არმური Armuri
არმური
არმური Armuri
Would you like to react to this message? Create an account in a few clicks or log in to continue.
არმური Armuri

არმური - ლიტარენა, უფრო კი – ბიბლიოთეკა
Armuri - literary Arena, or library from Georgia (country)


Forum started: Sun 9 Nov 2008
 
HomeHome  PortalPortal  RegisterRegister  Log inLog in  

 

 მარიამ ხუცურაული

Go down 
Go to page : Previous  1, 2, 3, 4, 5, 6, 7, 8
AuthorMessage
Admin
Into Armury
Into Armury
Admin

Male
Number of posts : 5941
Registration date : 09.11.08

მარიამ ხუცურაული - Page 8 Empty
PostSubject: Re: მარიამ ხუცურაული   მარიამ ხუცურაული - Page 8 EmptyThu Mar 14, 2019 10:15 am

მარიამ ხუცურაული - Page 8 Sanata10

მარიამ ხუცურაული

სიმშვიდის ლექსი თათიას...

გამეღვიძება და მიწევხარ მხარმარცხნივ,
ფშვინვის ხმა ობობას ქსელივით მედება.
სარკმლიდან ნიავი უბერავს ნოტიო,
ჰა და ჰა თენდება.

სადღაცა, თავს უკან მიგდია ლიოსა. -
მახსოვს, შუასიქით ჩავნიშნე წუხელის...
წვიმა უჟაჟუნებს, რაღაცას (ძალიან) ახლობელს...
ჩამქრალა ღუმელი...

ბავშვებს სადილაო ნისლივით აბურავთ სიზმრები.
თაგვი ღრღნის მანსარდში, დამფრთხალი სიცივით.
ისეთი, ისეთი სავსე ვარ, პირთამდე...
ლამის გავუქშიო სიმშვიდეს - აბეზარ ჩიტივით!

2019, საბერძნეთი, კალამატა


study


Last edited by Admin on Tue Mar 10, 2020 1:50 pm; edited 1 time in total
Back to top Go down
https://armuri.georgianforum.com
Admin
Into Armury
Into Armury
Admin

Male
Number of posts : 5941
Registration date : 09.11.08

მარიამ ხუცურაული - Page 8 Empty
PostSubject: Re: მარიამ ხუცურაული   მარიამ ხუცურაული - Page 8 EmptySun Mar 17, 2019 8:16 pm

მარიამ ხუცურაული

***

ისევ საჩაიე ხმელი პიტნასავით მეფშვნები თითებში
ნატიფ ფაიფურზეც, უთხელეს სადაფზეც სათუთო,
თაფლკვერებს ჩვეული გემოს ჩაგაყოლებ მომლაშო ხმიადის,
თანაც მიმლაშდები, შენგან შორს დრო გადის რაც უფრო

სიზმრად გამიხშირდა ამ წყლის და ამ მიწის ფერები,
ყურში თოლიების ზღვიური მავიწყებს შაშვის ხმას,
რაც უფრო მშორდები დროშიც, შორეულო საუნჯევ,
ათასგზის მიყვარხარ, აბა, სხვა რა გითხრა?

ნატიფ ფაიფურზეც, უთხელეს სადაფზეც ფაქიზო,
შორით გეფერო და სულაც გადაგქარგო ლექსებით,
თვალს და გულს დღემუდამ თუმცა მაგნიტივით იზიდავ,
მაინც საჩაიე ხმელი პიტნასავით თითებში მეფშვნები...

2019, საბერძნეთი, კალამატა


study
Back to top Go down
https://armuri.georgianforum.com
Admin
Into Armury
Into Armury
Admin

Male
Number of posts : 5941
Registration date : 09.11.08

მარიამ ხუცურაული - Page 8 Empty
PostSubject: Re: მარიამ ხუცურაული   მარიამ ხუცურაული - Page 8 EmptyTue Apr 16, 2019 11:38 pm

მარიამ ხუცურაული

ბედისწევის დიდი იმედით
(წასულებისთვის და დარჩენილებისთვის)

ვისაც რა ჰქონდა -
ის ისაგზლა და იმემკვიდრა. იმზითვეს კიდეც,
აეყარნენ და იოწიოდ,
ცხრა მთისა და ცხრა ზღვის იქით გადაიკარგნენ.

ზოგს თუ გზამკვლევი ჰყავდა ვინმე,
ალალბედად და უმეგზუროდ კიდვ უფრო მეტმა იარა...
უგზოდ,
კლდე და კლდე,
საზღვრის გასწვრივ,
საბარგულში და ნავის ძირზე
ხშირად სუნთქვაგაჩერებულმა;
ტყეშიც ათიეს,
(თენებისხანს ერთმანეთი ზურგებით ათბეს)
რამდენმა,
ალბათ, - უსაბუთომ,
უფულომ და მთელი კვირის მშიერ-მწყურვალმა,
შიშის მალვით და ვიდრე იღბლით, უფრო ანდით,
ღამღამობით,
წვიმა-ქარში
მატარებლის ლიანდაგს სდია ქალაქამდე
(ან რაიმე დასახლებამდე) მისაღწევად -
როგორც ხსნამდე, გადარჩენამდე,
ერთი,
ან სულაც ერთადერთი -
ბედისწევის დიდი იმედით.

გადარჩენილებს, მიღწეულთ და იმედგაჩენილთ
საიმედომ და წინა კაცად არ ქცეულმა
თავისიანმა მიუხურა ცხვირწინ კარი,
ფულს ვინ ჩივის, სიტყვაც იძუნწა
და მშვიდადაც გააგრძელა ისევ ცხოვრება -
მორიგ ზარამდე ტელეფონის, კარის თუ გულის...
ამათ კიდევ, იმედის ხავსს ჩაფრენილებმა,
აქაური ოცნებები რაღაც დრომდე დაივიწყეს,
ღრმად მიაძინეს,
ძალიან ბევრი მოითმინეს,
გაიჭირვეს,
გაკლდევდნენ და...
მაინც გადარჩნენ.
ფეხზეც დადგნენ,
მოიპოვეს იქ ცხოვრების,
შრომისა და თავისუფლად სუნთქვის უფლება,
წინა კაცებად, გზამკვლევებად ექცნენ უკანათ.
მავანთ კიდევ, - გაბედეს და ბედსაც ეწივნენ!

ვისაც რა ჰქონდა -
ნიჭი, ჯანი, სილამაზე, მოხერხება, გაბედულება, - იმას ყიდდა.
აქ წამლისა თუ ბანკის ვალად
გაყიდული სახლის საყიდლად,
მავანთაგან წართმეული
თუ გულუბრყვილო უცოდინრობით
დაკარგული „ბიზნესების“ გამოსასყიდად,
ქმრის, ძმის თუ შვილის
ციხიდან და მტრის ხელიდან გამოსახსნელად...
ზოგნი, მადა რომ მოუვიდათ,
მერე ჭამაში, დარჩნენ უვადოდ, -
ზოგჯერ იქნება მეორ-მესამე
მანქანის და აგარაკის საჩუქებლად
შვილებისთვის,
რძლებისთვის და
სიძეებისთვის...
ვიღაცა იქნებ შვილების და შვილიშვილების
ყველაზე სუპერძიძებისთვის ხელფასების
ან სკოლებსა და სტუდიებში გადასახდელად...
მავანთ ოჯახიც გაიჩინეს
(აქ დარჩენილი ოჯახების უჩუმრად
და თვალისახვევით)
ნაირ-ნაირ მიზეზ-შედეგით.
- გაბედე ერთი და გაამტყუნე!
გაბედე და ქვას დაწეოდე,
განიკითხე - თემიდად ექეც!

უშენოდაც ხომ
თავის ბრალად მიითვალეს:
თუ რამ გაფუჭდა,
რაც ვერ გაკეთა,
რაც უმათოდ ვერ გამოვიდა;
შვილებისა და
მშობლების თუ მეუღლეების
უამათო ყოველი დღის გათენება და დაღამება,
შვილის პირველად, პირველ კლასში ვერ გაშვება,
დედის და მამის საფლავამდე ვერ მიცილება,
ოჯახის დაშლა,
ყველა „ვერ“ და
ყველა „არ“...

გაბედე, აბა, გაამტყუნე,
ვისაც მათ ფიქრში,
მათ ყოყმანში,
მათ ტკივლში,
მათ ცრემლსა და
მათ ნატვრაში არ გიცხოვრია...

შენ, ალბათ, არც ის გიფიქრია,
ვერც წარმოიდგენ,
სხვაზე მეტად ბედსწეულს და
წელშიგამართულს,
ყველაზე ნედლსაც,
გინდ ყველაზე გაუცხოებულს,
ყველა სხვა გზაზე მეტად მაინც
სააქეთო გზა რომ იზიდავს...
ყველაზე ლამაზ ოცნებებში და
ყველაზე მშვიდ სიზმრებში
თავს იქ ხედავენ,
სადაც პირველად სიტყვა თქვეს და ფეხი აიდგეს.
რადაგან ფაქტია,
(პათეტიკა რა შუაშია)
მაინც ის მზეა ყველა მზეზე ცეცხლისფერი,
ის ზეცაა ყველაზე ლურჯი,
ის წყალია ყველა წყალზე დამრწყულებელი,
ის მიწაა დედამიწა,
ქართული რომ ჰქვია სახელად.

2019

study
Back to top Go down
https://armuri.georgianforum.com
Admin
Into Armury
Into Armury
Admin

Male
Number of posts : 5941
Registration date : 09.11.08

მარიამ ხუცურაული - Page 8 Empty
PostSubject: Re: მარიამ ხუცურაული   მარიამ ხუცურაული - Page 8 EmptyFri Nov 15, 2019 11:21 am

მარიამ ხუცურაული

ყვავის კაკალი
(წესების ლექსი)

ქარს გავეჯიბრე ქროლაში და შევისხი ფრთები -
ნისლის თავშლები ახვევიათ კარწინ ძახველებს,
რა მიხარია ასე ცა-ხმელს შუა გახერილს,
თუ მკთხავ, ალბათ, ათას მიზეზს დაგისახელებ.
ჩამოიმარცჳლა ცით სევდა და სულში დაგუბდა,
არაგვის ჩქერში ყელყელაობს მთვარე ნამგალა,
მთის წვერს შეწვდენის მეოცნებე მოლაღურები
ასკილის ტოტზე ჩამომსხდარან ორ თუ სამგანა.
მოიხალიჩებს ნოემბერი ჭრელ-ჭრულა ფოთლებს
აწოწილ წიფლებს და ნეკერჩხლებს შემოძარცვულებს,
ზამთრის სიზმრებში შეაცილებს დათრთვილულ მინდვრებს
და წეროების სამკუთხედებს ცაზე გაკრულებს.
წესის დამდგენი ჩამოუვლის ცასა და ხმელეთს,
არ გამოარჩევს სათვალიოს, უფრო ხიბლიანს,
საგაზაფხულოდ შეახსენებს ძველისძველ ცოდნას -
თესლიდან ისევ თესალამდე რომ გზას გაივლიან...
რომ ფრინველთაგან ზოგი ფრენს და ზოგი დაგოგავს,
ზოგს მეფეც ჰქვია - უფრო გოროზს, უფრო იღბლიანს
და იმავ წესით - ხეზე მათთვის დარჩენილ კაკალს,
გადაიფრენენ ყვავები და გადაითვლიან.

ქარს გავეჯიბრე ქროლაში და ვნახე სამყარო...

2019

study
Back to top Go down
https://armuri.georgianforum.com
Admin
Into Armury
Into Armury
Admin

Male
Number of posts : 5941
Registration date : 09.11.08

მარიამ ხუცურაული - Page 8 Empty
PostSubject: Re: მარიამ ხუცურაული   მარიამ ხუცურაული - Page 8 EmptyWed Jan 15, 2020 9:56 am

მარიამ ხუცურაული

კლდის წვერისკენ წადი, მედეა...
(ციკლიდან „უცხოობაში რაა სიამე?“)

შენსათვალიოდ ფაზისისკენ არ ფრენს მერცხალიც,
არც სიო მოჰქრის კოლხური და შენს ცეცხლს აციებს.
სწორია შენი განაჩენი, კლდის წვერისკენ წადი, მედეა,
ზღვამ რომც დაგინდოს, მამაშენი არ გაპატიებს...

გაიწირები, როგორც ერთხელ შენგან კოლხეთი,
ცის ქვეშ ერთგული არ დაგრჩება ძეხორციელი,
ვინ დაგწყევლა და გაგიმეტა, სიყვარულისთვის
სასჯელი გედოს მოღალატის, გადამთიელის.

ვერ აპატიებ, უცხოსკენ თუ გაექცა თვალი,
სიყვარული თუ სიგიჟეზეც ბევრჯერ მეტია;
არ დაგინდობენ, ნაკვალევზე ცეცხლს დაგინთებენ,
კორინთოდან რომ წახვალ, მედეა!

არც ეგეოსი შეგიყვარებს, განზრახული უნდა აღსრულდეს,
ვერც ვინმემ ზიდოს, რაც შენ შეძელი...
გრძნეულიცა ხარ, ლამაზიც ხარ, კეთილშობილიც,
უნაკლო ხარ და ნაკლიანი -
არ ხარ ბერძენი!

2019

study
Back to top Go down
https://armuri.georgianforum.com
Admin
Into Armury
Into Armury
Admin

Male
Number of posts : 5941
Registration date : 09.11.08

მარიამ ხუცურაული - Page 8 Empty
PostSubject: Re: მარიამ ხუცურაული   მარიამ ხუცურაული - Page 8 EmptySat Feb 01, 2020 3:34 pm

მარიამ ხუცურაული

თოვლი მოსულაო

ქათქათა ფარჩა და დარაია
ჩააცვა ივრის პირს ნაყანარებს,
ნეტავ, თუ იქნება ისეთი დრო,
მე რომ თოვა აღარ გამახარებს?!
ბალღივით რომ აღარ დაგაფეთებ,
თოვლი მოსულაო, თენებამდე,
და არც კი გამკენწლავს გულისგულში -
მეც ერთ საცდურად რომ შეგემატე...
რომ არ მაგუნდავებ ჭალა-ჭალა,
თითებს არ გამითბობ ცხელი სუნთქვით,
არ ამეფარები ივრის მხრიდან,
რომ წამობუქავს და წამოუქრის.
აღარ მასრიალებ ფერდობზე და
აღარც წაჩოქებულს ჩამიხუტებ.
სველ წინდებს რომ აღარ ჩამოვაშრობ
ბუხარს მიმარჯვებულ სკამის ზურგზე.
წამო, გაგვჭორონ და გვაქილიკონ
ჩვენი გაბავშვებით მწუხარებმა
წამო, აღმა-აღმა სიონისკენ
ვკვალოთ უნაბიჯო მდუმარება.
ვთქვათ, რომ ტკივილები უჯეროა,
ნატვრებს დავაწყვიტოთ საბელები,
კალოებზე, როგორც ხელისგულზე,
ვწეროთ ერთმანეთის სახელები.
ცისპირს გადააბა მიწისპირი
ფიფქის აშიბული წნულებითა
წამო, მოფრთხიალე მოლაღური
ვიდრე გაგვიფრინდა გულებიდან.

2020

study
Back to top Go down
https://armuri.georgianforum.com
Admin
Into Armury
Into Armury
Admin

Male
Number of posts : 5941
Registration date : 09.11.08

მარიამ ხუცურაული - Page 8 Empty
PostSubject: Re: მარიამ ხუცურაული   მარიამ ხუცურაული - Page 8 EmptyTue Mar 03, 2020 11:29 am

მარიამ ხუცურაული

***
მწიფან გაგიჟებით ალუბლები,
იორს მზე დანათის თიბათვისა,
რატომ მენატრები გამუდმებით,
ან შენ რად მიხსენებ შორს და სხვისას?
ან რატომ მოშალე ძველი გზები,
გულისპირს ოცნებად მიქარგულო.
ათას მიზეზს რატომ იმიზეზებ,
რომ სადმე შემთხვევით მინახულო?
მადროვე, ალუბლისფერ გათენებით
იალონს პირიმზესთან ვიზაფხულო...

2020

study


Last edited by Admin on Sat Jun 27, 2020 7:18 pm; edited 2 times in total
Back to top Go down
https://armuri.georgianforum.com
Admin
Into Armury
Into Armury
Admin

Male
Number of posts : 5941
Registration date : 09.11.08

მარიამ ხუცურაული - Page 8 Empty
PostSubject: Re: მარიამ ხუცურაული   მარიამ ხუცურაული - Page 8 EmptyTue Mar 10, 2020 1:44 pm

მარიამ ხუცურაული

მარტი - მარიკა...

ისევ სიზმარი მგონია, გითხრა,
დაუჯერებლად კარგი სიზმარი,
შენგან ნათქვამი ორიოდ სიტყვა:
- კმარა, რაც დღემდე სხვაგან იყავი...
გაყუჩდებოდა ყველა ტკივილი,
გავგიჟდებოდი მარტში სხვარიგად,
რომ მქონდეს თუნდაც ციცქნა იმედი -
დამიყვავებ და შენთან წამიყვან.
ყველას ამიხდენ, რაც დრომ წამართვა
და ოცნებებად ქარში არიგა.
მაინც სიზმარი მგონია, გითხრა,
- კმარა, რაც დღემდე ჩემთან არ იყავ...

გული, სულელი, უსტვენს შაშვივით:
მარტი - მარიკა, მარტი - მარიკა!

2020 წლის მარტი


study
Back to top Go down
https://armuri.georgianforum.com
Admin
Into Armury
Into Armury
Admin

Male
Number of posts : 5941
Registration date : 09.11.08

მარიამ ხუცურაული - Page 8 Empty
PostSubject: Re: მარიამ ხუცურაული   მარიამ ხუცურაული - Page 8 EmptyTue Apr 14, 2020 1:14 am



ერწოს გზაზე
© მარიამ ხუცურაული, 2008

On the Way of Ertso-Tianeti Region of Georgia
(A poem by Mariam Khutsurauli)
This clip is made with:

© Mariam Khutsurauli, Tbilisi, Georgia, 2008


study
Back to top Go down
https://armuri.georgianforum.com
Admin
Into Armury
Into Armury
Admin

Male
Number of posts : 5941
Registration date : 09.11.08

მარიამ ხუცურაული - Page 8 Empty
PostSubject: Re: მარიამ ხუცურაული   მარიამ ხუცურაული - Page 8 EmptySat Jun 27, 2020 7:19 pm

მარიამ ხუცურაული

მათურას თქმული

აქ გათენდეს, არ ვინატრებ
გათენებას სხვა დილისას.
შენ მხარზე რომ თავს ჩამოვდებ,
სუნი მცემდეს სათიბისა.
მეშინოდეს უშენობის.
როგორც მშიერ ნადირისა.
გზაზე დამდგარს გილოცავდე,
არ გინდოდეს სხვა თილისმა.
არც რა მქონდეს საწადელი,
გარდა შენი წადილისა.
გაგირბოდე, მომყვებოდეს
ექო შენი ქადილისა.
კაბაჭრელზე ლექსად წამწვდეს
ეკალივით ასკილისა...
აქ გათენდეს, არ ვინატრებ,
გათენებას სხვა დილისას...

2020

study
Back to top Go down
https://armuri.georgianforum.com
Sponsored content




მარიამ ხუცურაული - Page 8 Empty
PostSubject: Re: მარიამ ხუცურაული   მარიამ ხუცურაული - Page 8 Empty

Back to top Go down
 
მარიამ ხუცურაული
Back to top 
Page 8 of 8Go to page : Previous  1, 2, 3, 4, 5, 6, 7, 8

Permissions in this forum:You cannot reply to topics in this forum
არმური Armuri :: მთქმელი და გამგონებელი (ავტორები და ტექსტები) :: პოეტების ქვეყანა-
Jump to: