გაგა ჭინჭარაული

Into Armury Number of posts : 6393 Registration date : 09.11.08

Gaga Chincharauli

გაგა ჭინჭარაული
(ტყიჩი)

Into Armury Number of posts : 6393 Registration date : 09.11.08

გაგა ჭინჭარაული

აკიათ ხვთისოს ხსოვნას

ცხენებ ერთმანეთს დასჯიბრდეს,
ბორტვი ნალებით ღარესა,
ჴელშიით გვგლეჯდეს ტიალნი,
ჩანასკულ ლაგმის ტარებსა,
გვიჯავრდეს-,,სარტყლებს რაად ხჴსნით,
გონს რადარ დაიტანებთა,
ცხენებს არ დაეჴოცივნათ,"-
გვეხვეწეს,გვემუდარესა,
ერთუცს დანასკვულთ ვიდინეთ,
ვიცინეთ,ვიხარხარეთა..
ჩაება ჩრდილის ჩადრები
დათვისურაზე მთვარესა,
ნალების ნასრევ ბურჯღუმი
დღესავით ჴდიდა ღამესა.

[/quote]

Into Armury Number of posts : 6393 Registration date : 09.11.08

გაგა ჭინჭარაული

ხევსურული მუქარა

ხელში შიშველ ხმალს აძლევდნენ,
სულთან ბრძოლის დროს ვაჟკაცსა,
რომ სიკვდილისთვის დაეკრა,
მზე არ დაეთმო კაშკაშა.
გიორგი ლეონიძე

მოდი, სიკვდილო, თუ მოხვალ,
შენი მიწით და ლოდებით...
რა ღალატიან მტერივით
ჩუმ-ჩუმად მიახლოვდები?
ნუ ფიქრობ, ძაღლის მძორივით
მათრიო, ბრძოლის გარეშე.
ხელში შიშველ ხმალს მომცემენ,
მიგლეწ და მოგითარეშებ.

Into Armury Number of posts : 6393 Registration date : 09.11.08

გაგა ჭინჭარაული

წავადგათ ფეხი

სხეული ლოგინზე დევს,
ნებივრობს ხევსურეთში სული...
კოპალავ! - წავართვათ წყალ-ჭალა დევს,
როგორმე ვუშველოთ სიცოცხლის სურვილს.

არ ვიქცეთ პერანგად გველის,
რომ სხივმა დაგვშალოს მზისამ.
ორივე ხმალია, - მოკლეც და გრძელიც,
წავადგათ ფეხი და ვეწამლოთ მიწას.

Into Armury Number of posts : 6393 Registration date : 09.11.08

გაგა ჭინჭარაული

დაცლილი სოფელი

მტკივიხარ, გრძელო სოფელო,
ნაოხარივით გამხდარო,
ერთ დროს ერთმანეთს გამბულო
ძმა-სახლიკაცის ბან-კარო.
სუმუდამ ძახილ-ძუხილო,
ბან-წინგარდაზე ხახანო,
წუხრ-წუხრ ერთუცის პატიჯო,
საერთო სადილ-ვახშამო.
შაყრილო უფროს-უმცროსო,
თავ-თავის სკამზე დამსხდარო,
ერცხვის მანდაურ ქალ-ზლითა
აყვავებულო ქაზდარო,
შაკრულო ისრის კონაო,
გადასატეხად მაგარო.
მგონდები, მამის სიზმარო,
გასახსენებად საზარო,
ნანახვო ქრისტეს ღამესა,
დილას ცრემლებით ნათქვამო:
იმ დროში წარმოუდგენო,
რაღაც მითო და ზღაპარო,
დღეს კი მზის მასვლასავითა
ასრულებულო, ამხდარო.
საიდან მახვედ, შავწყალო,
სახლის ყორეებს მამდგარო?
კეზო, მუხისგან გათლილო
დედაბოძზეით გამხტარო,
კერაში გადაზელილო
მიწავ, ნაკვერჩხალ-ნაცარო.
ცრემლს მადენ, იფნის უღელო,
ერთდროს მანძილათ ნადგამო,
შუაზე გადამტვრეულო,
ტაბიკ-აპეურ დამწვარო,
დროთა ქარების ნალოკო,
სანთლის ფეხივით გამდნარო,
მამულო, დამეწყრებულო,
მაშლილო სამან-სამძღვარო,
ხრამ-ნაპრალებად ნაქცევო
საბელთ გაშლაზე გამხდარო.