არმური Armuri
არმური
არმური Armuri

არმური - ლიტარენა, უფრო კი – ბიბლიოთეკა
Armuri - literary Arena, or library from Georgia (country)


Forum started: Sun 9 Nov 2008
 
HomeHome  PortalPortal  RegisterRegister  Log inLog in  

Share
 

 ზურაბ გორგილაძე

Go down 
Go to page : 1, 2  Next
AuthorMessage
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: ზურაბ გორგილაძე   ზურაბ გორგილაძე EmptySun Jan 10, 2010 2:47 am

ზურაბ გორგილაძე Zurab_10
Zurab Gorgiladze

ტყეში ვწევარ ირმებთან

უხსოვარი მსახვრალი შემოგარენს თიბავს,
არა! ჩემი დღეებიც დათვლილია, პიპა...
დათვლილია შორენას ნეკნებიც და თმებიც,
ვწევარ ტყეში ირმებთან და ბღავილში ვკვდები.
ვინ მიყვარდა... ვინ მძულდა... რას ვერჩოდი გირშელს,
არსაკიძის მარჯვენას დამხობილი გიშვერ.
ფარსმან სპარსის გენიას და მუხთლობას ვბაძავ
და ყელს ვუშვერ მონებზე გადაგდებულ ბაწარს.
მჭყლიტავს ქვეყნის გვირგვინი და დიდებით მამხობს,
ქვებში ქორსატეველას, თუ არხოტის ახლო.
მორიელთა ბუნაგში, - თუ არაგვის ველზე,
გადამშორდა შორენა და, - ნებიერას ვეძებ,
ნებიერას! ვაიმე, შავდებიან მთები
და ირმების ხამლებით გაბაწრული ვკვდები...
ვინ მიყვარდა ვინ მძულდა... რას ვერჩოდი გირშელს,
არსაკიძის მარჯვენას დამხობილი გიშვერ.


ზურაბ გორგილაძე

დაიბადა 1937 წლის 5 მაისს, ქობულეთის რაიონის სოფელ გორგაძეებში -გლეხის ოჯახში.
დაწყებითი განათლება მიიღო სოფელ გორგაძეებში 1944-1948 წლებში.
1956 წელს დაამთავრა სოფელ ხალას საშუალო სკოლა და იმავე წელს გახდა ბათუმის შოთა რუსთაველის სახელობის სახელმწიფო პედაგოგიური ინსტიტუტის ფილოლოგიის ფაკულტეტის სტუდენტი. აღნიშნული უმაღლესი სასწავლებელი დაამთავრა 1961წელს.
ინსტიტუტის დამთავრების შემდეგ მუშაობდა პიონერთა და მოსწავლეთა პარკში ქართული ენისა და ლიტერატურის წრის მასწავლებლად.
1963 წლიდან გარდაცვალებამდე მუშაობდა საქართევლოს მწერალთა კავშირის აჭარის ორგანიზაციასთან არსებულ ჟურნალ ,,ჭოროხის’’ სარედაქციო საბჭოში მხატვრულ რედაქტორად. ასევე 1992-94 წლებში მუშაობდა ქობულეთის რაიონის სოფელ გორგაძეების საშუალო სკოლიში, ქართული ენისა და ლიტერატურის მასწავლებლად.
1961 წელს გამოვიდა პირველი წიგნი ,,ნედლი სალამური”.
პოეტის სიცოცხლეში გამოიცა 16 წიგნი, ხოლო გარდაცვალების შემდეგ კი სამი წიგნი.
იყო საქართველოს მწერალთა კავშირისა და მემედ აბაშიძის პრემიების ლაურეატი, ღირსების ორდენის კავალერი.
ჰყავს მეუღლე და სამი შვილი.
გარდაიცვალა 2006 წლის 8 აპრილს.

ჯილდოები, პრემიები და პრიზები
* მემედ აბაშიძის სახელობის პრემია
* საქართველოს მწერალთა კავშირის პრემია

წიგნები:
* „ხატიმამული“ (ლექსები). - ბათუმი, აჭარა, 2002. - 576 გვ.
* „ერთტომეული“ (ლექსები). - ბათუმი, გამ-ბა აჭარა, 1998. - 408 გვ.
* „შუადღე“ (ლექსები) - ბათუმი, საბჭ. აჭარა, 1988. - 271 გვ.
* „ნედლი სალამური“ (ლექსები). - ბათუმი, აჭარის სახელგამი , 1961. - 63 გვ.
* „დიდი თვალები“ (1964)
* „ლირიკული პოემები“ (1969)
* „ზღვიდან აკრეფილი კენჭები“ (1970)
* „ლექსები“ (1973)
* „სინაზე“ (1977)
* „ლირიკა“ (1979)
* „მოფერება“ (1984)


ბმულები:
* https://ka.wikipedia.org/wiki/ზურაბ_გორგილაძე
* http://biblioteka.litklubi.ge/view-nawarmoebi.php?id=2243
* https://poetry.ge/poets/zurab-gorgiladze/poems


Zurab Gorgiladze leqsi,,QALS,,
Published on Mar 12, 2010

study
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: Re: ზურაბ გორგილაძე   ზურაბ გორგილაძე EmptySun Jan 10, 2010 2:48 am

ზურაბ გორგილაძე

გადაწყდა გტოვებ...

გადაწყდა გტოვებ...
სამუდამოდ გივიწყებ, გტოვებ,
ჩემს ჭირის ზიარს, ლხინის ზიარს,
გადაწყდა გტოვებ...
გშორდები, მივალ და არ მინდა ,
მოხედვა უკან,
დამარქვან უნდო, უცხვირპირო,
დამარქვან გულქვა,
აღარ მოვწამლავ შენი შხამით
ნებიერ წუთებს,
მეყო რაც მბანგე, რაც მაბრუე,
მთენთე და მთუთქე,
აღარ წამყვება შენი სუნი
ფინთი და მწკლარტე,
რაც უნდა მწვავდე, მახელებდე,
მსურდე და მწამდე.
ვეღარ ამიწვავს დაღლილ თვალებს
მაგ შენი თმების, -
ცისფერი ბინდი, სამუდამოდ გემშვიდობები.
გადაწყდა, მაგრამ...
მაგრამ როცა რჯულსა და ქრისტეს,
ჯიბეებს ვიჩხრეკ, გპოულობ და...
გაბოლებ ისევ.

study
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: იტყვი?   ზურაბ გორგილაძე EmptySun Jan 10, 2010 2:48 am

ზურაბ გორგილაძე

იტყვი?

იტყვი? ვერ იტყვი ეს დრო, ეს წლები,
კაცურკაცობის მაკლდა მარილი
და შენს ტაძართან ჩემი ლექსები,
იდგა აღდგომის მათხოვარივით.

იტყვი? ვერ იტყვი, ჩემი სახელი,
გეყუდებოდა გულზე მთვრალივით,
მაინც დაღლილი დამაქვს ნაღველი,
გაშვილებული ბალღის თვალივით.

ოცნება მუდამ დარჩეს ოცნებად,
კი, გაღმა ნაპირს როსმე ვეწვევი,
აქ ჩემი დღე და ჩემი მოსწრება,
მატრაბაზების ჯირითს ვესწრები.

რა ვქნა! კლარჯული მზის ხავერდები,
ცეცხლს საყელოში ლერწამს უკიდებს,
საქართველოში ისე ვბერდები,
რომ თბილისს ლექსი ვერ წავუკითხე!..

study
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: სულ ერთია ოცდაათის მერე   ზურაბ გორგილაძე EmptySun Jan 10, 2010 2:50 am

ზურაბ გორგილაძე

სულ ერთია ოცდაათის მერე

მინდორში ვარ და გაზაფხულს ვბაძავ,
ვქოშინებ და ვასავსავებ ხელებს,
არც გიმხელ და არც გიმალავ ასაკს,
სულერთია ოცდაათის მერე.
მეც მჩხვერავდა ხანჯალივით სისხლი,
მეც ნაბადი დიდოსავით ვთელე,
ვარ თუ არა სიყვარულის ღირსი,
სულერთია ოცდაათის მერე.
დღეს სურვილებს რა იოლად ვმართავ,
წყალდიდობა დამავიწყდა ღელეს,
ყველაფერი, აქ სიკვდილის გარდა,
სულერთია ოცდაათის მერე.

ჩემიც მძაფრი ტრიალებდა კალო
და ჰფანტავდა სიჭაბუკის ფერებს,
გამწირავ თუ შემივრდომებ ქალო,
სულერთია ოცდაათის მერე.

მხოლოდ ხსოვნის უკვდავია ძეგლი,
ნაფოტები სულ შერჩება ჭერებს,
დიდებაც და გვირგვინებიც ეკლის
სულერთია ოცდაათის მერე.
მზის ხავერდი მუდამ ახლდა კოცნას,
სხვა ხავერდებს ვერ შეიჩვევს ბაგე,
მარადისი კურთხევა და ლოცვა
მას, რაც დარჩა ოცდაათის აქეთ.
ვმღერი ასე ჩემს ნაღვლიან ქოხთან
და წარსულში თვალს ვადევნებ ძველებს...
მოსახდენი რა ხანია მოხდა!
ნუ მომძებნი ოცდაათის მერე.

study
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: სულხან-საბა   ზურაბ გორგილაძე EmptySun Jan 10, 2010 2:52 am


Published on Jan 16, 2014
კითხულობს ზურაბ გორგილაძე

Exclamation

ზურაბ გორგილაძე

სულხან-საბა


"აჭარაში განმძარცვეს ფრიად"
სულხან-საბა ორბელიანი


არც არაკს ჰგავს და არც ზღაპარს...
დამიდგება თვალწინ მკაცრი,
ქრისტესავით ნაგვემი და ნაწამები ქართველკაცი.
ღონიანი,
ღვედიანი,
კვეთიანი სიტყვის ღმერთი,
სამრეკლო თუ ბალავარი, ოშკისა და ალავერდის.
მოგიზგიზე ბუხარივით მომაცხუნებს მისი წვერი,
მისი კალმის ფრთა დიადი გუთნეულში გუგულს მიაქვს,
მესმის მისი სუნთქვა ცხელი
თუ ზარების გუგუნია.

დამიდგება თვალწინ მკაცრი,
ღვთაებრივი ბერიკაცი.
ვინც ბედდამწვარ საქართველოს ბედისათვის იქმნა ალალ,
ვინც ამიცრა სულში ვაზი
და ქურდობა დამაბრალა.
"განმძარცვესო აჭარაში"...
ჭოროხივით იხუვლე და იგუგუნე დიდო პაპავ,
მე საავდრო ღრუბელივით დაძენძილი ვიყავ მაშინ
და მიზგითი მიბნელებდა ხატის ღიმილს, ქოხის ლამპარს.
ეს ამბავი არ ჰგავს ზღაპარს...
წინაპართა ძვლების ფერფლი გავატანე ნიავს განა?!
მე გაგქურდე სულხან-საბავ,
რომ დამეცვა "იავნანა"
რომ დამეცვა ვარდოვნანა და ლეჩაქი ქართველ დედის,
შენს ხურჯინთან მომყვა მაშინ სუნი ხმლის და სუნი დენთის,
დავივიწყე მაშინ ღმერთიც
და სირცხვილიც დავივიწყე,
ქართველობას, შე ღმერთკაცო,
ამ ქურდობის შემდეგ ვიწყებ.

ტრიალებდა სისხლი ბუღი
და მარჭობდნენ სულში ისლამს,
სწორედ მაშინ მოგვარდი და, -
წიგნი "სიბრძნე სიცრუისა"
მოგვარდი და გამოგტაცე, შევერიე მწუხრის ჭალებს,
სიბრძნე მამულს დავურიგე და სიცრუე დღემდე ვმალე.
ბედბრდღვიალა საქართველოვ!
დე,იცოდე რომ ვარ ქურდი,
რომ მოვტაცე სულხან-საბას მისი სიტყვის იაგუნდი,
რომ მოვპარე სულხან-საბას აურწყავი მარგალიტი,
რომ სხვებს ეგრძნოთ და
ეტირათ ეს უღმერთო მაგალითი,
რომ დღეისთვის მეთქვა რიხით,
სისხლით ხორცით ქართველი ვარ,
რომ საკუთარ მნათედ დავთქვი ბედისაგან გათელილმა, -
და წასულმა ხალხში ზღაპრად,
დათოვლილი,
დასეტყვილი,
დამეხილი სულხან-საბა.
ერთი ახლა გაიარე სვებედნიერ აჭარაში,
დაიყურსა ის ვენახი ურჯულომ რომ აჭრა მაშინ.
და ხარდანზე ხავერდივით ნაწნავების არის მტვრევა,
მეზობელის გოგოსავით გაუშავდა თვალი მტევანს,
ქვევრში - ღვინო,
გულში შენი სიყვარული არ ეტევა.

ჩადრმოხდილი აჭარელი
შენს ზღაპრებში დაშლის დალალს,
მომესტუმრე,
როგორ ფიქრობ, კვლავ მოგპარავ რასმე განა?!
მიწას ტუჩი რომ დაადო, ვარდის მეტი რა აგყვება
მინდა ხალხში გაგიტაცო, ზღაპრებად და არაკებად.

და მისმენდა სულხან-საბა,
ასე ამაყს ასე გულდიდს,
ყელს ღილკილო შემოასკდა,
მოიჩრდილა ხელი წუთით,
მერე ერთხმად აგუგუნდა:
- შვილო!... ჩემი მზის და ბუდის,
ალალ, შენზე ქართველობა,
ალალ, შენზე რომ ხარ ქურდი,
ალალ, შენზე ჩემი სიტყვის,
მარგალიტიც, იაგუნდიც...
დე, გიკურთხოს მხარე მთელი
ამ მიწამ და სუფთა ცამან,
მომეხუტე,
შენ ქურდობა გაპატია სულხან-საბამ!

king
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: ჭადრაკი   ზურაბ გორგილაძე EmptySun Jan 10, 2010 2:54 am

ზურაბ გორგილაძე

ბებერი ძაღლი

სოფელს დაჰღმუის მზე უშობელი.
შენ წევხარ ჩუმად ლაფაროში -
თვალდახუჭული
და ცალი ყურით ქვესკნელებს უსმენ.
მამამ რამდენჯერ მოინდომა შენი გაგდება,
შენი დაკარგვა,
მე კი...
ვერ შეგელიე, ვერ გაგიმეტე.

ახლა კი ლეკვთა ღავღავ-წკმუტუნს
და მძუანობას,
მე შენი ღრენა მირჩევნია ბალანგაცლილი,
მე შენი ყეფა მირჩევნია ყრუ ხორხიანი.
ახალ ლეკვთათვის -
ძნელად ინდობა ეზო-კარი და სამყოფელი.
ვუწყი -
მათი ნერვები მშიშარაა და შემპარავი...
ხოლო ლიწკვინტა გასლეპილ კუდით,
სულ იფარავენ უკანალს და ბნელში გარბიან.
ხშირად კი ხშირად
უცხო ფეხებთან გორავენ მუდამ.
ხოლო ძუკნები -
გზადაგზა ყრიან წირპლიან ლეკვებს.
ასე მრავლდება მაწანწალა და სალახანა.

მამამ რამდენჯერ მოინდომა შენი გაგდება, -
შენი დაკარგვა...
მე კი...
ვერ გაგიმეტე ბებერო ძაღლო, ვერ გაგიმეტე.

What a Face
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: (ჩაუმქრალი სანთლები)   ზურაბ გორგილაძე EmptySun Jan 10, 2010 2:57 am

ზურაბ გორგილაძე

ჩაუმქრალი სანთლები
(ჰოიდა ნანა)

ჰოიდა ნანა, ოჰი ნანა,
ხულო შუახევ ქედიდანა,
დედო დვრინით დამემღერა,
დიდიგოროზი მთები თანა,
მთები! - ვისთვის თვალსეირი,
ვისთვის ჯავრი შიგნიდანა,
თეთრ პერანგებს ხრამში ყრიდნენ,
ლურჯს იცვამდნენ თანდათანა,
კლდის კატარში მზე ყვაოდა,
კლდის ბორჯღალზე ბენჩქვი ყანა,
გვანცას ლოცვებს ვაზის სული,
გორით-გორზე გადეყვანა,
ვარჯანისთან, ნაჯვარისთან,
დაჯვარული მთები წვანან,
მთებში ჩუმად დაქვითინებს,
ჩემი დიდი ნენეს ნანა,
დერდებს გულში ვიბექსნიდი,
აჭარელი ვიყავ განა!

ჰოიდა ნანა, ოჰოი ნანა,
ხარიტყავის გუდა თანა,
შიგ ჭიკჭიკით მოჭუჭკული,
ამ სირთების სევდა თანა,
მიმღერია ღვინიანზე,
მიტირია კიდეც განა,
როცა ჩემი ზღველთი ზვარე
ზვავის ნაძოვს დაემგვანა,
როს სხალთაში სხალთიხატებს,
უსაპნავდნენ ყელში კანაფს,
ჯავარქედზე ჯამეს დგამდნენ,
ვარდიქედზე ეკლის კარავს,
ეივახ! ამის შემხედვარე,
ნამსხვანიდან გაველ განა,
მთებს ტყეები ბანალივით
აბურძგლოდა უბიდანა,
ღელე-ღურდან დავეძებდი,
კანკალებდა ხელში დანა,
გამჩენელო, სხვა რა მექნა,
აჭარელი ვიყავ განა!

ჰოიდა ნანა, ვოჰოი ნანა,
ქოჩახელას ქარჩხი განა,
უსულ-უსულ, ლოცვა-ლოცვით
ქარმა ნისლებს გაატანა.
ფიჩხიფუტთან გამჭვარტლული
ერთს ვცეკვობდი განდაგანა,
თვარა ისე დუშმნის თვალებს
მიბჯგენილი ვიყავ მარად,
მიბჯგენილი ვით ამ მთებზე
ლოდიძირის ძვლების ძალა,
მიბჯგენილი ვით ჯარგვალზე
დირეები კოჭბორჯგალა,
მიბჯგენილი ვით ჭალიქვით
გაჯანდრული დედეს ნანა,
ჟამმა ბევრი მაბოჯირა,
მომბეჟა და მავალალა,
მომთიკრა და მამუმნათა,
დამინდო და დამავალა.
სისხლში სისხლი!
მხოლოდ სისხლი!
აჭარელი ვიყავ განა.

ჰოიდა ნანა, ოჰოი ნანა,
თეთრათები ვთიბე განა,
ხამიყელზე ხაოღერი,
ბალახები შემრჩა თანა,
მთაპერანგა გადავმუხლე,
გზაბაწარამ დამახანა,
ხინოს თავში თაფლი ვხილე,
ჩოლოქის პირს ვმარგლე ყანა,
ჩოლოქს გაღმა გოგო იდგა,
გულგუნდა და თვალმარყვალა,
ღმერთმა რაფერ გადმომხედა,
ღმერთმა რაფერ გამახარა,
- გოვ! კისერში ჩეგეფუნჩხე, -
ჩემებურა ვკადრე მარა,
გოგო რაცხამ დააფეთა,
გოგო ვინცხამ გადამალა,
თოხი ტარზე დაყუდებულს
ცამ სიცილი დამაყარა,
შიგნი-შიგნი ჩევიფუფქე,
აჭარელი ვიყავ განა!

ჰოიდა ნანა, ნანოვ ნანა,
ვერ წამიხვალ განდაგანა,
ეგ ლიზღობა ეგ ლირწობა
კმარა-მეთქი, უკვე კმარა!
ჩემი სისხლი სიყვარულით,
ო, რა ხანი არ დამთვრალა,
მეყო! მტევნის წებო წვენში
ჩემი სულის ორთქლი დგანა,
ყელზე შემომეფართქალა,
ვაზის ლერწი ლოფორთქანა,
სიზმარ-სიზმარ მიბრუნდება,
შატბერდი და შორი ბანა,
იქ სანთლები ჩემი სისხო,
ჯერეთ კიდევ არ ჩამქრალან,
მეყო ჟამმა ჟანგნაფლეთმა,
რაც დამფლა და რაც დამგმანა!

ჰოიდა ნანა, ოჰოი ნანა,
წარბგახსნილი დავალ განა,
საქართველოვ ჩემო დედავ,
ჩემი სუნთქვა გენაცვალა,
ჩემი ყველა მქუხარება,
მწუხარებაც გენაცვალა,
შენი სიტყვის სიცოცხლისთვის
ხიხაძირში კიდევ ვდგავარ,
შენი ჭერის სიმაღლისთვის,
მარადიდში ვხლიჩავ ყავარს,
შენი რჯულის საჯილდაოდ,
სხალთას ვრეკავ ზარებს მთავარს,
ერთ ძირ ვენახს სულ გირგავდი,
კვლავ დაგირგავ დღეს და ხვალაც!
იდიდგულე რომ ამფერი
აჭარელი გყავდა განა!!!


ოჰოი ნანა hoida nana კითხულობს ავტორი ზურაბ გორგილაძე Zurab Gorgiladze აჭარა
Published on Nov 11, 2012

study
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: შემოდგომის სერენადა   ზურაბ გორგილაძე EmptySun Jan 10, 2010 2:58 am

ზურაბ გორგილაძე

შემოდგომის სერენადა

ვინ რა იცის, ეს ასაკი
რა სასწაულს მომიტანს,
ღმერთო ჩემო!
დედავ ღმერთო!
სიყვარული მომინდა.
გამოვშორდი გაზაფხულებს,
მადლიანს, თუ ცოდვიანს,
შემოდგომას
სხვანაირი
აყვავება
სცოდნია...

სხვანაირად ზეობს იგი, სხვა ბანგით და ტრფობითა,
და მეც!... შემოდგომისფერი აყვავება მომინდა.
სულში რაღაც შორეული, შუქი გადაფოფინდა,
კაი ქალი მომენატრა, - სიყვარული მომინდა.
მშვენიერი მომენატრა, - ისე ჩემთვის იჩქითად,
ლამაზი და ხოშფანდურა აგერ რამდენიც გინდა...

არ გამოდის არაფერი ამ ამღვრეულ თრობიდან,
მოკამკამე ღვინისფერი სიყვარული მომინდა!...
არც არავინ არ ბრუნდება ერთგულების ომიდან,
დალახვრული ციხისფერი სიყვარული მომინდა.

დალახვრული დანაღმული ისე ჩემთვის იჩქითად,
თორემ ქევქევ წმაქაწმუქი, აგერ რამდენიც გინდა.
ვაი სულო! ბრმა ვნებები გამიკეთილშობილდა,
სულ სხვის სანთელს ვეჩურჩულე, შენს ვარსკვლავზე შობილმა,

განმგებელმა სასთუმალთან სულ სხვა ტაბლა მომიდგა,
სიყვარულით გამწარება! - გამგზავრება მომინდა.
ნეტავ ვინ ხარ! ვინაც ხვალე, ამ დიდებას მომიტან,
ღმერთო ჩემო!
სასიკვდილე
სიყვარული მომინდა!
გამოვშორდი გაზაფხულებს მადლიანს, თუ ცოდვიანს,
შემოდგომას
სხვანაირი
აყვავება სცოდნია...

study
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: ხალხურ კილოზე   ზურაბ გორგილაძე EmptySun Jan 10, 2010 3:00 am

ზურაბ გორგილაძე

ხალხურ კილოზე

ერთ ქალად შენი ტანი ღირს,
შხვართი ჭოროხის პირზედა,
ორ ქალად - შენი ზრდილობა
დამყნილი გვარის ძირზედა,
სამ ქალად - შენი ზნეობა,
ჯაჭვი ნამუსის ღილზედა,
ეს ლექსიც მაგათ ბრალია
ასე რომ ამიმიზეზდა.
ჯერ არ შობილა პოეტი,
არ მინდობოდეს იმედებს,
შენში ამდენი ქალია
ერთს ალბათ გამოიმეტებ!

king
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: აღსარებასავით   ზურაბ გორგილაძე EmptySun Jan 10, 2010 3:01 am

ზურაბ გორგილაძე

აღსარებასავით

ქნარებში - კეთილი ტიროდა აშიკი,
ვნებებში - მტარვალი ბრუნავდა გენია,
მაღლიდან გროშივით გადმოყრილ ტაშისთვის,
მე ერთი სტრიქონიც არ წამომცდენია.
დანთქმული დღეების მოწყენას ვბარდები,
დღეებიც დღეების დიდებას სდევნიან,
ქანდარა დამეგმო, გამერთო პარტერი -
მე ერთი ბრწაკედიც არ წამომცდენია.
შმაგი ერთგულებით მზვერავდა დიადი,
ვინ იცის თვალთაგან რა თოვლი მდენია,
რომ გამომეწვია წკვარამი დიაცის,
კიმპალიც რა არი, - არ წამომცდენია.
ზოგზოგებს მსუბუქი სიმღერა ვეგონე,
მსუბუქად შეშლილი ნებიერ თითებთან,
ნაკლებად ესმოდათ ჩემს ბოროტ მეგობრებს,
ხარხარში ჩაკლული ტკივილის დიდება.
მირონი, მუდარით გამთბარი მირონი,
კეთილი გენიით მნათლავდა ყოველდღე
და გაღმერთებული სიცილით ვტიროდი,
სასახლის სვეტებზე გამობმულ პოეტებს.
და ასე მივდივარ... უხვიც და ვერანიც,
ზოგისთვის ვაჟკაცი ზოგისთვის მკვეხარა,
მე ვიყავ მოზარე, ვიდრე მომღერალი,
აკაკის ცრემლებით დამბალო ქვეყანავ.

study
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: ორი ასაკი   ზურაბ გორგილაძე EmptySun Jan 10, 2010 3:02 am

ზურაბ გორგილაძე

ორი ასაკი

ნეტავ რომელი შეინახავს სიყვარულს უფრო?!
ისე მხურვალედ, ისე მორცხვად, ჩუმად და ნაზად,
ქალი, რომელსაც უბდგიალებს ვარდის ასაკი?
თუ?...
ქალი რომელიც გადასცილდა ჩიტლეღვას ასაკს?
ნეტავ რომელი მოიხურავს ღამეულ ვნებებს?
ყრუ სიბნელეში გაიანჩხლებს რომელის რაზა?
ქალის, რომელიც მოლოდინმა გამოაღამა?
თუ?..
ქალის, რომელიც მიეფარა ბალზაკის ასაკს?
ნეტავ რომელი შეიშვენებს დედობას უფრო?
და აღამაღლებს უზნეობით ფარავენ რასაც,
ქალი, რომელსაც უყიჟინებს გრძნობის ასაკი,
თუ?...
ქალი რომელიც მორჩილდება განგების ასაკს?
"ნეტავ" და "ნეტავ" -
მაბოჟირებს ეჭვი მუდამ დღე,
მზის მოძალებაც გაფითრებულ გაზაფხულს წინდავს,
ღმერთო! - ამ ორი დედაკაცის ცოდვას ნუ დამდებ,
სხვა დანარჩენი როგორც გსურს და რამდენიც გინდა.

What a Face
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: ქეთის   ზურაბ გორგილაძე EmptySun Jan 10, 2010 3:02 am

ზურაბ გორგილაძე

ქეთის

ლექსებს ნამით და ჟრუანტელით ხომ ვეღარ ვკაზმავ,
ხომ მივეკედლე მყუდროებას ცრუსა და კეთილს,
ხომ გადავცილდი ყელღერღეტა პოეტის ასაკს,
მაგრამ გრძელდება სიყვარულის ასაკი ქეთი.

ხსოვნაში ჩუმად გაჩქამდება ცდუნების რაზა,
მთრთოლარე ნაბიჯს დაეცემა სინათლის წვეთი,
შენც გადასცილდი ჯულიეტას მჩქეფარე ასაკს,
მაგრამ ბოვარის სიყვარული გრძელდება ქეთი.

ყველა დროს მისი პრინცესა და პოეტი ჰყავდა,
მისი შნო, მისი ბრწყინვალება და უფრო მეტი,
შენ დგახარ ირმის ტუჩჩაწობილ ბინულის თავთან,
ჩემი მდინარე ნაპრალებში იმსხვრევა ქეთი.

რა დამრჩა!... უნდა გეზვარაკო ვარსებობ ვიდრე,
შენ ალბათ შენსას მიუბოძებ შენს რჩეულ რაინდს,
პოეტებს მუდამ მშვენიერი ქალები სჯიდნენ,
საქართველოში მხოლოდ და მაინც...

study
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: ჩემს სოფლელებს - სიყვარულით   ზურაბ გორგილაძე EmptySun Jan 10, 2010 3:03 am

ზურაბ გორგილაძე

ჩემს სოფლელებს - სიყვარულით

ლეღვზე ვაშლის ყვავილი, ვაშლზე ლეღვის კობერი,
თქარში თითქვი ბალახი და შხვერთები ჟღვერა,
ნენევ, - ჩემი სოფელი... ბალღი ფეხშიშველა.
ვსუნთქავ ქარით მობერილ, ვყნოსავ წვიმით მოფენილ
პანტა პიტნის ყვავილებს, ფოთლებსა და ჩალას,
ნენევ, ჩემი სოფელი... ძაღლი კუდჯონჯალა!
კეხზე გადაკიდული ხორხოშელა ხურჯინი,
ყურმოქარგულ ლეჩაქში გაკოჭილი ძღვენი,
ნენევ, ჩემი სოფელი... სამჭედლოსთან ცხენი.
კორდზე კლერტას კვირტები, დაბეჟილი ქუსლები,
კოჭზე სველი ბაწარი და წვივებზე წკნელა,
ნენი, ჩემი სოფელი... ყველი ერთი წველა!
ნალიასთან ფიჩხები, ირგვლივ ფქვილის სურნელი,
გობზე ცომის ტყაპუნი და მდუღარის თქეში,
ნენევ, ჩემი სოფელი... ნაცრიკვერით ხელში!
მღვრიე ღურღუმალებში გაჩხერილა ლოქო,
ნენევ, ჩემი სოფელი... თორთქოშელა გოგო!
წიფლისძირის ძირკვებზე დაფენილი კატრები,
ალიაღის ტყვილები, დემურალის ხრინწი,
დიდი ნენეს ხათრები,
პაწა ნენეს მადლები,
ყველაფერი ჩემშია, ბრიალებს და იწვის...
ვეფერები ქვეყანას ბალღი ნამტირალევი,
ჩემი წმინდა სლუკუნი გაიგონოს ყველამ,
ვივლი ამ ტლი ბილიკებს ნამიანი თვალებით,
ნენევ, ჩემი სოფელი...
ბალღი ფეხშიშველა!

king
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: ********   ზურაბ გორგილაძე EmptySun Jan 10, 2010 3:05 am

ზურაბ გორგილაძე

ორი რუსთაველი

წუხელ სიზმარეთში ბებერ ალავერდთან,
ხალხის სახელი და სახე,
მზეთა პოეზიის ერთი მამაღმერთი
ორი რუსთაველი ვნახე.
უცებ... სპა მოსდგამდა დაფს და ნაღარასა
სრულიად სააქაოს მხრიდან,
ერთგან ტხტს მითმობდა ბრძენი როსტევანი,
ერთგან ტახტის გამო მღრღნიდა.
უცებ საქართველო უფრო დიდი იყო,
მაგრამ იმდენადვე მცირე,
ერთგან ვეფხვს კოცნიდა შმაგი ტარიელი,
ერთგან მიდენიდა ვირებს.
უცებ... საქართველო უფრო უხვი იყო,
მაგრამ იმდენადვე ხარბი,
ერთგან ავთანდილი ხელჭუჭყს მიღნაოდა,
ერთგან ამღერებდა ბარბითს.
უცებ... საქართველო უფრო მეტი იყო
და მამაძაღლობაც მეტი,
სულ ფეხზე ეკიდა მულღაზანზაროელს,
შენი გულანშაროს ბედი.
აღარც უცხო მოყმის ძებნა რაინდული,
აღარც ცხრა მთას იქით წასვლა,
ფატმანს უღრიჯოდა შენი ავთანდილი
ქაჯთა დაცალეწვის ნაცვლად.
მტერი მოდიოდა... მტერი მიდიოდა
ყოვლით და ტოველი მხრიდან,
იგი, მეორე შოთა რუსთაველი,
პირველს ძიძგნიდა და თხრიდა.
უცებ გამეღვიძა... შიშის სასთუმალზე
ცრემლის ცხელი კონა დავდე,
ღმერთმა დაგვიფაროს, ღმერთმა
საქართველოს
ორი რუსთაველი ჰყავდეს.

Exclamation
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: მახსოვს   ზურაბ გორგილაძე EmptySun Jan 10, 2010 3:05 am

ზურაბ გორგილაძე

მახსოვს

მახსოვს ძაღლის ნაკბენივით,
იმ თვალების ღველფი მახსოვს,
ვერავინ ვერ დამავიწყებს,
თუნდ ამჩეხონ ასო-ასო...
ვბერდები და ამის მსგავსი,
არ მინახავს ხალხო ჯერაც,
ღმერთო კარგად ამიხდინე,
მისი უცებ გამოჩენა.
მახსოვს, ეცვა კაბა ჭრელი,
კაბის ბოლო ჰქონდა სველი,
ასდიოდა ნამის სუნი,
მერე ქალის სუნი მწველი.
ციბრუტი და ცისფერთვალა,
ფორთოხლებს ეფარებოდა,
ვაჰ, თუ იმის შეეშინდა,
უცებ არ შემყვარებოდა,
გულს უხსნიდა ერთიანად,
პოეზიის ზიარებას,
მისი ტაში მგალობელი,
ფრინველივით ფრთქიალებდა.
კისკისებდა, გიზგიზებდა,
მაინც ხეს ეფარებოდა,
ალბათ იმის შეეშინდა,
უცებ არ შემყვარებოდა.
წამოვედი... იმის მერე,
ბევრმა წყალმა ჩაიარა,
ვერაფერმა ვერ უშველა,
იმ თვალებს და ამ იარას.
და მეც ვმღერი იმ ბიჭივით
"წვიმა წვიმს და ნამი არა,
გოგოვ შენმა სიყვარულმა,
კაკალ გულში გამიარა."

What a Face
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: ხ ე ლ ე ბ ი   ზურაბ გორგილაძე EmptySun Jan 10, 2010 3:07 am

ზურაბ გორგილაძე

ხელები

ხელები უნდა ჰქმნიდნენ მწვერვალებს,
მშვენიერებებს,შედევრებს ჰქმნიდნენ,
უნდა ბედავდნენ თავისუფლებას
და სასწაულებს სამყაროს ოდენს,
რომ მათ მუშტებათ შეკვრის უფლება,
მერე მოთხოვნის უფლება ჰქონდეთ.
ხელები უნდა ჰქმნიდნენ პარნასებს,
ახალ მსოფლიოს დიდებას ჰქმნიდნენ,
უნდა აქციონ სივრცე უბნებად
და მზე მოსტაცონ შორეულ ბლონდებს,
რომ მათ შენს ცეცხლთან მისვლის უფლება,
მერე გათბობის უფლებაც ჰქონდეთ.
ხელები უნდა ჰქმნიდნენ გუმბათებს,
მტევნებს, უქურთმებს, ღიობებს ჰქმნიდნენ,
უნდა შეჰბრწყინონ ცას ალუბლებად,
უნდა ნაღმავდნენ თავთუხით კორდებს,
რომ შენს სუფრასთან მოსვლის უფლება
და სადღეგრძელოს უფლება ჰქონდეთ.
ხელები უნდა ჰქმნიდნენ წალკოტებს,
ცას და ყვავილებს, ოცნებებს ჰქმნიდნენ,
უნდა შეუნდონ ცოდვა უვნებლად
ისევ ვნებებით მოდერნილ ცოდვებს,
რომ შენს მუხლებთან დგომის უფლება
და წამოდგომის უფლებაც ჰქონდეთ.
ხელები უნდა ჰქმნიდნენ ღვთაებებს,
სათნოებას და სიყვარულს ჰქმნიდნენ,
უნდა შეიძლონ გასაუბრება
თმებთან, თვალებთან მთრთოლავთან ოდეს,
რომ მათ საკინძის შეხსნის უფლება,
მერე შეღილვის უფლებაც ჰქონდეთ.
ხელები უნდა ჰქმნიდნენ ხელები,
მადლს და სიკეთეს, სინათლეს ჰქმნიდნენ,
უნდა აკმიონ სულებს სუფევა,
აღიღონ წიგნი მარტვილთა ოდენ,
რომ მათ განკითხვის ჰქონდეთ უფლება
და პატიების უფლებაც ჰქონდეთ.

ხელები უნდა ჰქმნიდნენ ხელები,
მუდამ და მუდამ, ქროლავდნენ, ჰქმნიდნენ
მეც ხელები მაქვს და მეც კაცი ვარ
მაგრამ ვის ჯოგში დამასახელებ?
და ვხედავ მხოლოდ ხურდა აცვივა
ქუჩაში უქმად გაშვერილ ხელებს...

Exclamation
Back to top Go down
http://www.mail.ru
volfgang tushi
Way at Armury
Way at Armury


Male
Number of posts : 35
Age : 31
Location : sazogadoeba
Job/hobbies : aseve
Humor : me ravici aba...
Registration date : 07.01.10

ზურაბ გორგილაძე Empty
PostSubject: Re: ზურაბ გორგილაძე   ზურაბ გორგილაძე EmptySun Jan 10, 2010 1:00 pm

ზურაბ გორგილაძე 11122010

ზურაბ გორგილაძე

აბოს ფერფლი

შენ ყოფილხარ კალოთას? შენ ყოფილხარ ნენიას?
შენ პირველი გალობა, სულზე მოგიფრენია?
იმ დიდ ჟამიანობას, იმ დიდ ჟრიამულობას,
როსმე გამოესარჩლე, შინაურს და შენიანს?..
თვალში როგორ მიყურებ, _
როგორ არა გრცხვენია!
ჯვარცმით შეზავებული, მზის და ვაზის გენია,
შენ გზაფრავდა ქარგები, დაბაძელს და ლელიანს?
შენ ხირხათის ნანგრევის, გამწარება გტკენია?
რა პირით მადღეგრძელებ, _
როგორ არა გრცხვენია!
მავედრალის დაღლილი, ნათელი რომ შთენია,
აქ, გონიოს კედლებთან, საბას სუნთქვა ჰფენია,
სხალთა! _ ჩემი ბერდედა, სისხლში მომიწვდენია,
რა ყალბად მაღიარებ, _
როგორ არა გრცხვენია!
_ იესო თუ ისლამი _ ცული ცას შეჰკიოდა,
სამთვეს მაჭახლისწყალი,
ზღვისკენ წითლად დიოდა,
სამასი წლის ყორანმა ჩემს თავზე იტრიალა,
ქრისტეს ძვლებით მოხაფრა, ხეობები მთლიანად,
ცხრა მარაბდას მორწყავდა,
მე რომ სისხლი მდენია,
ქვევრებთან მოქირქილევ, _
როგორ არა გრცხვენია!
ახლა, ამ ჭრილობების, ვითომ გახსნა მინდოდა?
ჩონგურზე თავმიდებულ კახაბერის მინდორთან?
ჩალაბულას ღეჭვებით, ძირგამომპალ ზვინებით,
საყდარი თუ მეჩეთი, მნერწყვავ და იღრინები,
აღმოსავლეთს, დასავლეთს, აბოს ფერფლი ჰფენია,
ამ ფერფლზე მოფაშფაშევ, _
როგორ არა გრცხვენია?!

... კოლხი ქალის კივილი, ცხრა მთას როგორ მიასკდა,
რამდენ ხვიჩას ვბორკავდით, ვყიდდით ანაკლისთან,
ან ვის გადავუქნიო, ცოდვა ცოდვის მტვირთავი,
ძმებს თავს ვაყრევინებდით,
თუ რძლებს ცოლად ვირთავდით?!
ვის ბორბალს ატრიალებს,
ან ვის გვირგვინს სჭირდება,
ამ ქართული მზვავობის სირცხვილი თუ კირთება?
ხსოვნა დიდთა გულების, რა ქუსლებით გავთელო?
კართემობა ღუპავადა, ერს, ბერს და საქართველოს!
მოვდებივართ, ძმობილო, აბა რას და აბა რას...
ცრემლი ტაო-კლარჯეთის, კვლავ გვისველებს ფაფანაკს.
აქაც ღვიძლი მთებია და ზვავები ფაფარა,
სულს ამ ზვავთა ზათქებით, ხშირად უნდა გაბანვა,
სიკვდილის წინ, აკაკიმ, _ გახსოვს რა დაგაბარა?!
ის ანდერძი ჩემეულ ყველა
ფესვში სვენია,
სანთელს საით იღერებ,
როგორ არა გრცხვენია!!!

Exclamation
Back to top Go down
http://www.mail.ru
tetri_giorgi

tetri_giorgi

Male
Number of posts : 15
Age : 31
Location : BATUMI
Job/hobbies : წერა/კითხვა
Humor : ...
Registration date : 01.12.09

ზურაბ გორგილაძე Empty
PostSubject: Re: ზურაბ გორგილაძე   ზურაბ გორგილაძე EmptyWed Jan 20, 2010 1:34 am

ზურაბ გორგილაძე Zurab_11

ზურაბ გორგილაძე

ქალი, სამლოცველო...

დაცხრა ყვავილთა და ფერთა ბატალია,
ახლა ველტაშიგან ქარნი კრიახობენ,
რაღაც... მდიდრობის და ძარცვის ბადალია,
ქალთან სიცოცხლე და ქალთან სიახლოვე.

რა ვქნა, ვერ ვიყავი ბრგე და ახოვანი
და სულ ვაღმერთებდი ამ წვას, ამ იარებს,
ქალი სამლოცველო, მაღალთაღოვანი,
მაინც მლოცველების ერთად გავიარე.

ქალთან ვერ ვიგლოვე ჩემი მარტოობა,
ქალტან ვერ გავძეხი ჩემი მარტოობით,
მუდამ შორეული ვნება მპატრონობდა,
მუდამ შორეულის სურვილს ვპატრონობდი.

ვიცი, უღმერთობა ღმერთსაც უხარია,
მაგრამ ამნაირი? მაგრამ ამოდენი?
ისე შეშლილია ჩემი მწუხარება
ეჭვის ტყეებიდან ვის არ გამოდენის.

ღმერთო დიდებულო მოვედ აღსარებად,
ამ ბრმა აგონიით ალბათ განგებ მცდიდი,
ისე ძვირფასია ჩემი გამწარება,
არცერთ სიხარულში რომ არ გაგიცვლიდი.

დაცხრა ყვავილთა და ფერთა ბატალია,
ახლა ველტაშიგან ქარნი კრიახობენ,
რაღაც... მდიდრობის და ძარცვის ბადალია,
ქალთან სიცოცხლე და ქალთან სიახლოვე.

Exclamation
Back to top Go down
http://biblioteka.litklubi.ge/index-nawarmoebi.php?author=გაბაიძ
Admin
Into Armury
Into Armury
Admin

Male
Number of posts : 5158
Registration date : 09.11.08

ზურაბ გორგილაძე Empty
PostSubject: Re: ზურაბ გორგილაძე   ზურაბ გორგილაძე EmptyWed May 01, 2019 10:33 pm


Zurab Gorgiladze "siberis leqsi"
Published on Dec 1, 2009

ზურაბ გორგილაძე

სიბერის ლექსი

შენ რომ ქუდი შემიბრუნე,
შენ რომ გული მომტაცევი...
აწი რაღაი, ქედნიმხარში
ვეღარ შეგელომკაცები.
ნეტაი იმ დროს,ტანხერტალავ,
ლენკარით თუ ბოკელათით,
სათიბში რომ შეგისწრებდი,
ზვინებში რომ მოგბელავდი.
ნეტაი იმ დროს! შენს წამწამებს
რომ სცვიოდა ია მთების,
აწი გულის კუკულებზე
ვეღარ დაგინიავდები.
დეიზრდება, დეიყივლებს,
ი, ჭიორაი ჭუჭულები,
მე კი ყირმიზ ყურისძირში
ვეღარ ჩეგეფურჩულები.
კედლისკენ მაქვს პირი ახლა,
კედლებს ჩხვერენ ქორბუდები,
ღმერთმა იცის, სასიკეთოდ,
შენსკენ თუ გადმოვბრუნდები,
ვაიმე!_ რაფერ გიბერდები,
და... რაფერ გინათესავდები.

study


Last edited by Admin on Wed May 01, 2019 10:41 pm; edited 1 time in total
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5158
Registration date : 09.11.08

ზურაბ გორგილაძე Empty
PostSubject: Re: ზურაბ გორგილაძე   ზურაბ გორგილაძე EmptyWed May 01, 2019 10:35 pm


Zurab Gorgiladze "iqneb" leqsi achara
Published on Dec 3, 2009

ზურაბ გორგილაძე

იქნებ

შენი სული დაჭაობადა,
შენ მაგ ჭაობს ვერასოდეს გაიგებ,
ვითომ ჩემმა აჭარლობამ
საქართველოს შეუგინა რაიმე?!
მტერი მუდამ აჭარბებდა,
ყველა ტკივილს დრო მოჰკლასვ და წაიღებს,
ნუთუ ჩემმა აჭარლობამ,
საქართველოს წაუხდინა რაიმე?!
რაც ვიყავი კარგად იცი,
თავად ჰკითხე შენ ხელდასმულ კაი ყმებს,
აჭარლობამ, ამ ბედკრულმა აჭარლობამ,
საქართველოს წაუხდინა რაიმე?!
მაჭახელში ახლაც ლპება,
სისხლიანი მუხის კუნძი, ვაიმე!
იმ სისხლმა და იმ მდუღარე ლეკერტებმა
საქართველოს წაუბილწა რაიმე?!
სულში რისხვა გაჭენდება,
გაჭენდება გმინვა ყველა ეზოდან,
ჩემი კაი და ძირძველი აჭარლობა
მავენს გულზე ეკლად რატომ ესობა?!
რა თვალები მომებჯინა,
რა ჯოჯოხეთ-ჯურღმულებში მზირველი?
ტბელობა და სელიმობა გან არ იყო
ქართველობის საწინდარი პირველი?!
სულში რისხვა გაჭენდება,
უნებურად ხელს ხანჯალზე გაივლებ,
ნუთუ ჩემმა სევდიანმა აჭარლობამ
საქართველოს წაუხდინა რაიმე?!
ეს რა ერის ნათლობა აქვთ
შავ გულგვამში გამომწყვდეულ მამათა,
რომ ნაღდი და ჭეშმარიტი ქართველი ვარ,
იქნებ სულაც ეს არ მოსწონთ მავანთა?!
მარქვით, იქნებ ოდნავ ვერ იასმათა,
იქნებ სულაც ვერ იავთანდილა,
ჩვენი იუსუფ კობალაძის ყაბალახმა,
ჩვენი ნანა გვარიშვილის მანდილმა?!
თავად ქრისტეს სჯულისათვის,
ყოველივე აქ ხომ სისხლით შენივთდა,
იქნებ რამე აქვს სადავო საქართველოს
ყაბალახში თავმოკვეთილ სელიმთან?!
მთავარი კი ერთი არის,
წარმართული ქვა-ქუსლებით მილეწეს,
ღვთაებრივი ქრისტეს ჯვარი,
საქართველოს მე - პირველმა მივეცი!!!

study


Last edited by Admin on Thu May 02, 2019 9:45 am; edited 1 time in total
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5158
Registration date : 09.11.08

ზურაბ გორგილაძე Empty
PostSubject: Re: ზურაბ გორგილაძე   ზურაბ გორგილაძე EmptyWed May 01, 2019 10:36 pm


ზურაბ გორგილაძე / "ცაში ვაზი აყვავილდა"
Published on Apr 27, 2014

ზურაბ გორგილაძე

study
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5158
Registration date : 09.11.08

ზურაბ გორგილაძე Empty
PostSubject: Re: ზურაბ გორგილაძე   ზურაბ გორგილაძე EmptyWed May 01, 2019 10:39 pm

ზურაბ გორგილაძე

მეთევზე ბიჭის ბალადა

ჭალას ჩაღმა ჩავუყევი ბამბუკით და ანკესით,
ბიჭი ვიყავ მზეპერანგა, მოხეთქილი ანგეში.

და იქ სადაც შრიალი და ბინდი იცის წნორებმა,
დავინახე, ქერა ქალი დალალებს ისწორებდა.

წელს ზევით კი... ვარდისფერი ბუსუსების ფორები,
წელს ქვევით კი დავინახე, ეცვა მხოლოდ მორევი.

ბანაობდა... და უკეთესს ქვეყნად რასმე ნახავდი?
წყალს მიჰქონდა ტანის ლანდი, როგორც ნისლის ღაღადი.

თვრებოდა და ნებივრობდა ჩქერთა ჩქარი ჯირითით,
ბროლის მკერდზე დადებული ორად ორი ქვირითი.

დამინახა შეიცხადა მერე მორევს დანებდა
და მორევი ბორიალით აყურყუმალავებდა.

გოგო თირთქვი, გოგო თართქვი, გოგო საიადონო,
თვალებსა და ხელებს შუა მეხრჩობოდა ბატონო.

ჩქერალებში ჩამავალი მზის შუქივით მიმქრალმა
მკლავთა თეთრი შხაფაშხუფით ახლო არ მიმიკარა.

და იქ სადაც ლოდი იწვა, წყალი იდგა მომღვრიე,
ჩავყვინთე და წელზე ხელი ბადესავით მოვხვიე.

იკივლა და იყიჟინა ჰოი ქალის ბავშვობა,
ოღონდ ხელი არ მეხლო და ყაბულს იყო დახრჩობას.

გული თუმცა გული არის, გული მაინც მკერდშია,
ახლა მხოლოდ ერთი მსურდა, გოგო გადამერჩინა.

და ის გოგო გაწუწული, კაპარჩხანა, ქოთქოთა,
ნაპირისკენ გულწასული კალმახივით მომქონდა.

გოგო თირთქვი, გოგო თართქვი, გოგო საიადონო,
კინაღამ არ დამეღუპა ხელებშუა, ბატონო?!


მეთევზე ბიჭის ბალადა
Published on Jan 16, 2014
კითხულობს ზურაბ გორგილაძე

study


Last edited by Admin on Wed May 01, 2019 10:49 pm; edited 1 time in total
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5158
Registration date : 09.11.08

ზურაბ გორგილაძე Empty
PostSubject: Re: ზურაბ გორგილაძე   ზურაბ გორგილაძე EmptyWed May 01, 2019 10:45 pm


სიმღერა ბათუმზე. ტექსტის ავტორი ზურაბ გორგილაძე , მუსიკა ჯანსუღ კახიძისა...
Published on Jul 16, 2013

ზურაბ გორგილაძე

სიმღერა ბათუმზე


study
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5158
Registration date : 09.11.08

ზურაბ გორგილაძე Empty
PostSubject: Re: ზურაბ გორგილაძე   ზურაბ გორგილაძე EmptyWed May 01, 2019 10:47 pm

ზურაბ გორგილაძე

ჭადრაკი

არის პოეზია, მუსიკა, ბოჰემა,
ჯადონი ტალის თუ ფარცაგი ფიშერის,
მეც ჭადრაკს ვთამაშობ და მხოლოდ მოგება,
ყაიმი, ძვირფასო ვერაფერს მიშველის.

შენ ადრე მიხვდები და გვიან გაიგებ
და განსჯი, ვითარცა სინათლეს შეჰფერის,
როგორ პატრონობენ უთავო პაიკებს
დროის და დახლების ცბიერი მეფენი.

როგორ უსისხლხორცეს მცონარა პაიკებს,
ქისტების კასტებმა, უგვანო გვარებმა,
ჩვენმა წინაპრებმა საფლავშიც გაიგეს
ჩვენი სირცხვილი და ჩვენი მწუხარება.

გახსოვს ქვითინებდნენ ქარები დაფნაში
და ზარებს ვიღაცა რეკავდა დილამდე,
შეწირვაც იყო და იმ მძუან თამაშში
მამულის ღიმილის ღირსებას სწირავდნენ.

დღეს ჩემი მჩქეფარე აფრები იშლება,
ჩემს ნაფოტს მაღალი მნათობი დანათის,
რას მომცემს, რაც მოხდა ტალსა თუ ფიშერთან
დროის ორგიებით ფიქრის კაკანათით...

ოჰ, კიდევ ჩვილი აქვს ფრჩხილი და ნუნები
ჩემს ბებერ ბავშვებს და ჩემს ქალებს კაპასებს,
ადგილს ინაცვლებენ ბეცი ფიგურები
ამ გასაოცარი ჭადრაკის დაფაზე.

ეს მხოლოდ დროებით... დრო მიდის დრამებით,
ხალხთან ითამაშო მძიმე და ძნელია,
ცარიელდებიან დაღლილი სკამები
და ახალ ჟინსა და ჟრუანტელს ელიან.

არის პოეზია, მუსიკა, ბოჰემა,
ჯადონი ტალის თუ ფარცაგი ფიშერის...
ჩვენც ჭადრაკს ვთამაშობთ და მხოლოდ მოგება,
გახსოვდეს, ყაიმი ვერაფერს გიშველის.

What a Face


Zurab Gorgiladze ,,chadraki"
Published on Mar 16, 2010

study


Last edited by Admin on Thu May 02, 2019 9:42 am; edited 1 time in total
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5158
Registration date : 09.11.08

ზურაბ გორგილაძე Empty
PostSubject: Re: ზურაბ გორგილაძე   ზურაბ გორგილაძე EmptyWed May 01, 2019 10:51 pm

ზურაბ გორგილაძე

* * *
ჩემი ფსალმუნით განათებულ ფოთლოვან ტყეში
განა, -
იმიტომ შევუშვირე მზის სიცილს პეშვი?
განა, -
იმიტომ გადაიდგა ლანდები ბრუდე,
რომ მე ყიჟინით დამენგრია ჩიტების ბუდე?
განა, -
იმიტომ ავაოხრე სისხლი და, -
სისხლში, -
ის სიყვარული, შენ რომ ქვეყნის წამებით იშვი?
ნუთუ ამ სიზმარს, თვალგახელილს,
გართობა ერქვა,
და რაც გადარჩა, გაფრთხილების ზარივით რეკავს?
ნუთუ ამ ზარებს, -
დამსხვრეული მუსიკა ჰქვია
და ყველაფერი ცრუსარეცლის ცდუნებას მიაქვს?..
და ვიდრე, -
ჩემი მარტოობის კარავთან მოთოვს,
მე მოვაგროვებ უნებლიეთ ჩამოყრილ ფოთოლს,
მოვუხმობ ჭინკებს,
ტყის ფერიებს,
მშობლიურ ლანდებს,
დავანთებ ცეცხლს და მე იმ ცეცხლთან პირობას დავდებ,
რომ, -
არასოდეს არ ვახსენო სახელი შენი,
რომ, -
შენ იქნები ამ ცეცხლივით უკანასკნელი,
მაგრამ, -
მანამდე მიყვარხარ და შეუნდე ფოთოლს,
ვიდრე ამ ჩემი მარტოობის კარავთან მოთოვს.

Exclamation


ზურაბ გორგილაძე

ერთსულოვნების ვიდეოები
Published on Dec 14, 2015
კვირიაკეს სიუჟეტი - 13.12.2015


study


Last edited by Admin on Thu May 02, 2019 9:49 am; edited 1 time in total
Back to top Go down
http://armuri.georgianforum.com
Sponsored content




ზურაბ გორგილაძე Empty
PostSubject: Re: ზურაბ გორგილაძე   ზურაბ გორგილაძე Empty

Back to top Go down
 
ზურაბ გორგილაძე
Back to top 
Page 1 of 2Go to page : 1, 2  Next

Permissions in this forum:You cannot reply to topics in this forum
არმური Armuri :: მთქმელი და გამგონებელი :: პოეტების ქვეყანა-
Jump to: