ბაჩანა ჩაბრაძე

პიკის საათი - „მე ბევრი ვარ. თხუთმეტი პოეტი ქალი“
19.02.2021



წყარო: https://1tv.ge/audio/pikis-saati-me-bevri-var-tkhutmeti-poeti-qali/

8 მარტიდან, პარიზის წიგნის მაღაზიებში, ბაჩანა ჩაბრაძის მიერ ფრანგულად ნათარგმნი კრებული გამოჩნდება. „მე ბევრი ვარ. თხუთმეტი ქართველი პოეტი ქალი / Je suis nombreuses. Quinze poètes géorgiennes“ – ასე ჰქვია ანთოლოგიას, რომელიც 15 თანამედროვე ქართველი პოეტი ქალის შემოქმედებას და ბიოგრაფიას აერთიანებს.

სიუჟეტში გამოყენებულია ამონარიდები კრებულებიდან: ლელა ცუცქირიძის „ამბავი ნაადრევად გაყვითლებული ხეებისა“, ლია ლიქოკელის „გოგოობის კანონი“, ელა გოჩიაშვილის „წესრიგი“, მარიამ წიკლაურის „მდინარე“, ლელა სამნიაშვილის „ქალი-პოეტი“, ნინო სადღობელაშვილის „დაბერდა დედაჩემი“, ეკა ქევანიშვილის „ერთხელ, ეკა ქევანიშვილმა“, ირმა შიოლაშვილის „კაბა“, კატო ჯავახიშვილის „მეზობელი“, რუსუდან კაიშაურის „ქალი-მაგიდა“, თეა თოფურიას „იმ უცნაური ჯვრისწერის შემდეგ“, ლია სტურუას „ზღვაზე ვფიქრობ“, მაია სარიშვილის „ასეც შეიძლება მოხდეს“, დიანა ანფიმიადის „კლიტემნესტრა“, ნატო ინგოროყვას „ქალებს“.

რესპონდენტი: ბაჩანა ჩაბრაძე – მთარგმნელი, პოეტი.
ავტორი: ელენე ტუშური.
პროდიუსერი: ეკა ტალახაძე.

რუსთავი 2 - "მე ბევრი ვარ", ქართველი ქალების პირველი ფრანგული კრებული
26-02-2021



წყარო: https://rustavi2.ge/ka/news/191562

8 მარტს ფრანგულენოვანი ქვეყნებისთვის ქართველი პოეტი ქალების პირველი კრებული გამოვა. "მე ბევრი ვარ" - ანთოლოგიაში თავმოყრილია 15 პოეტის ლექსები ქალის თემაზე, მათ ყოფაზე, გამოძახილზე, სიხარულსა, თუ სირთულეებზე. პროექტი კულტურის სამინისტროს "ცოცხალი წიგნების" და მწერალთა სახლის ხელშეწყობით მომზადდა და კრებული ფრანგულად ბაჩანა ჩაბრაძემ თარგმნა.
ანთოლოგიაში შევიდა ლია სტურუას, მაია სარიშვილის, ელა გოჩიაშვილის, რუსუდან კაიშაურის, დიანა ანფიმიადის, ეკა ქევანიშვილის, ლია ლიქოკელის, ლელა ცუცქირიძის, ირმა შიოლაშვილის, კატო ჯავახიშვილის, ლელა სამნიაშვილის, მარიამ წიკლაურის, ნატო ინგოროყვას, ნინო სადღობელაშვილისა და თეა თოფურიას ლექსები და ბიოგრაფიები (120 გვ. 63 ლექსი).
წიგნი საფრანგეთში, ბელგიაში, შვეიცარიასა და კანადაში გაიყიდება.
სიუჟეტის ავტორი: სალომე თარხნიშვილი.