გელა კორძაძე

გელა კორძაძე - ერთი მსახიობის თეატრი
,,არც ისეთი ვარ შენ რომ გგონია - ვთამაშობ!" - ციტატა მისი სიტყვებიდან.

ჯანდაბას ჭაობის ლაფი და სიმყრალე,
ავყევი ცხოვრების გრიგალს და ქარაშოტს
უკვე ყველაფერი მკიდია ფეხებზე,
ყველა როლს ვირგებ და ყველა როლს ვთამაშობ...
არ მჯერა მადლის და ქვის და მისთანების
სიყალბის სასახლეს მივადგი ხარაჩო,
ვთამაშობ ბედნიერს, ვთამაშობ უბედურს,
ხან ჯანმრთელს და ხანაც ავადმყოფს ვთამაშობ.
ვთამაშობ ზესულელს უკვე მერამდენედ,
ყველა შეგონებას ვაცხადებ ბათილად,
მოთხოვნა არ არის ბაზარზე - ჭკვიანის,
თორემ ვითამაშებ ჭკვიანსაც ადვილად...
ვთამაშობ კეთილს და ვთამაშობ ბოროტს და
(ოცნებას არ ვაძლევ უფლებას - დამახრჩოს)
ვთამაშობ რაინდს და ვთამაშობ მშიშარას,
ვთამაშობ ღარიბს და მდიდარსაც ვთამაშობ!
ვიცი რაც მომელის ბოლო გასტროლებზე,
ამიტომ სცენაზე არ ვიწვევ პარტნიორს,
ხანდახან რომ მინდა სუფრასთან მიმიშვან,
გულზე მჯიღისცემით ვთამაშობ პატრიოტს...
მობრძანდით! ბილეთებს უფასოდ ვარიგებ,
კართან გადამხევი ქალებიც არ დგანან...
ჩემია პიესაც, დადგმაც და როლებიც
სუფლიორებად მყავს ღმერთი და სატანა!
- - - - - - - - - - - -- -- - -
შეგხვდი და სპეკტაკლი დამთავრდა მაშინვე,
დავხურავ ფარდებს და რამპებსაც ჩავაქრობ,
შენი სიყვარული ვეღარ ვითამაშე
და ახლა უშენოდ სიცოცხლეს ვთამაშობ...

მიყვარს ეს ლექსი, ვანელო

ნეკერ,თუ გაქვს მისი ლექსები დადე რა კიდევ,ასეთ ლექსებს მიმალავდი გოგო?

მომეწონა ძაან...

არ მითხრა ახლა ლიტ.გე-ზე ის ვანელი-ეს გეკოაო...

კი ჯალალ, ერთ-ერთი ვანელი გეკო იყო
მეტი აღარ მაქვს სამწუხაროდ, გელა ძირითადად ზეპირად თქმას ამჯობინებს და ხვეწნა-მუდარაც არ ჭრის იქნებ ბობოს დაუჯეროს და თვითონ დადოს რამე

ჩამოასხი
(ვუძღვნი ძმაკაცს)

რა შორიდან მოდის ერთად
ჩვენი გზა და თემშარა
ეჰ, რამდენი ბოროტება
თვალწინ გადაგვეშალა
ან რამდენჯერ დაგვიღვარეს
ცხოვრების წყლის მათარა,
დაგვცინოდნენ-სიყვარული
ასე რამ შეგაყვარათ?
ნიჭის ხარისხს არიგებდნენ
უნიჭოთა მამები,
სულ პირველნი მივდიოდით
და სულ ვაგვიანებდით.
ზოგ კაცს ბედი ზურგს აქცევს და
ზოგს ძაღლივით უმართლებს,
ჩვენ კი ძმაო ამ ბედ-იღბალს
ზურგიც ვერ დავუნახეთ!
თუმცა აწი სინანული
რა ჯანდაბას მოგვიტანს?
ჩამოასხი იმ ბოთლიდან
ჯიბეში რომ მოგიჩანს!
ჩამოასხი, სანამ შეგვრჩა
ნიჭი,ლექსის გარითმვის,
სანამ მიქელ-გაბრიელი
ესა-მესას გაგვითვლის!
ჩამოასხი, მთვრალი ვერ გრძნობს,
ამ ცხოვრების სიმყრალეს,
მიდი ძმაო დალიე და
მეც გადმომდე სიმთვრალე!

მაგარი ლექსია.. მოკითხვა კაი კაცს..