოგდევდა ჩაფარი.
შვინდიანამდე არ ჩაგყვა
დედის ჩადებულ საგზალი.

ჩემთან გადმოხე,ჯაბანო!
---------------------------------

მეტოქე:
-------------

ჩემთან გადმოხე,ჯაბანო,
სალექსოდა ხარ განთქმული.

ჯაბანი:
---------
მე რა გამივა შენთანა,
დიდკაცადა ხარ გასული.
ერთ შენა'დ წოწკურაული,
მეორე_გურგენთ მაჩური,
მესამე სუმელჯაია
ახატულ-ჩამოხატული.

მეტოქე:
------------
რად არ კიდევაც დაგიკლავთ,
კუდა ხარ რო გყავთ შათქმული?

ჯაბანი:
---------
ჩვენ ხატ გან მათხოვარია,
რას არგებს ერთხელ დაკლული?...

***
პატარა თხოვნა გვაქვს გამრიგესთან:
გიორგი ანთაურის მასალებში მამა-შვილის კაფია ორჯერაა დადებული(ჩემი ბრალია).პირველ გვერდზე რომ არის,ის დარჩეს და ამოვიღოთ მეორე გვერდიდან.
...
წიწოთ კარატიელიც
ნიჭიერი მელექსეა.
ჩემი და ბობორიკის შუამდგომლობით
იქნებ შემოგვეშვა კაფიების "რინგზე."