არმური Armuri
არმური
არმური Armuri

არმური - ლიტარენა, უფრო კი – ბიბლიოთეკა
Armuri - literary Arena, or library from Georgia (country)


Forum started: Sun 9 Nov 2008
 
HomeHome  PortalPortal  RegisterRegister  Log inLog in  

Share
 

 კატო ჯავახიშვილი

Go down 
Go to page : Previous  1, 2, 3, 4
AuthorMessage
Admin
Into Armury
Into Armury
Admin

Male
Number of posts : 5079
Registration date : 09.11.08

კატო ჯავახიშვილი - Page 4 Empty
PostSubject: Re: კატო ჯავახიშვილი   კატო ჯავახიშვილი - Page 4 EmptyMon Oct 06, 2014 11:25 am

კატო ჯავახიშვილი - Page 4 20181010
კატო ჯავახიშვილი ფრანკფურტში, 12 ოქტომბერი, 2018


კატო ჯავახიშვილი

***
ჩემი პერანგი გაფინა კაცმა მზეზე და პერანგი მაღლა ავიდა.
ქარი იყო უთუოდ, გარეთ.
ჩემი პერანგი გაფინა კაცმა მზეზე და ქარმა იგივე პერანგი ჩაიცვა,-
სახელად შავი.
ფრთებიდან ქატოს ვიფერთხავ გზაზე და ვტკეპნი შენი ყვირილის ნაპირს.
რომ დავიბადო შენი და ჩემი სიფხიზლისათვის,
დახაროს თავი ყველა ყვავილმა.

რომელ ღეროში ვიპოვო ღმერთი?
რომელ კალაპოტს ჩავასწრო ქვევით, რომ ვერ დავბრუნდე?

ჩემი პერანგი გაფინა კაცმა მზეზე და ზურგზე ფრთები შეიწყო,
ფრთები იყო უთუოდ ჩემი.
ჩემი პერანგი გაფინა კაცმა მზეზე და გზაზე მღვრიე წყალმა მიუსწრო
წყალი იყო რატომღაც ბევრი.
იქნება წყალმა სადმე წაიღოს და ლიანდაგებს გამოარიდოს
უდროობიდან შემთხვევით ამოზრდილი
ყვავილების ღეროების ღმერთი.

სად მიდის ღმერთი, როცა საკუთარ თავს ვუბრუნდებით?..
რომელ ყვავილში კვდება ასე დაუნანებლად?

ჩემი პერანგი მიაქვს გზას და გზისგარეთ ვხედავ საკუთარ თავს და პერანგს და გზას უპერანგოდ და გზას პერანგით და პერანგიან გზას და საკუთარ პერანგს, ჩემს გარეშე და მასთან ერთად და წყალს, რომელსაც ვერაფრით ავცდით, ვერც პერანგით და ვერც უპერანგოდ, და მიწას, სადაც ვჩანვართ და გვძინავს, როცა ცოცხლებს და მკვდრებსაც არ ვგავართ, და ღმერთს, რომელიც პერანგში გვხედავს, და ღმერთს, რომელიც პერანგებს გვხდიდა, და ღმერთს, რომელსაც უღმერთოდ შავი და ღმერთივით ჩია შაშვი ჩიოდა.

რის გარეთ ვდგავართ, როცა გვცივა, როცა ვმცირდებით?
ვისას ჩიოდა შავი შაშვი გათენებისას?

ჩემი პერანგი გაფინა გზამ და გზაზე მგზავრი არ იყო.
დრო არ ჩანდა საჩემოდ გრძელი.
ჩემი პერანგი გაფინა დრომ და ქარმა ბუმბულს დევნა დაუწყო
თითქოსდა მღერის.
მე ხელებს შენი ყვირილისაკენ
ვიშვერ და თვალში ბზინავს სიმართლე
მე ხელებს შენი დუმილისაკენ, -
ვიშვერ და თვალში ბზინავს სიცრუე
როცა მხრებიდან ვიწევი ზევით.

რის გამო მახსოვს მომავალი, როცა ვბრუნდები?
როცა ხანმოკლე განშორებებს ვემშვიდობები?

შენი ღმერთები ყვირიან ღამით და ღამე თითქოს სულაც არ იყოს
ისეთი შავი.
შენი ღმერთები მღერიან ღამით და თითქოს ჩემი მყიფე მხრებიდან
ზუზუნებს ქარი.
იქნება მხრები უნდა მოვხარო
იქნება მხრები უნდა გავშალო
რომ შენ უვნებლად ამოიყვანო
ბუსუსებიდან ამოზრდილი
ყვავილების ღეროების ღმერთი.

ვისას ჩიოდა შავი შაშვი გათენებისას?
ვისას ვცხოვრობთ და რომ გავდივართ, რად ვერ ვბრუნდებით?...

ჩემი ცხოვრება მიაქვს გზას და გზისგარეთ ვხედავ საკუთარ თავს და გზას გაუვლელს და გზას განვლილს და გზას გასავლელს და დუმილს, რომელიც ცხოვრებას ავსებს და დუმილს, რომელიც ცხოვრებას ღლიდა, და მხრებზე ქატოს, რომელიც ზღაპარს აფრთხობდა, მერე კი ცხადში თლიდა, კომბლებს, რომლებსაც ელოდა ცხვარი, კომბლებს, რომლებსაც ვაწყობდით ჭერში, კომბლებს, რომლებსაც ზღაპარი არა, ცხოვრება ჩემი მხრებივით თლიდა.

მოვკალი შენი ყვირილის ღმერთი და ხელებს უკვე ვეღარ მივაწვდენ
მაგ მლაშე ნაპირს.
შევკარი შენი წილი სიმართლე და გისმენ, როგორ დგახარ და
გულზე ქინძისთავს მაბნევ.

და ხედავ ჩემი კანის სირბილეს
და გრძნობ, რომ ამ ტანს წვიმა მირბილებს
და შენ ღმერთივით დგახარ ჩვენს შორის
იქ, სადაც ღმერთი არის სიშორე
და ხელებს ჩემი სიფხიზლისაკენ
იშვერ და გულში ბზინავს სიმართლე
და ხელებს ჩემი ღალატისაკენ
იშვერ და თვალში ბზინავს სიცრუე
და ხელებს უცხო მხარეებისკენ
იშვერ და გალობს ჩემი მხრებიდან
ის ჩია შაშვი.

სად არის ჩემი წყვეტილი ღამე?
ვის ბალიშზე წევს, დახუჭული როცა ვიღლები?

2019

study


Last edited by Admin on Sun Apr 21, 2019 11:56 pm; edited 1 time in total
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5079
Registration date : 09.11.08

კატო ჯავახიშვილი - Page 4 Empty
PostSubject: Re: კატო ჯავახიშვილი   კატო ჯავახიშვილი - Page 4 EmptyMon Apr 27, 2015 1:59 pm

კატო ჯავახიშვილი

***

ამანა თქვა: მცივაო.
ავდექი და საწვიმარი გავიხადე.
იმან: - მეც რომ არ მაქვსო?
ავდექი და კაბა გავიხადე.
მესამემ: - ღმერთი მოგვცემსო.
გასახდელი არაფერი მქონდა და ღმერთი გავიხადე.
-რომ არ მოგვცესო?
მუცელში წვიმა ჩავიგუბე და შვილი გავიხადე.
პატარამ: - მოვიპაროთო.
ყურძენი დავსრისე და გული გავიხადე.
ჩემი თვალებით უნდა შეხედო:
ღამღამობით, როცა სახმელეთო ამბები სრულდება
და საკუთარი სიზმრის ნაოსნობაში წასულები სხვის სიზმრებში იღვიძებენ,
ღამღამობით, როცა საკუთარცხოვრებამიტოვებულები
სხვის ცხოვრებაში იძებნებიან,
ღამღამობით, როცა ენაგადმოტრიალებულები
სხვის სიტყვებში ძვალდებიან და
მომავალგადარბენილები წარსულში ერთი ნაჭერი ბედნიერებისთვის იქექებიან,
რომ ნამცეცებით ამოვსებული სტომაქებიდან
დრომ მათი წილი შიმშილი მოშიებული ჩიტივით არ ამოკენკოს
და პირში ჭიაყელასავით არ დაეკლაკნოთ ის,
რაც ხელისგულზე უხსოვარი დროიდან წაიწერეს
და ცხოვრება დაარქვეს,
რომ მერე, სიზმრის ტბაში ჩაგუბებულებმა
და თევზივით ასხმარტალებულებმა
საკუთარი ცხოვრება არ გადაყლაპონ და წარსულდაბრუნებულებს
საკუთარი თავის არ შეეშინდეთ,
ჰო, ღამღამობით, როცა ცხადში ჩაღეჭილი იასამნის ხუთფურცელა ფოთოლი
მწკლარტე გემოს მიტოვებს პირში
და წყლის დასალევად ფეხშიშველი გამოვდივარ სამზარეულოში,
რომ მუნჯი სურვილები წყალს სიზმრებით გავაყოლო,
მე ვხედავ, ხბორივით როგორ მივყვები საკუთარ ჩრდილს
ჩემი მომავლის გამოქვაბულში
და უკან დაბრუნებულს, საკუთარი თავი მშია.
ამანა თქვა - მშიაო.
მშია-მეთქი ვთქვი მეც და წყალი დავლიე.
- რომ არ გვაქვსო?
თევზები ენის კაუჭზე წამოვიცვი.
მესამემ: - ღმერთი მოგვცემსო.
ღმერთი სადღაა-მეთქი და ფარფლები ენიდან დავიფხიკე.
იმან: - რომ არ მოგვცესო?
ყელიდან ფხა გამოვიძვრინე.
პატარამ: - მოვიპაროთო.
მოვიპაროთ-მეთქი... და საკუთარი თავი ვიქურდე.
„ბოლია, ბოლია,
ხბო წითელია, ძროხა ჭრელია.“

study
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5079
Registration date : 09.11.08

კატო ჯავახიშვილი - Page 4 Empty
PostSubject: Re: კატო ჯავახიშვილი   კატო ჯავახიშვილი - Page 4 EmptyThu May 14, 2015 7:03 pm

კატო ჯავახიშვილი

კაცი

ვიწრო არ იყოს და გაწყდეს.
არ იყოს ვიწრო და გაწყდეს.
თოკი კი არა და
გზა კი არა და
ღამე კი არა და
კაცი.
წელი არ ჰქონდეს და მოსწყდეს.
არ ჰქონდეს წელი და მოსწყდეს.
დროს კი არა და
ხმას კი არა და
კაცს კი არა და
– მანძილს
და ოდეს გზები დაიღალონ, დაიღალონ გზები ოდეს-
მე ზურგი ჩამოვიხსნა. კენჭებივით დავყარო ძვლები-
დან კირი ჩამოვფხიკო – უბათქაშო სურვილები. მანდე
კედლებად დავიწყება. მორყეული რიკულები. მქონდეს
თევზების მონატრება – უხერხემლო მოლოდინი. ძებნის-
გან წყალი დაგელიოს. შავთვალწყალში ჩააგდო ბადე –
ქარი არ იყოს და ჩადგეს.
არ იყოს ქარი და ჩადგეს.
ქალში კი არა და
კაცში კი არა და
ბავშვში კი არა და
– ხეში.
არ მაჩენდე და გავჩნდე.
არ მაჩენდე და ჩავრჩე.
დროში არა და
გზაში არა და
ქარში არა და
შენში
რომ ოდეს გზები დაიღალონ, დაიღალონ გზები, ოდეს –
თუ თევზი არ ამოჰყვეს გზაწვრილისკენ მოქნეულ ბადეს
თუ გზაზე ვიწრო იყოს, ვიწრო იყოს და გაწყდეს,
რომ დაიძინო ცოცხალივით, დაუფქვავი ხორბლის გზებზე. გქონდეს
თვალი და ვერ ხედავდე. გქონდეს ტანი და ვერაფრით ვერ ძრავდე.
ოდეს თუ ტვირთიც კი არ იყოს,
კაციც კი არ იყოს,
თავიც კი არ იყოს,
რომ გწამდეს.

study
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5079
Registration date : 09.11.08

კატო ჯავახიშვილი - Page 4 Empty
PostSubject: Re: კატო ჯავახიშვილი   კატო ჯავახიშვილი - Page 4 EmptyTue Nov 03, 2015 12:29 pm

კატო ჯავახიშვილი - Page 4 2_finj10

წიგნის დასახელება - 2 ფინჯანი
ავტორი - კატო ჯავახიშვილი
ISBN 978-9941-458-68-2
კატეგორია -კრიტიკა-ესეისტიკა
გვერდები - 292
ფორმატი - 14.8x21
ყდა - მაგარი
ფასი - 8.15

ორი ფინჯანი იმ ინტერვიუების სრული კრებულია, რომლებიც წლების მანძილზე, სხვადასხვა პერიოდულ გამოცემაში ქვეყნდებოდა. ესაა პოეტის, კატო ჯავახიშვილის პროექტი, რომელიც მიზნად ისახავს თანამედროვე მწერალთა პიროვნების უკეთ გაცნობას საზოგადოებისთვის.
პოეტები, პროზაიკოსები, მთარგმნელები და პუბლიცისტები – კრებულში მრავალფეროვანი სპექტრია თავმოყრილი და თანამედროვე ქართულ ლიტერატურულ პროცესებზე ამ წიგნითაც შეიძლება მკაფიო წარმოდგენის შექმნა.
პოეტის მიერ მომზადებული ინტერვიუ დამატებით ხიბლს სძენს რესპოდენტის შინაგანი სამყაროს წარმოჩენას – თვალსაჩინოვდება ის სიღრმეები, ხშირად მკითხველისგან უხილავი პლასტები, რაც მწერლის შემოქმედებით ბიოგრაფიას განაპირობებს. ამ მხრივ კრებული ძალიან საინტერესოა.

ბმული - http://www.intelekti.ge/book_ge.php?id=447


study
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5079
Registration date : 09.11.08

კატო ჯავახიშვილი - Page 4 Empty
PostSubject: Re: კატო ჯავახიშვილი   კატო ჯავახიშვილი - Page 4 EmptyWed Nov 15, 2017 2:22 pm

კატო ჯავახიშვილი - Page 4 20181012
კატო ჯავახიშვილი ფრანკფურტში, 12 ოქტომბერი, 2018

კატო ჯავახიშვილი

***
აი, მომიტანე ზედსართავი მოსართავად
ფარჩის კაბებად და აბრეშუმის მანჟეტებად
მხრებზე შორისდებულს ისე ვიახლოვებ
ცვივა ძველებური ღილი-მონეტები
ჩვენი უმომავლო პატარა სახლიდან
ვდგავარ ზურგშექცევით, მიწისკენ, ვირთვები.

აი, მომიტანე სიტყვა გასათვლელად
პირის ნაცვალი და დროში გასაცრელი
ვერცხლის ქინძისთავით ვძენძავ საღამოებს
თოკზე გაფენილი ქათქათა საცვლები
მიაქვთ ძილისპირულ ამბავში ღამურებს
მე კი მხოლობითში ვდგავარ და ვირთვები.

აი, მომიტანე ცხრა ძაფი და ცხრა სართავი
თვალის წინ და უკან მონაცვლებით დაბრუნება
ჩვენ წინ ბორბალი და კოჭი და ტრიალი
უკან მორევი და ძაფი და დინებას
ვიწრო გასასვლელში, უკუღმა სიარულით
მიაქვს ძველებური ღილი-მონეტები
ფარჩის კაბები და ჩემი მანჟეტები
ფარჩის კაბები და ჩემი მანჟეტები
მიაქვს დინებას და მე შენთვის ვირთვები.

აი, მომიტანე ზედსართავი მოსართავად.
აი, მომიტანე ზედსართავი მოსართავად.


study


Last edited by Admin on Sun Jan 13, 2019 10:35 pm; edited 3 times in total
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5079
Registration date : 09.11.08

კატო ჯავახიშვილი - Page 4 Empty
PostSubject: Re: კატო ჯავახიშვილი   კატო ჯავახიშვილი - Page 4 EmptySun Jan 13, 2019 9:47 am

კატო ჯავახიშვილი

თვითმკვლელთა შვილებს

ამ ჭიაღუებს დაბადება დაუგვიანდათ.
პეპლის ჭუპრიდან გამოჩეკილ ადამიანებს,
ფრთამოგლეჯილი ოცნებები ერგოთ საგზლად და
გათენებულზე - საკუთარ ხორცს ხარბად იჭამენ.
გადამწიფებულ დედამიწას სხვა რა შემორჩა,
თუ არა ომებს დააბრალოს კუზის ამოზრდა,
ხმელეთის გასწვრივ ამოსული არქიპელაგი.
ეს ნაწილ-ნაწილ მორღვეული კიდურები კი
ყრია, გგონია რომ ბავშვობის სათამაშოებს
ვიღაცამ მჭრელი, ბასრი დანა სიგრძივ დაუსვა
და დედამიწა დაიმტვერა მათი ნახერხით.
აქ სიკვდილია.
საფეთქელს და საფეთქელს შორის,
მიედინება წყალი მდორედ - გრძელ დერეფანში.
თვითმკვლელთა შვილებს - გადარჩენა გვიგვიანდება,
თვითმკვლელთა შვილებს - სიყვარულსაც არ გვპატიობენ
გრძელ სიცოცხლეში
და...
მე, ვისაც სამყარო ამ ერთი უძილო ღამისთვის მებევრა,
ლოცვისთვის განკუთვნილ სეფისკვერს - გაყინულ თითებში ვმალავდი.
მე - ვინც გაციებულ კოცონს ვასუნთქებდი სიცოცხლის საბერველს
და ღამეს ვუყოფდი, შემზარავ, სისხლიან, უძილო მოლოდინს.
მე - ვისაც არასდროს, არცერთი წუთით და წამით და საათით,
ცხოვრება _ ბორბლებზე შემდგარი ურჩხული, მარტოს არ მტოვებდა.
მე - ვინც ეს დუმილი, უსისხლო, უსახლო, ვერაფრით გავათბე
და წლობით ვატარე, სულები, ჩრდილები, თვალებში მსტოვრებად.
შვიდი თაობის საზიდ ხურჯინს მოვათრევ ზურგით,
ჭუპრებით სავსეს, და ხელები მევსება მიწით.
და როცა პეპლებს მოლოდინი ააფრთხიალებთ,
ან როცა ფრთებით საიდუმლოს დაიფერთხავენ,
ყველა ჭუპრიდან გადარჩენა, როგორც სათუო
გზა ისე ჩნდება, როგორც ექოს ჩავარდნა ჭაში.
აქ სიკვდილია.
საფეთქელს და საფეთქელს შორის,
მიედინება წყალი მდორედ გრძელ დერეფანში
თვითმკვლელთა შვილებს თვითმკვლელობაც გვეპატიება,
თვითმკვლელთა შვილებს სიყვარულიც გვეპატიება,
თვითმკვლელთა შვილებს დავიწყება გვეპატიება
იმ სიცოცხლეში...
შენ - ვისაც ამ ერთი უძილო ღამისთვის, არ შეგრჩა ძალები,
სხეულზე ჯვარსა და სულში კი ლოცვების მაჩვევდი ტარებას.
შენ, ვისაც გიცილებ და მაინც ამ გულში ტკივილად ძვალდები
და მაინც ახლოს ხარ, ყოველთვის მარცხნივ და საგულე კარებთან.
შენ - ვისაც ვერასდროს, ჩემი სიძულვილი ვერაფრით მოგწვდება,
და ჯვარი დამასვი ასეთი მძიმე და სასტიკი. ასეთი,
შენ მაინც ჩემში ხარ, ტუჩებთან, ხელებთან, თვალებთან, ღაწვებთან,
მოკვეთილ საფლავთან ტუჩებით, ხელებით, ცრემლებით მაერთებ.
ამ ჭიაღუებს დაბადება დაუგვიანდათ.
აქ სიკვდილია.
თვითმკვლელთა შვილებს
შეგვინდე, ღმერთო.


study


Last edited by Admin on Sun Apr 21, 2019 11:55 pm; edited 4 times in total
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5079
Registration date : 09.11.08

კატო ჯავახიშვილი - Page 4 Empty
PostSubject: Re: კატო ჯავახიშვილი   კატო ჯავახიშვილი - Page 4 EmptySun Jan 13, 2019 9:48 am

კატო ჯავახიშვილი - Page 4 20181011
კატო ჯავახიშვილი ფრანკფურტში, 12 ოქტომბერი, 2018

კატო ჯავახიშვილი

***
ვერავინ ნახოს, როგორ გაგცდი გასულ წელს, დილით.
ისე სცხელოდათ ამ ყვავილებს შუა ზამთარში.
ვერავინ ნახოს, როგორ გაგცდი გასულ წელს, დილით.
ვერავინ ნახოს, - ვერც დილამ და ვერც იმ ზამთარმა.
როცა სცხელოდათ ყვავილებს და მე გაგცდე დილით.
არც ისე დილით, და არც ისე შუა ზამთარში.
ახლა კი ჩემი ზამთრიანად მოგყვები უკან,
ძალიან დილით და ძალიან შუა ზამთარში.

2019

study
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5079
Registration date : 09.11.08

კატო ჯავახიშვილი - Page 4 Empty
PostSubject: Re: კატო ჯავახიშვილი   კატო ჯავახიშვილი - Page 4 EmptyFri Feb 08, 2019 8:47 pm


კატო ჯავახიშვილი - ნირვანაში დაკარგულები

რეჟისორი - ზურაბ კანდელაკი
ხმის რეჟისორი - ბაკო ხვიჩია

მონაწილეობენ: ნიკა წერედიანი, ლილი ხურითი, გივი ჩუგუაშვილი, დათო ბერაძე, ქეთი ჩაჩუა, ზურაბ ცინცქილაძე, პაატა კიკვაძე, ვახტანგ ნოზაძე, გოგა ბერაძე, მათე კილასონია.

ჩაწერილია 2015 წელს.

ბმული:
* https://youtu.be/jf25hFXnLfM

study
Back to top Go down
http://armuri.georgianforum.com
Admin
Into Armury
Into Armury
Admin

Male
Number of posts : 5079
Registration date : 09.11.08

კატო ჯავახიშვილი - Page 4 Empty
PostSubject: Re: კატო ჯავახიშვილი   კატო ჯავახიშვილი - Page 4 EmptyFri Feb 08, 2019 9:01 pm


კატო ჯავახიშვილი - ცხვარი

რეჟისორი - ზურაბ კანდელაკი
ხმის რეჟისორი - ბაკო ხვიჩია

მონაწილეობენ: ნიკა წერედიანი, ნინო ლეჟავა, ქეთი ჩაჩუა, დათო ბერაძე, პაატა კიკვაძე, ვახტანგ ნოზაძე, ჯემალ მელქაძე, ნუკრი კონსტანტინოვი.

საკუთარ ლექსებს კითხულობს კატო ჯავახიშვილი.
ჩაწერილია 2012 წელს.

ბმული:
* https://youtu.be/dIM2dFSy0NY

study
Back to top Go down
http://armuri.georgianforum.com
Nicoletta La Chatte
Admin
Admin
Nicoletta La Chatte

Female
Number of posts : 365
Age : 28
Location : Marseille
Job/hobbies : poète et Journaliste
Humor : Le bien
Registration date : 12.02.19

კატო ჯავახიშვილი - Page 4 Empty
PostSubject: Re: კატო ჯავახიშვილი   კატო ჯავახიშვილი - Page 4 EmptyTue Mar 12, 2019 9:42 am

კატო ჯავახიშვილი

***
გამცნობ: მე შენ და კიდევ ათასს, ათიათასს და ყველას ვინც გგავს, ვამცნობ:
ვინც შენ არ გგავს და უნდა გგავდეს, და თვალებს მალავს, როცა მზეა, მათთვის:
გუშინ იმ ქალმა შეიკერა ნაავდრალი ღრუბლისგან კაბა, და ვამცნე:
რომ ღრუბლებს აღარ ვრეცხავ, მხოლოდ ვავლებ, მხოლოდ ვდუმვარ და დუმილს ძაფივით ვართავ.

გამცნობ, რომ უნდა დაიღალო სიფხიზლისგან და სიხარულსაც გაექცე. გამცნე, -
რომ ერთხელ უნდა ამოივსო თვალები და საკუთარი ჩრდილიდან ადგე
იქ, სადაც სრული სიჩუმეა, - იქ დამუნჯდე. სადაც ძილიც და ღვიძილიც, ნაცნობ
ჰორიზონტს ვეღარ სწვდება, ვერ ეწევი ქარის ზეწარს, საშენო ადგილს

სადმე თუ მაინც გადააწყდი, სადმე თუ მაინც შეამჩნიე ჩიტების ბუდე
მამცნე, რომ თბილა, რომ თივაა. რომ ლოგინი - სუფთაა და მძიმე.
რომ ოთხად ისე მოვიკეცო, ხელისგულში ჩავტიო ტანი, და ვბედავ,
ვიდრე ეს სიცივე გაცხადდება, ვიდრე ეს ცხოვრება თეთრ სიზმარში მძირავს, -

გამცნო, რომ მიწა აღარ დარჩა, არცერთ ხეში და არცერთ გზაში. არცერთ
სიყვარულს არ გაუცვდა, არ გაუცვდა არც სიკვდილს, და მე მაინც გამცნობ
რომ მიწა უნდა იყოს ყამირი და სახლი კი სულ ნედლი ფიცრის
და ტბასთან კაცი დადიოდეს და სციოდეს და გულში იგროვებდეს ნაცარს.

გითხრა, რომ ვერსად შეგიყვარე, რადგან ვერსად დავსახლდი და ძილში
ჭერი გამეპარა ოთახიდან, რომელშიც მთელი წელი განუწყვეტლივ თოვდა.
დაგთმე, და ისე უხერხულად და ისე მოზომილად გიკემსავ მანძილს
თითქოს გაჩერებულ საათებში შემოპარულ შეხვედრებს ვართობ.

ვითმენ, რომ თოვლი აღარ მოდის, და თეთრი აღარ ვხდები, და მაინც ვითმენ
იმას, რომ უკვე დავლაქავდი, და წურბელებს გადაღლილ მუხლებში ვმალავ
იმას, რომ წყალზე მივდიოდი, ცეცხლი შემომხვდა და სქელ კედლებს მითბობს
იმას, რომ ცეცხლი შემომხვდა და წყალი ვერ დავაშრე, იმას რომ მალე, -

გამცნობ, მე შენ და კიდევ ათასს, ათიათასს და ყველას ვინც გგავს, ვამბობ:
რომ ყველა მლაშე მდინარე და ყველა შესართავი დაშრება ერთხელ
მერე გაიხსნება ყველა კარი და ფანჯარა და შენს ტანს, - დამბალს
ყანის განაპირად დაუყრიან შესეულ გულთეთრა მერცხლებს.

2019

flower

_________________
Nicoletta La Chatte Exclamation
Back to top Go down
https://www.facebook.com/armuri
Admin
Into Armury
Into Armury
Admin

Male
Number of posts : 5079
Registration date : 09.11.08

კატო ჯავახიშვილი - Page 4 Empty
PostSubject: Re: კატო ჯავახიშვილი   კატო ჯავახიშვილი - Page 4 EmptySun Apr 21, 2019 11:53 pm

კატო ჯავახიშვილი

ფარდულის ანგელოზები

დიდება ქვეყანასა ამას,
მუცელგაფატრული ბაღების ღმერთებისგან მკვდრადშობილს
დამარხულს ენით, მიწისძვრით და წყალდიდობებით.
ჭრელხალიჩაგადაფარებულს.
დიდება კოკობსა ვარდსა და ზურგიდან გამცვდარ დარდიან ხმასა
იავ-ნა-ნოს და ვარდო-ნა-ნოს, ნაწყალობევს და არც ისე თამამს,
თვალ-წამწამ-წასულ მინდვრების ალაგს
ტიკჭორით ჭას და მის ფსკერზე ფარას.
ცხვრისას.

დიდება ჩვენი კოლმეურნეობის თავმჯდომარეებს!

დიდება მგზავრს და მორჩენილ საგზალს
ზურგიდან ტყეს და წინიდან ხანძარს,
ფარდულში ფეხის შესწრებას და გზას,
რომელიც არ სჩანს.
დიდება ძარღვებამომჯდარ ხელებს
ქვიტკირის ფაფას სიზმრით რომ ზელენ
შარაზე სოფლის მაყვალს და ასკილს
ხარაჩოების შეწვდენას ცაში.

წყალმცენარეთა ხეივნების ყვავილობით სახედაკენკილ გმირებს დიდება!

დიდება შიმშილს და ხანგრძლივ ზამთარს
თხელ ფიცრულებში მონარჩენი ზღაპრებით მაძღართ
ფუნთუშებიდან ქიშმიშებივით ამომძვრალ ბავშვებს, -
გზის ყაყაჩოებს.
დიდება ხატს და დედასავით საფიცარს სამშობლოს ჩვენსას
მიწას და ყანას, კოლექტიურ მკასა და თესვას
მალებგამცვდარი ხერხემლიდან ასიდან ათი
წამოდგება და სახატეში კელაპტარს ანთებს, -
სად არის ახლა „ჩემი ხატია?“

დიდება გმირებს, მეჯართეებს, მაღაროელებს!

დიდება ომს და დიდება ფოლადს
ტყვიების წვიმას და მზეებს ფონად
და მდინარეებს, რომლებსაც მოაქვს
ზარბაზნის სიმფონია.
დიდება სიკვდილს და ყველა მკვდარსაც
დამარხულს, ანდა დაკარგულს გზაში
და ყველას, ვისაც სჯერა, რომ მოვლენ
ფარდულის ანგელოზები.

2019

study
Back to top Go down
http://armuri.georgianforum.com
Sponsored content




კატო ჯავახიშვილი - Page 4 Empty
PostSubject: Re: კატო ჯავახიშვილი   კატო ჯავახიშვილი - Page 4 Empty

Back to top Go down
 
კატო ჯავახიშვილი
Back to top 
Page 4 of 4Go to page : Previous  1, 2, 3, 4

Permissions in this forum:You cannot reply to topics in this forum
არმური Armuri :: მთქმელი და გამგონებელი :: პოეტების ქვეყანა-
Jump to: