კითხულობენ პოეტები

კითხულობენ პოეტები
მიხო მოსულიშვილის პროექტი
(ვიდეო-ლექსები პრინციპით: „ერთი პოეტი - ერთი ლექსი“)
თბილისი, 2020

Poets Readings
The project by Mikho Mosulishvili, with the principle: 'One poet - One poem'.
Tbilisi, Georgia, 2020


შინაარსი მიხო მოსულიშვილის პროექტისა: „კითხულობენ პოეტები“

1. ოთარ ჭილაძე - გამოთხოვება (ქ. ლ.)
2. ცირა ყურაშვილი - მიქაელ მთავარანგელოზის სადიდებელი
3. ირმა შიოლაშვილი - იანო...
4. მარიამ ხუცურაული - ჩაიარე და დღე წაიყოლე
5. ეკა კვიციანი - ბაილ!
6. ერეკლე საღლიანი - როდესაც სვანი ახსენებს უშბას...
7. ნუციკო დეკანოზიშვილი - მოგესალმები, მარია
8. მარიამ წიკლაური - სოფელი სოფელს ეძახის
9. ნინო სადღობელაშვილი - მღვრიე გულის საგალობელი
10. ტარიელ ხარხელაური - ცოცხალ მკვდრებივით დაყრილან...
11. ლელა გაბური - ყამარის ლექსი
12. რენე კალანდია - პრელჲუდია
13. ელა გოჩიაშვილი - გაჩერებაზე
14. ეთერ თათარაიძე - ლურჯ მთებს ხატავ... (თენგიზ მირზაშვილს)
15. ბელა ჩეკურიშვილი - მოვუხმობ ავდარს
16. ია სულაბერიძე - მე და შენ
17. ნატო ინგოროყვა - სიფხიზლისა და ძილის
18. ლალი გულისაშვილი - დედის ანდერძი
19. ბათუ დანელია - მთაწმინდის წერილი მეტეხს
20. ნინო დარბაისელი - კალასი
21. ვახტანგ ღლონტი - ბათუმი
22. კატო ჯავახიშვილი - სიკეთე
23. ცირა ბარბაქაძე - საშემოდგომო განწყობილება
24. ვახტანგ ჯავახაძე - ტრიალებდა, ტრიალებდა, ტრიალებდა კარუსელი...
25. ტარიელ ჭანტურია - ძვირფასი სახელები
26. მურმან ლებანიძე - ეპილოგი პოემისა „ანისის აღება“
27. ზეზვა მედულაშვილი - ადგილის დედის მონატრება
28. მაიკო მიქაია - შურიმშინე
29. დავით წერედიანი - პირმზითი
30. გალაკტიონ ტაბიძე - განიახლე, განიახლე!
31. პაოლო იაშვილი -- მაგიდა - ჩემი პარნასი
32. ნინო ნადირაძე - რა ჩაიფიქრე ადამიანში...
33. არჩილ სულაკაური - მე დავბრუნდები
34. კონსტანტინე გამსახურდია - ზღვისფერი გაქვს თვალები
35. ნატა ვარადა - საფრთხობელების დანახშირება
36. ბესიკ ხარანაული - ყარყატი
37. ელგუჯა მარღია - დოქის და ჩიტის რობაი
38. გაგა ნახუცრიშვილი - ბიჭვინთა
39. ბაღათერ არაბული - ძილუა და ქისტები
40. მორის ფოცხიშვილი - ნადირობა
41. ანა კალანდაძე - ბროლს მოამსხვრევს თეთრახევა
42. მიხო მოსულიშვილი - ქუჩის აკორდეონისტი ჰოლბაინსტეგზე
43. ნინო ქუთათელაძე - მე შენ მოგიტაცებ
44. ანზორ აბულაშვილი - მახარობელი
45. ირაკლი ლომოური - მოგზაურობა
46. ჯარჯი ფხოველი - თუშური სიმღერები
47. მანანა ჩიტიშვილი - რანაირი გაზაფხული მოვა
48. სოფიკო ტყეშელაშვილი - სულში სიმშვიდის ხნულებს ვავლებდი...
49. ბაჩანა ჩაბრაძე - ამაოება ამაოებათა
50. გურამ ოდიშარია - ...ღამის ორი საათი, სოხუმი...
51. მაგდა კოტრიკაძე - აყეფდებიან იასამნები...
52. ზვიად გამსახურდია - უძღები შვილი
53. ზურაბ რთველიაშვილი - მე ვარ ვენახი
54. ომარ თურმანაული - გვირილა
55. ნუგზარ ზაზანაშვილი - მენატრება მონატრება
56. თამარ ერისთავი - მაიკო ორბელიანის წერილებიდან
57. რუსუდან კაიშაური - ქალი-მაგიდა


ბმული:
* https://www.youtube.com/playlist?list=PLNtIzBUuDDHgkUa3gucxQb8dp8zXPHZu0

პაოლო იაშვილი -- მაგიდა - ჩემი პარნასი
•Aug 8, 2020


მაგიდა - ჩემი პარნასი
პაოლო იაშვილი
(კითხულობს ავტორი)
ვიდეო - მიხო მოსულიშვილის, 2020

***

პაოლო იაშვილი

მაგიდა - ჩემი პარნასი

თითქოს უბრალოდ მე ვწერდე წერილს,
ქაღალდზე მარდად დაჰქრიან თითები,
და როგორც შუქზე მოფრენა მწერის,
ისე მსუბუქად მოცურდნენ რითმები.

მარცვლების ძებნას დაიწყებს ცერი.
აავსებს წერილს წუხანდელ ცის დარდი.
და მღერის, მღერის კალამის წვერი,
კალამის წვერი - ბულბულის ნისკარტი.

მაგიდას - პარნასს ყვითელი მტვერი
მზის ოქროს წვერი ხვრელიდან ესობა,
და პოეტს ზარმაცს - წასვლია ფერი,
ოქროს მტვერი რომ გაუჩნდა მეზობლად.

შრიალა ნარმას*, წერით დასერილს
დაეცა მართლა ყვითელი მზის ვარდი,
და ელის კარნახს კალამის წვერი,
კალამის წვერი - ბულბულის ნისკარტი.

სხტეში** ყარანა*** - ყანებში წყერი,
ხეები ბევრი, სერი და ამინდი;
მძიმე გაფრენა შვადღეზე ძერის
ნაჭედი მთები მოოქრულ კრამიტით.

დიკის და ქერის ყოველი ღერი
მეძახის, მივალ, მივრბივარ, ვისწრაფი
და აღარ მღერის, კალამის წვერი
კალამის წვერი - ბულბულის ნისკარტი.

1932

---
* ნარმა - ბამბის ქსოვილი, უხეში მიტკალი.
** სხტე - „სხრტე - ნედლნი ხენი, რომელიმე გარდადრეცილი, რომელიმე ნახევარ-კვეთილი, გარზღუდედ მოვლებული, რტო ამონახეთქი ჴშირად სიმაგრისათვის“ -- სულხან საბა ორბელიანი „ლექსიკონი ქართული“ (სხრტე არს ნედლი ხე. ნახევარზე კვეთილი, წაქცევით ზღუდედ მოივლოს; ნედლი ხე, ნახევარზე ჭრილი, წაქცევით გარმოზღუდვილი).
*** ყარანა - ყვითელმუცელა (ლათ. Phylloscopus), ფრინველთა გვარი ყარანასებრთა ოჯახისა.

***
The writing table is my Parnassus
The verse by Paolo Iashvili (in Georgian)
This clip is made with: 'Czardas' by Vittorio Monti.
This clip made by Mikho Mosulishvili, Tbilisi, Georgia, 2020

ბმული:
* https://youtu.be/FBu1WXzrcUA

ოთარ ჭილაძე - გამოთხოვება (ქ. ლ.)
•Apr 28, 2020

გამოთხოვება
ქ. ლ.
ოთარ ჭილაძე, 1966
(კითხულობს ავტორი)
ნახატი - მიხო მოსულიშვილის, 2019

The Farewell
A verse by Otar Chiladze (in Georgian), 1966
With graphics by Mikho Mosulishvili, 2019
This clip is made with: 'Dance Me to the End of Love de Leonard Cohen' by Alexandre Da Costa (Instrumental).
This clip made by Mikho Mosulishvili, Tbilisi, Georgia, 2020

ანა კალანდაძე - ბროლს მოამსხვრევს თეთრახევა
•Sep 9, 2020

ბროლს მოამსხვრევს თეთრახევა
ანა კალანდაძე
(კითხულობს ავტორი)
ვიდეო - მიხო მოსულიშვილის, 2020

***

ანა კალანდაძე

ბროლს მოამსხვრევს თეთრახევა

ბროლს მოამსხვრევს თეთრახევა,
ბროლს მოამსხვრევს ბროლიანსა,
შხეფს შეაფრქვევს ვარდკაჭკაჭას,
ლამაზს, ცისფერთოლიანსა...
- წამო ჩემთან!
- უკაცრავად,
ვერ გაგყვები ცოლიანსა!..
ესალმება ფხოვის ტყეებს,
ტყეებს მწვანე მოლიანსა,
დაჯირას და უკადრისას,
სატყრობელას ჭორიანსა...
არაგვისკენ გზას მიიკვლევს,
გზას ძალიან შორიანსა.

***
The Tetrakheva River crushes quartz
The verse by Ana Kalandadze (in Georgian)
This clip is made with: Mozart - Turkish March by Ivy String Quartet.
This clip made by Mikho Mosulishvili, Tbilisi, Georgia, 2020

ბმული:
* https://youtu.be/zIKqsez3wq0

ჯარჯი ფხოველი - თუშური სიმღერები
•Oct 11, 2020

თუშური სიმღერები
ჯარჯი ფხოველი
(კითხულობს ავტორი)
ვიდეო - მიხო მოსულიშვილის, 2020

***
ჯარჯი ფხოველი

თუშური სიმღერები

ნანული აზიკურს

შავეთის გზიდან დაგაბრუნებს, ისევ აქა ხარ.

გახსოვს: მღეროდნენ თუშის ქალები,
დაუბრუნებელ ქმრებზე მღეროდნენ,
საკუთარ სისხლის გუბეებში ჩაყინულებზე.

ქმრები კი იწვნენ სალეკოს ყელში,
ქმრებს ბახტრიონის კართან ეძინათ
და ტანზე ყორნის ფრთები ეფარათ.

და ეს სიმღერა მოდიოდა და ხელს აჰკრავდა,
ფარს აუგდებდა დაცემულებს.

გაიღვიძებდნენ: რამდენი ხანი გვძინებიაო.
და სანამ სიპით დახურული სახლებისკენ გაიხედავდნენ,
კვამლი ადის თუ აღარ ადისო;
სანამ ცოლებს მოეხვეოდნენ;
სანამ ყანწებს ასწევდნენ: დაბრუნებას გაუმარჯოსო,
უკვე გაწვდილი ხმლები ეჭირათ
და მიდიოდნენ ბახტრიონისკე,
სალეკოს ყელის ბილიკებზე...
და მიდიოდნენ და იძინებდნენ უსიზმრო ძილით.

მარტო სიკვდილში ისვენებთო, - ტიროდა დედა...

ხოლო ცოლები მღეროდნენ ისევ,
დაუბრუნებელ ქმრებზე მღეროდნენ,
საკუთარ სისხლის გუბეებში ჩაყინულებზე.

***
Tushetian Songs
The verse by Jarji Pkhoveli (in Georgian)
This clip is made with: The oldest Tushetian music by Epro Torgvaidze.
This clip made by Mikho Mosulishvili, Tbilisi, Georgia, 2020

ბმული:
* https://youtu.be/XglqevJZQAk

ზურაბ რთველიაშვილი - მე ვარ ვენახი
•Apr 21, 2021

მე ვარ ვენახი
ზურაბ რთველიაშვილი
(კითხულობს ავტორი)
ვიდეო - მიხო მოსულიშვილის, 2021

***

ზურაბ რთველიაშვილი

მე ვარ ვენახი

ყური დამიგდე, შენ კი არა,
მე ვარ ვენახი!
ფოლადის მტევნებს ვაჩხრიალებ
მჩატე სხეულზე.
ენისელი ვარ, რქაწითელი და კარდენახი,
ყურძნის ტევრი ვარ,
საწნახელში გამომწყვდეული.
კარგად შემხედე, შენ კი არა,
მე ვარ ვენახი!
ზვრები გავცურე, რომ
დამედგა თავზე გვირგვინი.
სტროფებს ვაფეთქებ, როგორც
ნაღმებს ვისვრი ხელაღმა!
არ სცდება მიზანს
ცეცხლოვანი ჩემი სიტყვები.
ყური დამიგდე, შენ კი არა,
მე ვარ ვენახი!
ფოლადის მტევნებს ვაჩხრიალებ
მჩატე სხეულზე.
სისხლივით მძიმე საფერავი და კარდენახი –
ყუძნის ღმერთი ვარ,
საწნახელში გამომწყვდეული…


***
I'm a vineyard
The verse by Zurab Rtveliashvili (in Georgian)
This clip is made with: Quartet Cinderella-Gnossienne 1 (Erik Satie).
This clip made by Mikho Mosulishvili, Tbilisi, Georgia, 2021


ბმული:
* https://youtu.be/EGiKWM-0G0U



დიდი მადლობა „მთავარი არხის“ გადაცემა „ლიტერატურულ სამკუთხედს“ (წამყვანები: ნენე კვინიკაძე, ლაშა ბუღაძე, ტორესა მოსი), რომელმაც 2021 წლის 24 აპრილის გადაცემა დაიწყო ვიდეო-ლექსით: „ზურაბ რთველიაშვილი - მე ვარ ვენახი“.


#მთავარიარხი #მთავარი #mtavari
ლიტერატურული სამკუთხედი 24/04/2021
•Apr 24, 2021

მთავარი არხი • Mtavari Arkhi

მთავარი არხის ოფიციალური არხი YOUTUBE-ზე.

გამოიწერეთ არხი, მოიწონეთ და გააზიარეთ ვიდეო.

Facebook ~ https://www.facebook.com/TvMtavari/​
Website ~ https://mtavari.tv/​

ჩვენთან ერთად მოიპოვეთ თავისუფლება!

#მთავარიარხი​ #მთავარი​ #mtavari

ბმული:
* https://youtu.be/XF3A5QfnC6w