ფრუშკა

ფრუშკა(მისი თიკუნია "ქოთილა") ძველი მსოფლიო ომის მონაწილე ყოფილა.ქალის სათხოვნელად სხვადასხვა ადგილას სასმლით(არაყით) დადიოდა...

...
დაიმეხე,ქოთილაო
---------------------------
მეტოქე:
--------------
დაიმეხე,ქოთილაო,
რთველში ქორწილს აპირობდი,
ბოთლით არაყს უზიდავდი,
ში გრამ აღარ დასწიროდი!?
მერე დაბრმა გარათ ქალი,
რაც შენ გადანაშვილობდი.

ფრუშკა:
--------------
სანაწეოს ვამზადებდი,
როცა არტანს ქორწილ იყო,
წამავალ ქალს რა დაიჭერს,
განა ფრუშკა ბორკილ იყო?
მე კი ცოლად მილოცავდნენ,
ქალ ჯაბლევში წასულიყო.

ფრუშკა და მეზობელი
----------------------------------
მეზობელი:
---------------
ჩემთან გადმოხე,ფრუშკაო,
ქალ მოგცე როგორც ეთერი.

ფრუშკა:
---------------
არ მინდა ეთერივითა,
ე ბეჩავ მამეც ჩემფერი.

მეზობელი:
------------------
შენ საჩეჩლების მკეთო ხარ,
ჩემ ქალ გექნება მჩეჩელი.

ფრუშკა:
---------------
რაში მჭირდება შენ ქალი,
ათასგან კვერცხის მდებელი.

მეზობელი:
-------------------
არც მოგათხოვებ,ფრუშკაო,
ყროლი ყოფილხარ,ბებერი.

ფრუშკა:
--------------
ხილი სჯობ დამწიფებული.
რადა ხარ შეუგნებელი.

სანათა wrote:

სიზუსტისათვის ეს მეზობელი სოფელ ლახატოელი მთელ ფშავში აღიარებული მოკაფიე გრუვ გიორგის სახელით ცნობილი გიორგი მგელიაშვილი იყო.

ქოთილა და ფრუშკა ალექსი წვეროშვილის თიკუნები იყო. ფრიად საინტერესოა და უნდა აღინიშნოს, რომ მოკაფიეების უდიდესი ნაწილი სწორედ თიკუნებით არიან ცნობილი, მათი გვარსახელები დავიწყებულია და ხშირად საკვლევიც კი ხდება, როგორც მერცხალა
შემთხვევაში.

რა თქმა უნდა,მწერლობაშიც გექნებათ შემჩნეული ამგვარი რამ:
ყოველ ნაბიჯზე წააწყდებით მოსწავლეებს(და არამარტო მოსწავლეებს),რომლებმაც არ იციან,რომ ვაჟა-ფშაველა ლუკა რაზიკაშვილის ფსევდონიმია.
...
ხშირია შემთხვევები,როცა "ვაჟა_ფშაველას" ტირეს გარეშე წერენ.თვითონ პოეტი ტირეთი წერდა.ტირეს მეშვეობით ორი სიტყვა_"ვაჟა" და "ფშაველა"_ ერთ ცნებად აღიქმება.

ფრუშკა ბუჭყინტელებს
-----------------------------
თქვენი ბუჭყინიტა შერცხვეს,
კიდებულა კირჩხაზედა.
ჩვენი სოფლიონივა სჯობ,
რო ვიფიქროთ სიტყვაზედა;
კარგებ კარისპირებ გვიწყვავ,
კოდ გამოდის ლიტრაზედა.


ფრუშკას ნათქვამი
--------------------------
სამ დღესა ხდიდნენ არაყსა,
ადენდიან წანწკარასა,
შავიარ-გავიაროდი,_
ბარაქა თქვენს ქარხანასა.
_მაგ ალექსის რაღა ავლევს,
რად გვიფუჭებს მაგ შარასა.
მე რო შუშანიკა ვიყო,
ჩაუდებდი ავშარასა;
სულ ჭენებით შავავლევდი
მაგ სოფლივნის წყალ-ჭალასა.

იმას ამბობს ქოთილაო
---------------------------
იმას ამბობს ქოთილაო,
მამიტანეს ქობთ ქირაო,
დავლიე და გადმოვღვარე,
სხლის არაყი ყოფილაო.
მაგის გამამხდელი დავწვი,
მაგან გამაცოდვილაო!

ფრუშკა მეზობელ ქალს
--------------------------
გაგიცვდა,შუშან ქალაო,
წითელ კაბაის ბრიალი,
კოჭამდე თეთრი ჩიქილა,
ბოლომდე ხოხბის თვლიანი,
ლხინ-ქორწილებში სირბილი,
თითის წვერებზე ტრიალი.

ფრუშკა და ყრუვ გიორგი

ფრუშკა:
არ მაქვის საწერ–კალამი,
არ ვაღლევინებ მაჯასა,
მაგრამ არ დაუვარდები
რაზიკაშვილსა ვაჟასა.

ყრუვ გიორგი:
ტყუილად მაჰკვეხ,ფრუშკაო,
იხრინწიანებ ხმასაო,
მოლექსეობას იჩემებ,
ლამაზი სიტყვის თქმასაო.
მოლექსე ისეთი უნდა,
ვაჟა რო ჰყვანდა მთასაო,
ჩარგალში სიტყვას იტყოდა,
ქალაქს აწვდენდა ხმასაო.
მოდი, დაეხსენ ფრუშკაო,
მოდი, ნუ იგდებ თავსაო.



ფ.წვეროშილმა(ფრუშკამ)_
------------------------------------
გ.ტურაიშვილს
-----------------------

გადიდდა ტურაიშვილი,
სწორი გზა ჰგონავ მრუდია,
მხარზე ყაბალახ გადიგდო,
ფასოის ოცდახუთია,
ქამარ-ხანჯალი ვერცხლისა,
თავზე კალმუხის ქუდია.
ახლა სიმართლეს ვიუბნებ,
ტყუილს რო ვამბობ,ცუდია.
შახვიდე მაგის სახლშია,
ბებერეების ბუდია,
დაიწყებს ჭექა-ქუხილსა,
დასწვიმს,დადგება გუბია.

...
ბებერეები_აბლაბუდები.