ხოხა

სანათა -

ხოხა - ხოხა ხადილაშვილი ივრის ფშავის სოფელ ხაიშოდან.



ხოხა ხადილაშვილი ცხოვრობდა ივრის ხეობის სოფელ ხაიშოში. ხაიშოდან სოფელ ხევისჭალაში გადასახლებულა და იქ გარდაცვლილა.

ხოხა ძალიან ღარიბი კაცი ყოფილა. ამიტომაც ქურდობდა თურმე. ერთხელ ხარები მოუპარავს, რისთვისაც ციხეშიც მჯდარა. მოკაფიავეები ხშირად აყვედრიდნენ ამას.

აი, როგორია ნამდვილი ფშაური კაფია:

უცნობი ფშაველი და ხოხა

- ჩემიმც ძაღლი გქნა, ხოხაო,
დამები ბაკის ახლოსა,
რა ყეფა მოგწყინდებოდა,
შამინახავდი საქონსა,
სამ დღეში ერთხელ გაჭმევდი,
ცივ წყალსა'დ ასლის ქატოსა.

- ერთხელ ხო დავზეზდებოდი,
ცოლს დავუგლეჯდი პატრონსა.

აქ დამთავრდა ეს კაფიობა, ხოხამ მოუგო. ის უცნობი ფშაველი თუ კიდევ გააგრძელებდა, დასცინებდა ხალხი - კაფია არ სცოდნიაო.
ასევე არ შეიძლება კაფიაში მოპირდაპირის მიერ შემოთავაზებული რითმაზე სხვა რითმებით პასუხი და არც მოწინააღმდეგის რითმის გამეორება.

არგანი -

აქ ხოხას პასუხი ცოტა უფრო "ბასრია". ნუ დავუკარგავთ სიმძაფრეს, ან მივანიშნოთ თუ რა იგულისხმა ხოხამ "დაგლეჯაში".

ჰო, არგანო - ძაღლი რო დაგლეჯს, მარტო ეგ არა.
მიმხვედრი კი უნდა მიჰხვდესა...

დიდი ოხერა ენა ჰქონია აემ ხოხასა - არ გინდოდა ამ პასუხის ჯერ მოფიქრება, ახლა სწორად თქმა. სულ ორი სტრიქონით დაუმთავრა მთელი იმხელა კაფია!

ხოხა_ნადირას
---------------
შე ავი საქმის მოქმედო,
ცოდვა წინ შემოგეყარა,
თუ შენ არ იყავ ბოზ-ქურდი,
ეგ თვალ რად გამოგეთხარა?
მაკრატელ გამოფრენილი
თვალში რად წამოგეჩარა?
შენ რაღა ბედენა იყავ,
სულ ცხვარსა ჰპარსავს ქვეყანა!

ხოხამ არ იცის სირცხვილი
----------------------------
მეტოქე:
----------
დაუსეტყვიხარ,ბიძაო,
დაუმტვრევავის ცხვირ-პირი.

ხოხა:
-------
სუ ეგრე სეტყვავს ბიძასა,
მაგრამ არა ჰკლავს შიმშილი.

მეტოქე:
----------
ჩემთან წამოდი,ბიძაო,
კარზე მიბრუნავს წისქვილი.

ხოხა:
-------
ზე სიძეთ შემოგეყრები,
ხოხამ არ იცის სირცხვილი.

ხოხა და ფრუშკა--------------------
ფრუშკა:
---------
მოვალის წვეროთ ფრუშკაი,
მოაქვის ფეხის ჩქამიო.

ხოხა:
-------
დაგხვდება ხადილაშვილი,
როგორც გალესილ ხმალიო.

ფრუშკა:
----------
დაგატრიალებს ფრუშკაი,
როგორც ფრთე-ბორბალს წყალიო.

ხოხა:
--------
მენაც პირობას გადმოვყრი,
რო წაღმა-უკუღმ ქარიო.

ხოხა და თევდორე
---------------------
ხოხა

შინ წასვლა ხვარა გწადიან,
თევდორე,რასა სწუხდები?

თევდორე

მწადიან,წავალ კიდევაც,
თუ იორს გადავურჩები.

ხოხა

ეგებ დაგლიოს იორმა,
მე დამრჩეს შენი კუბჩები.

თევდორე

კუბჩებს ვერ შეუფერებენ,
ხოხავ,შენფერა ქურდები.

ხოხა

ე მაგ ქამარსაც მოგპარავ,
თუ ჩემ ღმერთს გადავუდგები.

თევდორე

წავალ,გიჩივლებ სუდშია,
ციმბირს ვერ გადაურჩები.

ხოხა

მე იქ რა გამიჭირდება,
ძმობილები მყავ რუსები.

...
კუბჩები_ნასყიდობის საბუთი.